Big Brother Albania 2 - Live

[ReniX]

Sapo ka nisur edicioni i dyte i Big Brother 2 Albania

Shiko tani Live Big Brother Albania


Banoret e shtepise BB2A


Ardian Pojana
Mosha: 40 vjec
Vendlindja: Tiranë
Vendbanimi: Tiranë
Gjendja civile: Beqar
Profesioni: Marketing tek “Moving Culture”


Pavlin Polia
Datëlindja: 30 shtator 1981
Mosha: 27 vjec
Vendlindja: Theth, Shkodër
Vendbanimi: Theth, Shkodër
Gjendja civile: I divorcuar



Dritan Shehaj
Mosha: 26 vjec
Vendlindja: Gjirokastër
Vendbanimi: Tiranë
Gjendja civile: I fejuar
Arsimi: I lartë, Fakulteti i Drejtësisë/ Universiteti Ushtarak “Skënderbej”
Profesioni: Këshilltar ligjor në brigadën e mbështetjes rajonale/ Forcat e Armatosura.
Hobi: Avokatia



Agon Radoniqi




Bjordi Mezini
Mosha: 20 vjec
Vendlindja: Durrës
Vendbanimi: Lecco, Itali
Gjendja civile: Beqar
Profesioni: Pronar i agjencisë së ndërtimit “Domus Nova” në Itali
Hobi: Artet, kinemaja



Arjon Muca
Datëlindja: 22 prill 1985
Horoskopi: Demi
Mosha: 23 vjec
Vendlindja: Vlorë
Vendbanimi: Tiranë
Gjendja civile: Beqar



Qetsor Ferunaj
Datëlindja: 25.12.1975
Horoskopi: Bricjapi
Mosha: 33 vjec
Vendlindja: Dukat
Vendbanimi: Orikum, Vlorë
Gjendja civile: I martuar, me një fëmijë (djalë)
Besimi: agnostik

[ReniX]

Vajzat e Big Brother Albania 2



Adelajda Xhamani
Mosha: 22 vjec
Vendlindja: Kavajë
Vendbanimi: Kavajë
Gjendja civile: E fejuar
Flokët: Të kuqe
Arsimi: I lartë, Cikël i Ulët
Profesioni: Mësuese e Letërsisë dhe Gjuhës Shqipe në Luz të Vogël të Kavajës.
Hobi: Muzika, letërsia



Republika Kasmahu
Mosha: 24 vjec
Vendlindja: Gjirokastër
Vendbanimi: Lazarat
Gjendja civile: Beqare
Arsimi: I lartë, Gjuhë-Letërsi
Profesioni: E papunë
Hobi: Poezia



Zhuljeta Daci
Mosha: 28 vjec
Vendlindja: Peshkopi (Dibër)
Vendbanimi: Tiranë
Gjendja civile: Beqare
Arsimi: I lartë/ pasuniversitar, Gjermanisht.
Profesioni: Operatore në sektorin e taksave pranë Drejtorisë së Shfrytëzimit të Ambienteve, Tiranë (Kolaudimi i makinave)
Hobi: I pëlqen gjaku, ka hobi të therrë kafshë ose shpendë.



Erjola Jolldashi
Mosha: 25 vjec
Vendlindja: Elbasan
Vendbanimi: Kucovë, së fundi ka ardhur në Tiranë
Gjendja civile: E martuar me një fëmijë
Sytë: Gështenjë
Flokët: Të verdha
Arsimi: I lartë. Vazhdon studimet për Agro-Biznes, Viti II, Elbasan.
Profesioni: Ndihmon burrin në biznesin e fruta-perimeve
Hobi: Llafet!
Do të hyjë në Big Brother sepse: ka shumë energji pozitive që do donte t’ua transmetonte dhe të tjerëve.



Aida Troka



Lirita Halili
Mosha: 22 vjec
Vendlindja: Prishtinë
Vendbanimi: Prishtinë
Gjendja civile: Beqare
Sytë: Të zinj
Flokët: Të zeza
Arsimi: I lartë, Shkenca Komunikimi
Profesioni: Shitëse në një butique
Hobi: Shkencat e komunikimit dhe psikologjia, muzika dhe festat.



Mimoza Krasniqi

[interisti 1]

arjoli eshte dashuria jetes time.eshte ylllllllllllllllllllllllllllllllll.ai ka per ta fituar.te dua arjolllllllllllllll

[interisti 1]

jam matisi.arjol kam mbushur muret librat cdo gje me fotot e tua e emrin tend.eshte ylllllllllllllllllllllllllllllllllllll

[Kliton]

Adelajda: Nuk dua te me thone “zemra”

Duke pirë kafen në kuzhinë, Adelajda ka shprehur pakënaqësinë dhe paragjykimet e saj ndaj meshkujve që në vend t’i thërrasin femrat me emrat e tyre, u thonë “zemra”.
“-Unë nuk dua, -ka thënë qartë ajo- të më thërrasin zemra. Unë kam një emër, më thërrit me emër!” Djemtë i janë kundërvënë duke thënë se sipas mendimit të tyre nuk ka asgjë të keqe në këtë mes, madje kjo mund të jetë një mënyrë mjaft e mirë për të dalë nga situata kur nuk të kujtohet emri i vajzës apo gruas që po i flet, apo, sipas Qetsorit, një mënyrë për ta marrë atë me të mire e për të arritur atë që do.
“-Unë nuk dua dhe pikë!- ka vazhduar ajo. –Ose, nëse ju vazhdoni ta përdorni, mos t’ju vijë keq kur unë t’ju thërras: -O çuni!”



Vajzat shkembejne komplimente

Në të gdhirë, të ulura jashtë në oborr, Aida dhe Lirita kanë komplimentuar njëra-tjetrën. Sipas Aidës, Lirita ka një trup shumë të bukur, por duhet të tregohet mjaft e kujdesshme për të mos shtuar asnjë kile tjetër. Ndërsa Lirita ia ka kthyer komplimentet duke i thënë se syzet optike, asaj, në të kundërt të Agonit që duket shumë i dobët me to, i shkojnë jashtë mase


Pavlini flet per turizmin malor

Pas darkës, bisedat e banorëve përqëndrohen tek turizmi, ku duket se ai malor është një temë mjaft e përfolur mes konkurenmtëve. Kështu Pavlini duke qenë se është shumë i lidhur me këtë zonë turistike tregon për bukurinë e alpeve, për mikpritjen e zonës si dhe 40 hanet e ngritura në mes të maleve të cilat arrijnë të mirëpresin deri në 8 mijë turistë në vit. Pavlini tregon edhe për një pasion tjetër të tij, që janë kamerat e fshehta dhe ka shumë dëshirë që të merret me këto gjëra dhe të jetë protagonist. Ndërkohë Adi është i merakosur për kuzhinën, pais sipas tij është e padrejtë që gatuan një person dhe hanë 13 të tjerë, prandaj u ka kërkuar banorëve të jenë më të gatshëm në ndarjen e detyrave që të gjithë të shijojnë darkën, pa menduar kush u lodh për të gatuar.


Nisin pergatitjet per proven e javes

Më në fund gjërat bëhen me serioze në shtëpi. Banorët kujtohen se kanë përpara një sfidë të madhe, pikërisht provën e javës, prandaj edhe impenjohen të gjithë në rolet e tyre për t’i intepretuar sa më mirë. Kështu Erjola dhe Bjordi nisin të përsërisin teksin e filmit që u është ngarkuar, edhe pse ky i fundit ka shumë vështirësi në lexim, madje shpesh shoqërohet nga pauza të gjata që i shkaktojnë atij edhe nervozizëm. Nga ana tjetër edhe Arjoni me Zhuljetën nisin provat për të intepretuar “Romeo dhe Zhuljeta”, ndërsa banorët e tjerë janë duke ndjekur lojën e tyre aktoreske, duke dhënë edhe komente, sesi të realizohet sa më mirë kjo provë. Fundja, nëse njëri prej tyre dështon, ata do të penalizohen të gjithë së bashku, që do të thotë një buxhet i reduktuar për javën tjetër.


Bjordi dhe Agoni vishen si vajza

Duket se këtë natë humori do të jetë një arsye më shumë që banorët të mos mendojnë për të fjetur gjumë, por të argëtohen. Pasi kanë kaluar disa minuta truku dhe veshje-zhveshjesh në dhomën e vajzave, shfaqen tre personazhe krejt të reja në hollin e shtëpisë së Big Brother. Janë pikërisht dy vajza dhe një djalë : ose ndryshe Bjordi dhe Agoni të maskuar si femra, ndërsa Lirita ka veshur rroba mashkulli dhe ka vendosur mjekër. Ata bëjnë një parakalim nëpër shtëpi, duke shkaktuar të qeshura me banorët e tjerë. Ndërkohë Arjoni dhe Dritani bëjnë humor me veshjen e Bjordit dhe lëvizjet e tij, por edhe nga Agoni i cili bën skena provokuese për djemtë e tjerë në shtëpi, të cilat reagoijnë vetëm duke qeshur dhe bërë komente të ndryshme.



Erjola: Me pelqejne aventurat ne det


Pas një periudhe pauze, Erjola më në fund fillon dhe të flasë për frikërat dhe gjërat që pëlqen më shumë. “Më pëlqejnë udhëtimet e gjata, sidomos në kroçera,, te lundroj mbi det dhe të bej aventura të gjata është gjëja që ëndërroj”, thotë Erjola. Ajo rrëfen se i pëlqen shumë të rrijë në det, por ka një problem sepse ka shumë frikë të hyjë në det, një fobi që ende nuk di sesi ta shpjegojë. Ndërkohë Arjoni fillon të vërë në lojë Erjolën, por ajo në fillim nuk arrin t’i përgjigjet kësaj loje, derisa arrin që ta kundërvihet me batuta, djaloshit që i pëlqen modelingu dhe stilimi. Qetësori dhe Adi tregojnë aftësitë e tyre si xhonglerë, por Dritnai kundërshton duke thënë se ata nuk duhet të abuzojnë me frutat, të cilat janë për të ngrënë dhe jo për të luajtur. Ndërkohë pjesa tjetër e banorëve kanë dalë në oborr për të pirë cigare, duke kujtuar historitë e një nate më parë të cilat do të shfaqen në ekran. Zhuljeta përgëzon Pavlinin për natyrën e tij të hapur dhe pa komplekse, duke theksuar se kjo është një mënyrë mjaft e mirë për të zbuluar vetveten.


Barcaleta te nxehta ne shtepi


Darka ka qenë me shumë të qeshura në shtëpinë e Big Brother, pasi të gjithë banorët janë përqendruar totalisht duke rrëfyer barcaleta madje edhe me pullë të kuqe, ku Qetësori dhe Aida janë protagonistët kryesore. Të dy ndihen të shpenguar duke rrëfuyer edhe gazmore erotike, madje edhe nxisin Arjonin që të jetë më i ngazëllyer për të rrëfyer. Edhe Lirita tregon një barcaletë në dialektin kosovar, por duket se asnjë nga banorët nuk arriti që ta kuptonte, kjo ishte një arsye për të stepur Agonin për të mos rrëfyer gazmoren e rradhës. Ndërkohë banorët e tjerë vetëm dëgjojnë dhe kanë rënë paks anë plogështi, duke mo smarrë pjesë në asnjë lojë. Adi ka qenë gjatë gjithë kohës i shtrirë në divanin e tij të preferuar duke dëgjuar dhe pa bërë asnjë koment për historitë e shumta dhe plot humor që tregojnë konkurentët e tjerë.


Aida: Ne dashuri duhet respekt


Agoni i përkëdhel sedrën Aidës e cila wshtw duke pastruar dhe i thotë “lum ai burrë që do të marrë”, por ajo i përgjigjet me të kundërtën. Shpjegon se ajo do atë që nuk duan të tjerët dhe pothuajse gjithmonë e arrin atë që dëshiron, gjithmonë duke ruajtur respektin dhe mirësjelljen. Aida pohon se gjithmonë është e zonja t’ia dalë në situata të vështira, qoftë edhe në momente ndarje me njeriun që e do më shumë, arrin t’i kalojë kwto situata. Ajo shpjegon se gjithmonë vjen një moment kur periudhat e vështira kalohen, mjafton tw kesh forcw. Aida shpjegon se mbi të gjitha në një marrëdhënie ajo që është më e rëndësishme mbetet respekti mes dy personave, kjo është minimalja, nëse nuk arrihet, atëherë nuk bëhe fjalë për një lidhje dashurore. Debati zhvillohet më shumë mes Agonit dhe Aidës, ku i pari këmbëngulës në faktin se femrat e kanë shumë të vështirë të heqin dorë nga një lidhje dhe e vuajnë shumë ndarjen, por vajza nga Tirana e kundështon këtë argument.


Aida: Dua ti fryj buze

Duke marrë shkas nga fjalët e një kënge popullore, Aida ka deklaruar se ka në plan që më vonë të bëjë një ndërhyrje në buzët e saj, për t’i fryrë ato. Ajo ka komplimentuar Adelajden për buzët e bukura. Vajzat kanë vazhduar diskutimin mbi cilësinë e dobët të këtyre ndërhyrjeve në Shqipëri dhe disa rasteve që njihnin, që në vend që të ishin zbukuruar, ishin shëmtuar.


Bjordi: Ika nga Shqiperia kur isha 2 vjec


Bjordi për herë të parë u tregon banorëve të tjerë përse nuk flet shumë mirë gjuhën shqipe. Ai pohon për djemtë se e kujton largimin e tij nga Shqipëria që kur ka qenë 2 vjeç. Megjithatë rrëfen se ka mundur që të mbajë gjallë gjuhën shqipe falë bisedave me familjarët e tij. Ai thotë se ka ardhur vetëm për pushime në Shqipëri dhe shumë fjalë shqip i ka mësuat nga kontaktet që ka pasur në traget me të tjerë shqiptarë që i ka njohur rastësisht. Dritani ndryshon temën e bisedës dhe u thotë djemve të tjerë se në dush ka kamer. Kjo gjë duket se i vë në siklet të tjerët të cilët fillojnë të qeshin, por Arjoni sqaron se vetëm në banjë ka kamer dhe jo në dush, pasi është një mjedis shumë intim


Erjola ben thashetheme per Zhulieten


Nuk kanë mjaftuar shume që në shtëpi të fillojnë thashethemet e para. Ka qenë pikërisht Erjola ajo që komentuar sjelljet e Zhuljetës, duke thënë se ajo duket një tip nevrik dhe këtë sjellje e ka vënë re shumë shpejt, ende pa u njohur mirë. Erjola i shpjegon Mimozës se e kuptoi sjelljen e vajzës nga Tirana në momentin kur ishin duke hartuar listën e ushqimeve të javës, kur ajo kishte kundërshtuar në zgjedhjen e disa produkteve ushqimore. Edhe Mimoza, e ka përkrahur Erjolën gjatë bisedave të saj, të cilat kanë qenë shumë të veçuara, krahasuar me banorët e tjerë. Thashethemet e Erjolës i janë adresuar edhe Adit, duke e etiketuar atë si një konkurent që nuk aktivizohet në asnjë lojë që ata kanë organizuar, sjellje kjo e cila sipas saj, nuk i shkon për shtat një 40 vjeçari. Nga ana tjetër Mimoza ka pohuar se Republika i duket një vajzë mjaft e urtë, edhe pse në momente të veçanta, nuk jep masimumin gjatë bisedave që bëhen mes vajzave.




Burimi: Top Channel

[Kliton]

Adelajda: Nuk dua te martohem fare

Duke diskutuar për qytetet e lindjes dhe simpatitë reciproke për to, banorët e ulur rreth tryezës së ngrënies kanë filluar të ngacmojnë Adelajdën. Pavlini ishte ai që insistonte më shumë. -“Unë kam përshtypjen, - ka thënë ai, -se ti do marrësh një burrë nga Veriu. E ç’të keqe do të kishe ti nga kjo, - ka vazhduar ai, - jo për gjë, por do të merrje edhe gjithë ato vota.!” Adelajda duke dashur të mbyllë diskutimin rreth saj, ka thënë: Unë nuk dua të martohem fare!”


Qetsori: Adelajda ngjan si Cucinotta

Komplimentin më të fundit Adelajdes ia ka dhënë Qetsori.Në sfondin e një bisede për femrat e një videoklipi, në oborr, ku djemtë po shijonin rrezet e diellit të sapodalë, ka ardhur Adelajda. Djemtë kanë fishkëllyer në shenjë komplimenti, ndërsa Qetsori nuk ka qëndruar indiferent ndaj “look”-ut të ndryshuar të saj. Edhe pse në dukje e bezdisur ndaj kërkesave të tij për t’u kthyer e rrotulluar sa andej-këtej, ajo nuk ka nguruar të pozojë. Komlimentit se ajo i ngjan si Maria Gracia Cucinotta, ajo i është përgjigjur duke thënë se edhe ajo e pëlqen.

Erjola komenton banoret

Erjola ka vazhduar “thashethemet” për banorët. Komenteve të saj nuk ika ngelur jashtë as Zhuljeta, as Arjoni, e as subjekti i saj i preferuar “zysha”, të cilës i referohet herë pas here në diskutimet e saj. E gjithë kjo ka ndodhur orët e para të mëngjesit gjatë një bisede me Liritën, të cilën, së bashku me Aidën, ajo i cilëson si “aleate” të saj apo të vetmet që i hahet muhabeti. Sipas Erjolës, Zhuljeta e ka provokuar, në një debat me kuptim të dyfishtë, duke i thënë që je fallco. Pjesa më e madhe e banorëve, sipas saj, janë duke bërë lojë e nuk ka si të jenë të vërtetë, në ndryshim nga ajo. Ankesat e saj kanë vazhduar me Arjonin, i cili, sipas saj, jo vetëm që nuk po vepron mirë duke deklaruar indiferëncën apo injorimin ndaj të tjerëve, por edhe duke mos bërë punët që duhet të bëjë. . “Ndërsa zysha, vetëm me çunat e zgjat muhabetin, me gocat nuk guzon, e mbyll gojën!”



Mimoza kercen para djemve

Agonit që ka dalë nga dushi dhe Arjonit u ka tërhequr vëmendjen Mimoza, në dhonën e vajzave, që po kërcente. E veshur me një fustan të hapur, taka të larta e duke lëvizur në një mënyrë tepër provokuese, ajo i ka bërë djemtë të ngelin te dera duke e parë. Më pas ka hyrë Adi, i cili pa pritur “rradhën”, nuk ka hezituar të fillojë të kërcejë me të.


Dritani: Kam te fejuaren jashte shtepise

Nën presionin e Mimozës dhe Bjordit, më në fund Dritani e pranon se jashtë shtëpisë së Big Brother e pret e fejuara. Ata e pyesin se cila ishte arsyeja që ai hyri në lojë, kur ishte i fejuar. Mimoza i thotë se ai nuk mendon fare për atë që mund të mërzitet që mungesës së tij, por Tani e kundërshton. Ai thotë se e fejuara e tij e ka mbështetur në vendimin që ka marrë për të qenë pjesë e edicionit të dytë të Big Brother dhe ndieht shumë krenar për këtë. Dy më të rinjtë e ngacmojnë më pyetje të shumta duke i thënë se a do të martohet kur të dalë nga shtëpia dhe bëjnë humor, ndërsa Dritani përpiqet ti evitojë me kujdes.

Adela: Bjordi duhet te me kerkoje falje

Bjordi i afrohet vajzave që janë ulur në divan, por Adela i thotë të largohet, pasi ai e ka ofenduar duke e quajtur psikopate. Djali më i vogël i shtëpisë i kërkon falje dhe i thotë që nuk e ka pasur me të vërtetë atë që ka thënë. Ai i thotë Mimozës që ta bindë Adelën për ti folur, pasi është penduar, por që të dyja vajzat qeshin. Ndërkohë që Mimoza bën shaka me të folurën e Bjordit, por ky i fyndit mërzitet dhe i kërkon asaj që të mos e vërë në lojë pasi nuk ndihet mirë. Por, i përqëndruar tek biseda ai nuk e sheh që Mimoza është duk ei lyer gishtat me manikyr, moment ky që shkakton të qeshura edhe tek banorët e tjerë që e ndjekin me kujdes këtë skenë.


Erjola debaton ashper me Zhuljeten

Ndërsa banorët e tjerë janë duke qëndruar të qetë në hollin e madh të shtëpisë së Vëllait të Madh, Erjola akuzon Zhuljetën se u ndodh aty në një moment të papërshtatshëm dhe ishte pa lidhje aty, pasi ndërhyri në një bisedë që ajo kishte me Aidën. Të dyja vajzat nisin të ironizojnë njër-tjetrën me batuta të forta, që gjithsesi arrijnë në një sfidë të përbashkët që u japin ato njëra-tjetrën se cila do të jetë me gjatë në garë. Zhuljeta i thotë Erjolës se do të ketë kohë të mjaftueshme ta shohë suksesin e saj dhe kurrsesi dështimin dhe këtë do ta vërtetojë sipas saj koha.

Burimi: Top Channel

[Kliton]

Aida: Adelajda duhet te me kerkoje falje

Një situatë e para pak minutash e ka bërë Aidën që të mërzitet. Sipas saj Adelajde ka ngritur gishtin teksa ajo ishte duke folur si dhe ka bërë disa xheste të pakëndshme për të, prandaj ajo duhet t’i kërkojë të falur. “Ajo bëri një xhest ofendues dhe unë nuk e prisja. Unë për këto gjëra zihem me njerëzit e mi më të afërt. Ajo i shtrembërion turinjtë kur unë flas, gjë që është mungesë edukate”-thotë Aida. Erjola e ngushëllon duke i thënë që të mos e troturojë vetën për këto gjëra, pasi secili ka natyrën e vet.


Bjordi kujdeset per Mimozen

Pas valsit Mimoza shtrihet e lodhur në divan. Edhe pse sapo ka vrarë dorën, Bjordi e sheh me kujdes dhe i afrohet. Ulet afër saj dhe e pyet çfarë ka që rri e mërzitur. Në fillim ai nuk arrin të kutojë mirë të folurën e vajzës nga Kosova, por ajo i thotë që nuk ka asnjë shkak që të jetë mërzitur. Ai i prek flokët dhe i kërkon para se të ngrihet nga kolltuku që Mimoza të mos mërzitet, por ajo qesh dhe kthen kokën nga krahu tjetër. Ndërkohë, Adi dhe Adela që e shohin këtë skenë i afrohen dhe i thonë se ky moment për çiftin duhet fiksuar në celuloid, madje largohen ngadalë me qëllim që dy më të vëgjlit e shtëpisë të rrinë së bashku.



Dritani : Humbem proven do hame spinaq

Prova e javës e cila ka vënë në punë të gjithë, i ka futur frikën Dritanit, i cili nuk është shumë i sigurt tek të tjerët nëse do t’ia dalin apo jo. Fakti që ai është ushtarak dhe i kalitur me disiplinën nuk do të thotë aspak se banorët e tjerë do të jenë po kaq të përpiktë në realizimin e provës. Ai thotë se duhet të mësojnë provën që tani, madje justifikohet duke thënë se valsi korrigjohet, por kënga është shumë e vështirë dhe nëse e ngatërrojnë, do të jenë të detyruar që të hanë për një javë tërë spinaq. Ndërkohë Bjordi dhe Erjola janë duke bërë recitimet për pjesën e tyre teatrale, ndërsa Pavlini dhe Mimoza janë mbyllur në dhomën e gjumit ku po këndojnë këngën e Pirro Çakos, që do të jetë edhe sfida e tyre për natën e madh të spektaklit.


Zhuljeta: Dashurine e mbaj brenda

Aida dhe Zhuljeta bisedojnë së bashku në verandën e shtëpisë. Ato flasin për personat që kanë lënë jashtë. Zhuljeta tregon se ka shumë mënyra sesi shprehet dahsuria, ajo është një tip krejt ndryshe dhe e mban gjithmonë nga brenda këtë ndjenjë, pasi nuk i pëlqen që ta shfaqë. Ajo komplimenton Aidën pasi shprehet mjaft mirë në çdo situatë, këtë gjë ajo e justifikon duke thënë se ndoshta ngaqë është nga natyra një tip shumë i ndjeshëm. Më pas Aida tregon histori personale në qendër të të cilave është babai i saj, të cilin e ka humbur vite më parë.


Dritani debaton me Republiken


Edhe pse janë nga e njëjta zonë, Bika dhe Dritani janë të vetmit që debatojnë më shumë me njëri-tjetrin. Dritani i thotë se janë edhe nga një zonë dhe prapë Bika nuk ka mendim fort të mirë për atë. “Ti je e para që më thua se unë flas shumë prerë”, thotë Bika, duke shpjeguar se asnjëherë muhabetit nuk i lë rrugë për tu diskutuar më pas. Dritani e ngacmon duke i thënë se përse ajo e ka kaq inat, edhe pse janë patriotë. Ajo i kundërpërgjigjet dhe i thotë të sillet mirë ose do ti japë ndonjë votë kundër. Në këtë bisedë hyn edhe Sori, i cili më shumë e ndez atë, por Bika kërkon që ai të rrijë larg me qëllim që të mos ndryshojë mendim edhe për atë (bën shaka).


Aida tregon per humbjen e te atit

Një bisedë familjarë starton mes Zhuljetës, Arjonit dhe Aidës. Kjo e fundit tregon për humbjen e prindërve të saj, për vëllain e saj të vogel nga babai dhe mënyrën sesi jeton larg. Ajo pranon se ka pasur një lidhje shumë të fortë me të atin, ndërsa motra e saj ka qenë më e lidhur me të ëmën. Ajo thotë se shumë gjëra që i la i ati i shitën, madje rrëfen se ka jetuar shumë mirë me gruan e të atit, e cila ishte një zonjë të cilën ajo e respekton ende.


Bjordi dhe Agoni thashetheme per Mimozen

Bjordi dhe Agoni pas drekës ulen në verandën e shtëpisë për të pirë nga një cigare. Agoni i thotë Bjordit se ka dëgjuar diçka që Mimoza ka thënë për atë, por nuk i jep atij shpjegime. Agoni i thotë se nuk ka asgjë të keqë dhe nuk ka përsë të merakoset, madje ai e ka shprehur që ditën e parë simpatinë për Bjordin dhe asgjë nuk do të ndryshojë, qoftë dita e parë apo dita e pestë. Bjordi kërkon të dijë më shumë detaje, por në atë moment vjen Lirita dhe biseda e tyre ndërpritet. Bjordi shumë kurioz e pyet edhe Liritën në lidhje me këtë bisedë, por ajo i thotë se ka dëgjuar diçka, por nuk është shumë e sigurt.


Erjola: Do te nominoj Sorin

Banorët drekojnë së bashku. Erjola dhe Mimoza janë të fundit që ulen për të ngrënë drekën, ndërkohë që të dyja pak minuta më parë kanë bërë një bisedë në lidhje me nominimet e javës. Erjola ka thënë se e ka vendosur se cilin do të nominojë. Ajo thotë se deri dje ndihej në dyshim se cilin duhet të nominonte nga banorët dhe me cila do të ishte arsyeja. Por tani ajo e ka gati arsyetimin si dhe emrin. Bëhet fjalë për Sorin. Ndërkohë Mimoza bisedon për banorët e tjerë duke aluduar disa nga emrat e vajzave, duke i bërë paralelisht komplimenta edhe Erjolës për tiparet e saj.


Aida “lan borxhin”

Nuk kanë kaluar as tre orë nga masazhi që Bjordi i ka bërë Aidës, që kjo e fundit t’ia kthente shërbimin. Bjordi ka qenë më i privilegjuar sepse ka qenë në pozicion më të përshtatshëm. Megjithatë ai i ka kërkuar Aidës që t’i ulet sipër “për të punuar dhe ajo më rehat”. Banorët e tjerë i kanë thënë Aidës të ketë kujdes, se kjo është vetëm një tentativë e Bjordit për të fituar vota. Vëmendjes së saj, gjatë masazhit, nuk i kanë shpëtuar as disa puçrra të vogla as disa qime të pakta në kurrizin e tij.

Burimi: Top Channel

[ReniX]

(per ata qe skan mundesi)
Do ju pelqente te shikonit LIVE Big Brother Albania 2 te shtunen?

[Kliton]

Bjordi fle prane Mimozes

Natën e së mërkurës apo më mirë të themi mëngjesin e së enjtes, Aida dhe Lirita kanë vazhduar të flenë bashkë , zakon i nisur prej dy netësh më parë. Po ashtu gjithsecili prej banorëve të shtëpisë së Big Brother, e ka kaluar natën në krevatin e zgjedhur që natën e parë, me përjashtim të Bjordit. Ai ka zgjedhur të zgjohet pranë Mimozës, prandaj ka fjetur në krevatin afër saj.

Pas te shtunes do te percahemi!

Pas të shtunës do të përçahemi!”. Këtë ka thënë Erjola teksa fliste me Aidën e Liritën për vështirësinë e nominimeve. Ajo ka vazhduar duke thënë se pas nominimeve të para, loja do të bëhej më e egër e më e pisët. Vetëm atëherë do të dilnin të gjithë hapur e do t’I njihnin të gjithë se kush ishin.Në një mendje me të ka qenë edhe Lirita, ndërkohë që Aida u rrëfente vështirësinë që kishte për të nominuar njërin apo tjetrin banor, nisur nga vogëlsirat e përditshme.

Arjoni : Ndryshojne femrat jug-veri?

Pak para se të fillojnë të përgatiten për provën e javës banorët diskutojnë një temë mjaft interesante : në lidhje me ndryshimin që kanë femrat e jugut me ato të veriut te Shqiperise. Arjoni është i pari që e hedh si temë diskutimi dhe Zhuljeta thotë se sipas saj ato janë të gjitha njësoj. Por, Aida mendon se kjo varet edhe nga tipat, pasi ka njerëz që rrijnë poshtë shtëpisë që presin tërë ditën. Arjoni thotë se duhet të jetë mrekulli kur një mashkull i këndon një serenatë një femre, ndërsa Lirita pohon se ka vende që janë shume xheloze për femrat. Sipas Arjonit cdo lloj ekstremi është i dëmshëm, megjithatë ai përfundon se femra ka nevojë për pak xhelozi, kjo e bën të ndihet më mirë atë.


Adelajda: Nuk i kerkoj falje Aides

Dritani dhe Adelajda bisedojnë me njëri-tjetrin në kuzhinë në lidhje me faljen që ajo duhet ti kërkojë Aidës për sjelljen e një ditë më parë, ku kishte ngritur kishte teksa vajza nga Tirana po fliste. Mimoza vjen në atë cast dhe i thotë që nuk ka lidhje për ti kërkuar asnjë falje. Ndërkohë që Dritani këmbëngul që ato duhet ti zgjidhin këto mes tyre, ndërsa Adelajda thotë se është e bindur se nuk ka asnjë arsye që ti kërkojë falje. “Unë e kam krijuar një ide dhe nuk dua që ta ndryhsoj. Nuk kam asnjë arsye që ti kërkoj falje Aidës, pasi unë ende nuk e njoh mirë ate”-ka thënë Adela. Biseda nderpritet ne momentin kur aty vijne edhe vajzat e tjera.


Qetsori: Te denoj qe le vajzen vetem

Pas rrëfimit që Erjola bëri mes banorëve të tjerë, Qetsor i thotë se ai personalisht e denon që e ka lënë vajzën vetëm. “Në pozitën time unë të dënoj. Nëse nëna ime do të më linte vetëm 1 vit unë do ta dënoja. Sakrifica më e madhe është të rrisësh një fëmijë”-thotë Sori. Ndërkohë Aida thotë se e kupton sesi e ka kaluar këtë moment të vështirë, ndërsa Ardjani i thotë se ajo nuk ka gjetur mënyrën e duhur për ta lënë vajzën vetëm, madje sipas tij ajo është shembulli i një nënë që ka kaluar shumë peripeci dhe vajza do ta mbështesë, për më tepër tani që ajo i ka kaluar të gjitha paragjykime


Erjola: Kam nje vajze jashte shtepise

Erjola zgjohet nga gjumi dhe ulet mes banorëve të tjerë dhe nis i tregon atyre se ka një vajzë jashtë shtepise qe jeton me prindërit e saj. “Kur unë isha në Greqi Linda vajzanë dhe deri 40 ditëshe ishte me gjyshën e saj, derisa mbarova shkollën ajo vazhdonte të ishte duke jetuar me gjyshërit. Ajo është një fëmijë që është mësuar të kuptojë shumë gjëra”-thotë Erjola. Ndërkohë Qetsori thotë se nuk e mendon që djali i tij të jetojë vetëm, pa të dy prindërit. Erjola tregon se ka përjetuar disa situata në të cilat është ndier konfuze. Megjithatë ajo tashmë ndieht mirë, pasi vajza e saj e di mirë se ku është vendi i saj dhe i të atit. Madje tani ajo thotë se është edhe nga Elbasani, vendlindja e Erjolës dhe nga Kucova, vendi i të atit. Më pas ajo tregon historinë e lindjës së vajzës dhe mungesën e saj për 1 vit rresht dhe rrëfen sesi është ndier ajo kur do të shkonte tek Big Brother, duke e përkrahur atë në vendimet e saj. Zhuljeta e falenderon për faktin që i tregoi këtë histori shumë personale, ndërsa Adi thotë se fakti që e tregoi këtë histori do ta çlirojë atë gjatë qëndrimit në shtëpi.


Bjordi: Aida kur nxehesh nuk je e bukur

Bjordi i afrohet Aidës dhe ajo i tërheq vëmendjen, duke i thënë se duhet të sillet më mirë. Djaloshi më i vogël i shtëpisë buzëqesh dhe e puth, duke e ditur që ajo e përkëdhel me fjalet e saj. Ai i thotë Aidës që kur nxehet nuk është më e bukur. Aida qesh më batutat e tij, ndërkohë që Sori i thotë Bjordit se fjalët që ajo i thotë janë gjithmonë për të mirën e tij. Ndërkaq Zhuli tregon se viagra është shpikur nga një mjek i njohur nga Shkupi me origjinë shqiptare. Adelajda nuk është dakord me temën e hapur duke shpjeguar se nuk është momenti i duhur për të folur. Zhuli i kundërpërgjigjet dhe i thotë se vetë ajo po flet për këtë temë dhe nuk ka asgjë të keqë, pasi kjo bisedë është thjesht informuese.


Zhuljeta: Nuk ka dashuri ideale

Moti me shi duket se ka nxitur banorët që bisedat e tyre të fokusohen në ato më intime. Zhuljeta thotë se nëqoftëse të thyhet zemra në një lidhje dashurore nuk duhet ta mbash mendjen asnjëherë aty, por të vazhdosh para. Lirita thotë sesi duhet vepruar në rastin kur ajo është dashuria ideale. Sipas Zhulit dashuria ideale nuk ekziston dhe nëse ndahesh nga dikush duhet të mendosh për lidhjen tjetër dhe ti fokusohesh asaj, pasi vetëm kështu arrin të bësh një jetë më normale. “Unë kërkoj një zemër të re të mbushur me dashuri dhe jo të mbaj zemrën time të mbushur me mërzi, në të kundërt nuk ecet para”-thotë Zhuljeta. Më pas biseda fokusohet tek higjena. Zhuljeta i kërkon Erjolës që të mbajë të veshura shapkat kur shkon në banjë, pasi nuk është higjenike. Erjola e kupton gabimin dhe thotë se do ndryshojë sjellje.


Arjoni: Nuk do bejmë jete luksi

Banorët i kanë zënë ethet për buxhetin e javës së ardhshme. Arjoni, Lirita dhe Mimoza diskutojnë për buxhetin e javës sesa i lartë është dhe a do ti dalë nëse ata nuk do të arrijnë të kalojnë provën. Arjoni këmbëngul se sido të jetë buxheti do të mjaftojë që ata të ushehen sa më normalisht, por jo të bëjnë jetë luksi. Ai i referohet çmimeve të tregut aktual të restoranteve të kryeqytetit, për të treguar se me fare pak mund të ushqehesh. Ndërkohë Lirita nuk arrin dot të bëjë dallimin mes 100 lekëve, prandaj edhe Arjoni e ndihmon duke i konvertuar këtë shumë në euro. Ata flasin për pagat dhe ndryshimet e tyre midis tregut shqiptar dhe atij kosovar, ku Mimoza thotë se paga mesatare në Kosovë arrin në 400 euro, që edhe i përshtaten standarteve evropiane.

Zhuljeta debaton me Erjolen

Erjola, Aida, Zhuljeta dhe disa banorë të tjerë të shtëpisë kanë nisur të bisedojnë për degët që studionin dhe profesionet që kishin. Erjola ka nisur të tregojë sesi aplikoi për Gazetari për shkak të pasionit që kishte për të. Por i ati e kishte nxitur të aplikonte edhe për një degë tjetër. Dhe ajo kështu kishte bërë, kishte aplikuar për Ekonomik dhe i kishte fituar të dyja. Megjithë pasionin për Gazetarinë, ajo kishte zgjedhur Ekonomikun. Kaq mjaftoi që Zhuljeta t’i kthehej e t’i thoshte se jo vetëm që nuk e shihte si ekonomiste por edhe se nuk mund ta kuptonte faktin që ajo tjetër kishte pasion e tjetër kishte zgjedhur. Erjola nisi t’i shpjegonte avantazhet e profesionit të ekonomistit karshi atij të gazetarit, të cilin e njihte mirë sepse shumë shoqe të saj punonin si të tilla. Për më tepër atëherë ajo nuk e kishte fituar ende besimin në vetvete që kishte tani. Debati ka vazhduar me shembujt e një gazetarie që nuk funksionte sic duhej, të sjella nga Erjola e po ashtu edhe me kundërshtimet e Zhuljetës për cdo gjë që thoshte Erjola. –“Domethënë ti do të bëhesh gazetare kur të jesh si veshka mes dhjamit, -i ka thënë ajo Erjolës, - kur ti kesh të gjitha në rregull, siç i do ti!” “ Jo,- ia ka kthyer ajo, - unë jam gati ta filloj edhe duke u çuar kafe gazetarëve, derisa të arrijë atje ku duhet.”


Bjordi: Suedisht me quajne arush

Duke diskutuar me Qetsorin, Dritanin dhe Pavlinin, Bjordi u tregon atyre prejardhjen e emrit të tij, për të cilën ka dy variante. Sipas tij, njëri është emri i një tenisti të famshëm, të cilin e motra e adhuronte. Ai quhej Bjorg. Kishin ndryshuar një shkronjë dhe ishte formuar emri i tij. Varianti i dytë ishte se emri i tij mund të ketë prejardhje apo të shpjegohej me gjuhën suedeze. –“ Më kanë thënë, -thotë ai,- se në suedisht emri im do të thotë arush!”

Agoni: Kam punuar striptist

Ndërsa kanë qenë të ulur jashtë në oborr, Bjordi, Lirita e Zhuljeta, grup të cilit i është bashkuar më pas edhe Republika, Agoni është ofruar që një natë t’u bëjë striptizë. Pyetjes së vajzave se kur do ta bënte këtë, para apo pas darke, ai u është përgjigjur: –“Kam punuar striptist” Banorët janë munduar të mos shfaqen si të habitur dhe kanë vazhduar ta pyesin më tej. -“Nuk e kam bërë thjesht për pare, - ka thënë ai, -por edhe për aventurë! Isha i vetmi i hollë e me tatuazhe”


Erjola: Aida ka autoritet

Sipas Erjolës, gjërat që ndihmonë më tepër Aidën në komunikimin me të tjerët është paraqitja dhe zëri autoritar. –“Unë mund t’i them dikujt diçka, por kur ia thua ti është ndryshe, tjetri nuk ta kthen dot në mënyrë brutale.”. Ndërsa Lirita, gjithmonë sipas Erjolës çfarëdo fjale t’i thotë dikujt, nuk ia merr njeri për keq.

Burimi: Top Channel

[erlindi]

(per ata qe skan mundesi)
Do ju pelqente te shikonit LIVE Big Brother Albania 2 te shtunen?

mbase do ishte mire per ata qe jane jasht shqiperise.
megjithese tani pothuajse shumica e shqipetareve qe jane jasht shqiperise
e kane nga nje digitalb.

[Insomnia]

Yyy cfare ftyrash! 1 ose 2 ndoshta mund t'i shpetoj, te tjeret, VIZ!!!

[Kliton]

Duket si një skenar perfekt, por në fakt gjithçka ka qenë një rastësi. Po flasim për Polin, njërin nga pjesëmarrësit e edicionit të parë të programit “Bog Brother”. Poli, djali që nuk u shqua për shumë protagonizëm për tre muaj që qëndroi brenda në shtëpi, por që gjithsesi u pëlqye shumë në fakt na dhuroi shumë e shumë supriza sapo doli që andej. Si fillim mund të përmendim lidhjen e me Inën e cila nisi pak para se ai të dilte ndërkohë që pas daljes lidhja e tyre u survejua më së miri nga aparatët e paparacëve, duke realizuar një shtesë perfekte spektakli. Pas ndarjes së tyre aventurat e Polit me femra ishin pa fund. Një mundësi e mirë për të bërë diçka ndryshe por edhe për ta risjellë në faqet tona rozë, ishte trajnimi që ai mori falë programit “Big Brother”, në ishujt Kanarie. Historia me Karmelën, vajzën superseksi nga Hollanda të cilën ai e njohu në atë ambient përrallor, u rrëfye edhe në gazetën tonë, duke zgjuar kuriozitetin e të gjithë atyre që e kishin pëlqyer dhe votuar Polin. Por gjithçka mbaroi në atë ambient, duke lënë gjurmë me siguri në kujtesën e dy të rinjve si një eksperiencë që ia vlejti të jetohej dhe kaq. Më pas nuk kanë munguar lidhje dhe histori të tjera kalimtare të Polit me femra mjaft seksi dhe nganjëherë edhe të njohura. Por e reja më e fundit që plotëson më së miri atë skenar spektakli post “Big Brother”, është lidhja që ne të “Panorama Plus” kemi zbuluar pak javë më parë.
Si gjithmonë Poli mbetet një nga frekuentuesit më besnikë të jetës së natës dhe pikërisht në ato klube, ai është bërë “viktimë” e aparatit të paparacit tonë. Por kësaj here shoqëria e Polit me një vajzë të gjatë dhe mjaft simpatike, dukej si diçka më e veçantë. Kur e pyesnin miqtë se cila është ajo vajzë fare e panjohur në ambientet e klubeve të Tiranës, ai mjaftohej vetëm me përgjigjen: “Është nga Kosova”. Ndërkohë kurioziteti vazhdonte duke dashur që të mësohej më shumë nëse ajo është e njohur në botën e artit atje apo jo, ndërsa Poli përgjigjej: “Nuk është e njohur por shumë shpejt do të bëhet e njohur”. Që nga ky moment në filluam të mendojmë se mbase vajza bukuroshe mund të konkurronte në “Big Brother 2”, gjë që u vertetua sapo filloi ky spektakël tashmë shumë popullor për çdo shqiptar brenda dhe jashtë vendit. Sipas burimeve tona Poli është njohur me Mimozën disa muaj më parë kur ai shkonte në Kosovë si i ftuar nga shumë fansa të tij. Menjëherë e kishte tërhequr pamja e Mimozës dhe ai kishte bërë çmos që të njihej me të. Natyrisht fakti se ai tashmë ishte i njohur dhe i pëlqyer, por edhe pamja e një djali mjaft tërheqës, ia ka bërë rrugën më të lëhtë drejt Mozës. Më pas vajza, mbase për Polin por edhe për përgatitjet që duhej të bënte për të hyrë në “Big Brother’, është parë shpesh nëpër Tiranë dhe gati gjithmonë në shoqërinë e Polit. Ata binin menjëherë në sy në rrugët e ish-bllokut si një çift i gjatë dhe shumë simpatik dhe mbi të gjitha për faktin se gjithnjë ecnin të kapur dorë për dore. Thuhet se Poli kësaj radhe e ka marrë lidhjen seriozisht pasi e pëlqen shumë Mozën jo vetëm për pamjen por edhe për inteligjencën e saj pavarësisht se ajo është 19 vjeç, madje dhe më e vogla ndër konkurentët e “Big Brother”.
Megjithatë ajo ka pasur një “profesor” shumë të mirë, Polin i cili e ka kaluar tashmë provën e kamerave brenda shtëpisë, di si funksionon loja dhe me siguri e ka instruktuar mirë vajzën e cila ndër të tjera ka edhe vështirësinë se është nga një vend tjetër, me një mentalitet të ndryshëm pavarsisht se flet të njëjtën gjuhë me ne. Miqtë e Polit tregojnë se ai është bërë një ndjekës i kujdesshëm i “Big Brother”, natyrisht sepse aty është Moza, por edhe për nostalgji padyshim. Ka të ngjarë që organizatorët e “Big Brother” nuk do të lënë pa e shfrytëzuar faktin që Moza dhe Poli janë të dashuruar, mbase për të sajuar ndonjë surprizë për Mozën, pasi të dy ata tashmë janë krijesa të këtij programi dhe janë bërë të njohur falë “Big Brother”. Por shpresojmë që futja e Mozës në “Big Brother” të mos e prishë rrjedhën e ngjarjeve pasi edhe nga eksperiencat botërore të këtyre programeve, por edhe në atë të parin tonin, ka pasur ndarje nga të dashurit për t’u lidhur me dikë që është aty brenda. Pjesëmarrësit e vjetshëm të pyetur për këtë fenomen shpreheshin: “Ne na dukej sikur kishim lindur në “Big Brother” dhe do të vdisnim aty”. Që javën e parë duket vëmendja e djemve ndaj Mozës, për pamjen e saj, por edhe për moshën e re si dhe diçka mistike që ajo mbart. Dhe në fakt gjithçka mund të ngjasë. Nëse po të përmbushet kjo profeci e jona, natyrisht që në “Big Brother” do të kishte një spektakël të garantuar, ndërkohë që Poli mund të pësonte zhgënjim. Le të shohim se çfarë rrjedhe do të marrin ngjarjet.

Mimoza Krasniqi, rastësia që e çoi në “Big Brother”

Është interesante mënyra se si Mimoza nga Gjakova u bë pjesë e “Big Brother”. Në fakt Moza nuk e kishte në planet e saj të futej në “Big Brother” edhe pse Poli mund t’ia kishte shpjeguar me detaje se ajo ishte një eksperiencë interesante. Mesa duket për vajzën, ndarja me Polin për një kohë të gjatë nuk ishte një ide e mirë. Mirëpo si u ndodh Moza në ambientet e “Top Channel”? Në fakt ajo kishte shkuar atje për të shoqëruar të motrën, e cila kishte aplikuar për të marrë pjesë në program, por organizatorët sapo kanë parë Mozën, kanë bërë të pamundurën që ta kishin atë brenda asaj shtëpie. Natyrisht më pas Moza ka pranuar duke përsëritur kështu të njëjtën eksperiencë si i dashuri i saj, Poli.


Arjoni, djali me i pelqyer nga vajzat


Në të gjitha forumet dedikuar “Big Brother”, zyrtare apo ata të fansave, është në mënyrën më absolute djali që pëlqehet më shumë. Në fillim të gjithë e komentonin për pamjen e tij por me kalimin e ditëve, fansat mendojnë se krahas bukurisë, Arjon Muça ka edhe zgjuarsi. Ka kaluar disa eksperien- ca në jetë, kjo edhe falë jetës së tij në Itali, të cilat e kanë pjekur para kohe. Natyrisht në profilin që ai ka vizatuar për veten, nuk ka asnjë shenjë modestie, por të jesh koshient për vlerat që ke, nuk ëshstë ndonjë gjë negative. Arjoni gjatë këtyre ditëve, në shtëpi ka ditur të krijojë gjuhën e komunikimit dhe të tërheqë vemendjen e banorëve të tjerë. I kthyer mbas disa vitesh jashtë shtetit, nuk ka qenë e vështirë rinisja e një jete në Tiranë me një familje që e ka mbështetur fort. Mamaja e tij Jona Muça, një stiliste shumë e njohur, ka ingranuar në punët e saj Arjonin por edhe Frensisin, motrën e tij. Edhe e motra siç e shihni në këto foto është një vajzë shumë e bukur, gjë që na bën të mendojmë se bukuria ekzistoka me bollëk në familjen Muça. Më shumë për jetën e Arjonit, do iu njohim në javët në vazhdim.

Burimi: Panorama Plus

[Kliton]

Agoni, urbani i “Big Brother”

Njërit ndër konkurrentët kosovarë në “Big Broth- er Albania” (BBA), Agonit, i është bllokuar profili i tij në facebook.com, nga komentet e shumta të adhu- ruesve të tij. Tashmë në facebook të Agonit mund të shikoni me qindra urime për njërin ndër punëtorët më të mirë të “Urban FM”, i cili ka shumë adhurues në Kosovë. Shumica e komentuesve thonë se Agoni është njëri ndër më të mirët në BBA dhe se nëse nuk do të këtë ndonjë “dallavere” ai do ta fitojë këtë edicion. Agon Radoniqi për një kohë të gjatë ka punuar në Urban FM, në Prishtinë, dhe deri më tani disa herë ka qenë në qendër të kamerave të BBA.


Adelajda e Bjordi: Cilet do nominojme

Pas bisedës që ndërprenë pak para darkës Adela dhe Bjordi gjejnë momentin të flasin bashkë. Bjordi thotë se nesër mund të bëjë ndonjë gabim duke nominuar ndokënd, por gjithsesi Adela i thotë se të gjithë deri tani i kanë thënë atij se duan fort, por nuk eshte e vertete. “Une u futa me idenë që të gjithë do ishin të poshtër. Më kanë thënë të kem kujdes, po unë si debil sillem mirë me të gjithë”-thotë Bjordi. Adela e pyet nëse nga banorët e tjerë nga ndonjë antipati. Ai e mohon të ketë antipati njeri, por personi që nuk i pëlqen është Zhuljeta. Vajza nga Kavaja e ngacmon nëse atij i pëlqen Mimoza dhe ai e konfirmon se ajo së bashku me Biken i duken vajza të mira. Adelajda shprehet se nuk i pëlqen Pavlini. Ajo e bind Bjordin që të jetë i qartë për votimin, duke e ditur që edhe ata do ta nominojnë dhe asnjë prej tyre nuk e ka shok. Adela i thotë më pas Bjordit se nëse ata nuk do bashkohen do të ikin shumë shpejt nga shtëpia, por ai i thotë se gjithsesi as tek ajo nuk ka besim të plotë.


Erjola: Shtepia e rremujshme

Sërish debate për higjenën dhe rregullin në shtëpi. Këtë herë Erjola duke biseduar me Liritën në verandë. Vajza nga Elbasani thotë se gotat lihen të pa larë ngado në kuzhinë dhe nuk lahen, duke e bërë shtëpinë shumë të rrëmujshme. Ajo ankohet edhe për Mimozën e cila sa herë që shkon në banjë e kthen atë në sallon bukurie dhe nuk e pastron. Erjola thotë se deri tani vetëm ato të dyja po merren rregullisht me punë dhe kjo nuk do të vazhdojë gjatë, pasi duhet të ndajnë detyrat e tyre. Ndërkohë në sallon Adelajda dhe Qetsori flasin për gjumin. Djali nga Vlora thotë se nuk mund të flerë dot në dhomë nëse aty ka ndonjë vajzë, prandaj edhe nuk mund të flerë aty në sallon. Ndërkohë që Adelajda i thotë se edhe Bjordi si femër është, megjithatë ata flenë në një të njëjtën dhomë.


Arjoni : Une kam tradhetuar

Bika dhe Arjoni janë ulur në sallon dhe po bisedojnë në lidhje me tradhëtinë : a do ta toleronin apo jo. Arjoni pranon publikisht se ka tradhëtuar në një lidhje dashurore, por nuk e beson të ketë shans ndonjëra që ta tradhëtojë atë. Republika e kundështon duke i thënë se nga e di ai me kaq bindje se atë nuk e kanë tradhëtuar, por Arjonit kjo gjë i duket e pamundur, thjesht një bindje për të cilën është shumë i sigurt. “Po nëqoftëse do të tradhëtonte dikush që do e respektoje shumë si do të reagojë”-thotë Bika. Po,r Arjoni nuk jep asnjë përgjigje pasi në mes hyn Zhuljeta e cila thotë se kjo ëhstë një pyetje shumë private dhe ajo nuk ka të drejtë që ta pyesë për këto gjëra.


Adelajda thashetheme me Bjordin

Të ulur në divan, Bjordi dhe Adela bëjnë thashetheme për Zhuljetën. Ajo i thotë se debati që pati dje me vajzën nga Tirana kishte si qëllim vetëm njohjen e saj nga ana e Zzhuljetes dhe për ta kuptuar një herë e mirë se çfarë tipi ishte. Kjo sipas Adelës nuk ishte as më shumë as më pak vetëm një mënyrë që ajo të afrohet me të, pasi po vjen e shtuna dhe ka frikë nga nominimi. Bjordi thotë se i pëlqejnë shumë thashethemet dhe nuk arrin dot që të mbajë të qeshurën, por Adela i kërkon të qëndrojë shumë serioz. Bjordi i këkron që të afrohet afër, po Adela nuk do . Më pas biseda ndërpritet pasi aty afër vjen Dritani dhe ulet ngjitur në kolltukun e tyre.


Pavlin: E adhuroj qytetin e Shkodres

Banorët flasin për vendet që adhurojnë dhe nuk ka pikë dyshimi që Pavlini të adhurojë qytetin e tij. Ai thotë se i pëlqen Shkodra, sidomos gjatë kohëve të fundit që ka pësuar edhe ndryshime në infrastrukturë. Ai ka folur edhe për krenarinë e këtij qyteti humoristët e njohur, ndërsa Dritani flet për humoristët e Vlorës. Sipas Pavlinit qyteti ka ndryshuar, por nuk duhen shkatërruar ato vlera që kanë qenë dikur nga sistemi komunist, përpos ideve që kanë shumë njerëz, sipas tij ata duan që t’i zhdukin të gjitha gjurmët. Madje, ai thotë se sistemi i dikurshëm kishte edhe të mirat e tij. Ndërkohë Agoni pranon se qyteti që adhuron është Prishtina, jo vetëm pasi është vendi ku ka lindur, por edhe pasi aty ai merr frymë lirisht.


Arjoni: Ja si joshet nje femer

Ka shumë mënyra për të tërhequr një femër, por duket se Arjoni e ka kuptuar dhe e di sesi. Ai pranon se një mënyrë mjaft efikase sipas tij është injorimi i saj, në këtë mënyrë ajo do të tregojë më shumë interes për të dhe mun dtë afrohet. Ndërkohë më pas biseda e banorëve fokusohet te suprizat e pritshme që autorët do ti bëjnë gjatë natës së spektaklit. Ata presin shumë supriza gjatë spektaklit, por gjithsesi Qetsori do të dëshironte të shihte djalin e tij. Megjithatë nata e ardhshme pritet që përveç një spektakli të madh të sjellë edhe shumë supriza, mes të cilave do të jetë edhe pjesa e nominimeve, një sprovë kjo për të gjithë banorët e Big Brother, që deri tani nuk e kanë ndier këtë detyrim.


Lirita tregon per familjen e saj

Vajza nga Prishtina nis dhe rrëfen për jetën që bën në Kosovë dhe familjen e saj. Arjoni interesohet për jetën familjare të Liritës dhe ajo nuk nguron të tregojë se ka një motër më të vogël dhe është shumë simpatike, bjonde natyrale dhe se ajo e ka pikë të dobët. Lirita tregon se aktualisht nuk është duke u marrë me ndonjë punë konkrete, ndërkohë që ka kaluar një periudhe pushimesh me miqtë e saj, që kur mori vesh që do të merrte pjesë në Big Brother, duke dalë me shoqërinë e saj.


Erjola: Ne familje duhet te kete barazi

Sipas Erjolës në një familje burri dhe gruaja duhet ta konsiderojnë veten të barabartë me njëri-tjetrin. Por Qetsori nuk ishte aspak dakord me këtë. “Gjithcka varet nga sasia e gjërave me të cilat hyjmë në lojë!”- ka thënë ai. Sipas tij, pushtetin e ka ai që ka të ardhurat më të shumta, madje një mashkull i pasur dhe një femër e varfër, apo e kundërta, nuk mund të krijojnë një familje të rregullt. Por Erjola e ka kundërshtuar duke I shprehur qartë se nuk ishte aspak në një mendje me të. “Kur ti dashuron dikë, -i ka thënë ajo, -nuk ka fare rëndësi a është i pasur apo i varfër!”


Burimi: Top Channel

[Kliton]

Spektakli i se shtunes per 14 personazhet e shtepise se Big Brother pervec surprizave ka sjelle edhe ethet e eleminimit. Pasi eksperimentuan per nje jave bashkejetesen ne shtepine e monitoruar ne mes momentesh te paharruara per ta, tashme kane nisur te shfaqen ankthi e tensioni per te 14 konkurentet.

Ata kane perzgjedhur personat qe mendojne se nuk u pershtaten karakterit te secilit dhe duhet te lene shtepine ne fundin e javes qe vjen. Te nominuarit per kete jave jane perzgjedhur Erjola dhe Zhulieta.

Por personi qe do te lere shtepine javen tjeter do perzgjidhet nepermjet mesazheve te teleshikuesve, te cilet duhet te votojne per personin qe do te dale nga shtepia.

Spektakli i se shtunes ofroi surpriza te kendshme jo vetem per teleshikuesit por edhe per vete banoret. Adelajdes i eshte mundesuar nje bisede telefonike me te fejuarin e saj.

Qetesori ka degjuar nje mesazh te ngrohte nga bashkeshortja e tij. Nje mesazh surpirze ka ardhur per Aiden nga shoku i saj, ndersa Dritani ka mundur te takoje te fejuaren ne studio.

Nderkohe qe ne javen e pare banoret ishin vene ne prove nga Vellai i Madh te interpretonin pjese per dashurine pasi spektakli perkoi me festen e Shen Valentinit, prove e cila eshte kaluar me sukses nga banoret cka nuk u cenoi atyre buxhetin per javen e ardhshme.

Per gjate nje jave 14 personazhet e perzgjedhur jane perpjekur te njohin sa me mire njeri-tjetrin duke krijuar edhe shoqeri mes tyre.

Burimi;Top Channel

[Kliton]

E tronditur nga fakti i të qënit e nominuar dhe e zhgënjyer nga banorët e shtëpisë, Erjola, duke qarë, nuk i ka fshehur emocionet e veta. -“Nuk e prisja të isha e nominuar!” – ka thënë ajo. Aida nuk ka vonuar t’i thotë se ajo nuk e kishte nominuar e ajo nuk duhet të kishte dyshime për këtë. Në bisedën me Liritën, erjola është shprehur se banorët nuk e kanë vlerësuar siç duhet atë dhe kontributin e saj në shtëpi. “E dija që kjo ishte diçka që do të na ndodhte të gjithëve këtu, por më erdhi e papritur!”- ka thënë ajo.


Zhuljeta: E prisja nominimin

“E prisja nominimin”- u ka thënë Zhuljeta dje banorëve. –“E ndjeja! Aq më tepër kur më vunë bashkë me Mimozën.Ajo s’kishte krijuar konflikte, kështu që aty u binda njëqind përqind.” Ajo ka vazhduar duke thënë se i vinte keq për Erjolën, por ka theksuar se nëse ajo ndihet keq tani apo ndihet e zhgënjyer, e ka fajin vetë. Sipas saj, Erjola është treguar e dashur, madje më shumë se ç’duhet, me të gjithë. “Nuk ke pse të jesh e dashur me të gjithë. Është shumë herët për të qenë e dashur!”- ka thënë ajo.


Qetsori zgjidhet kujdestar


Vëllai i madh i ka kërkuar secilit prej banorëve të shtëpisë, në dhomën e rrëfimit, që të shkruanin emrin e banorit që ata mendonin se duhet të ishte kujdestari i tyre për javën në vazhdim dhe që do të vendoste për buxhetin e administrimin e tij. Pasi e kanë shkruar secili emrin që mendonin në fletët përkatëse (përveç Mimozës, që në vend që të shkruante në fletën me emrin e saj shkroi në atë të Bjornit), Dritani, me kërkesë të Vëllait të madh, i ka lexuar ato. Me shumicë votash “Kujdestar i javës”është zgjedhur Qetsori.


Adelajde flet me te fejuarin

Suprizat nuk kanë munduar as për Adelajden. Edhe për të ishte Shën Valentin. Ndaj, gjatë spektaklit, Vëllai i madh, ka dashur që ajo të flaës me të fejuarin. Në fakt, gjatë gjithë javës, autorët kanë kërkuar e këmbëngulur që ai të vinte në studio, por pa arritur që t’ia mbushin mendjen. E vetmja alternativë e mbetur ishte mundësimi i një lidhjeje telefonike mes tij dhe Adelës. Por fillimisht edhe kjo rezultoi e pasuksesshme: telefoni i tij ishte i fikur. Por, me sa duket, ai, si në fund të fundit të gjitha familjet shqiptare, ishte duke ndjekur spektaklin Big Brother, në Top Chanel dhe menjëherë e ka hapur telefonin. Kështu është bërë e mundur që me ndihmën e Arbanës, ata të flasin me njëri-tjetrin. Por nuk ka ndodhur ajo që ndoshta prisnin të gjithë, një bisedë me nota romantike mes tyre. Në fakt, ai ka qenë kundër vendimit që Adelajda të hynte në shtëpinë e Vëllait të madh dhe kjo ka shkaktuar një shkëputje në lidhjen pesëvjecare të tyre. Ai i ka thënë Adelajdes vetëm:- “Mundohu të jesh vetvetja, ti je vajzë e mirë dhe e sjellshme!”, fjalë aspak prej një të dashuruari të përmalluar. Me insistimin e Arbanës dhe ngacmimeve të saj, pyetjes “A e ke ti xhan Adelajden?” ai mezi iu përgjigj që e ka.


Bjordi dhe Aida flene ne tende

Darka e mrekullueshme që priste Dritanin dhe të fejuarën e tij dhe tenda në zonën e kampingut nuk mund të shkonin kot. Prandaj, Big Brother vendosi t’u linte banorëve një mundësi për ta shfrytëzuar atë. Çifti që do të ofrohej për ta bërë këtë e që nuk do të kundërshtohej nga banorët e tjerë do ta gëzonte darkën dhe atë hapësirë, të gjithën për vete. Fillimisht u ofruan Lirita dhe Aida, por duke qenë se duhej të ishin një mashkull, një femër, gjithmonë sipas rregullave të Vëllait të madh, u vetzgjodhën dhe u pranuan Bjordi dhe Aida. Ata kanë shijuar të kënaqur darkën e mrekullueshme të përgatitur për Dritanin e të fejuarën e tij dhe e kanë kaluar gjithë natën duke biseduar. Në mëngjes, Aida, e lodhur por e kënaqur nga nata e sapokaluar, ka thënë: -“Ku është ai Dritani, se do ta vdes fare, pse kishte turp ai?! Nuk e keni idenë sa mirë kemi kaluar. Siç tha edhe Bjordi, -vazhdoi ajo, -edhe një shoqe po të më kishte ardhur, unë do të kisha pranuar të flija në tendë. Thjesht për t’u çmallur, thjesht për të folur.”




Ish i dashuri i Aides hap nje fan club per me shume vota

Kur u prezantua për herë të parë si një nga konkurrentet e “Big Brother”, me flokët bionde dhe veshjen moderne, shumë prej nesh mund të mendonim, se Aida do të ishte ajo vajza tipike që ka feminilitet me shumicë dhe mbi të gjitha një vajzë me të cilën djemtë nuk do të kishin vështirësi për ta bërë mike apo edhe diçka më shumë. Por kanë mjaftuar kaq pak ditë brenda shtëpisë më të famshme në Shqipëri, për të kuptuar se impresioni i parë ka qenë komplet i gabuar.

Tani që kemi mundur të kontaktojmë me miqtë më të mirë të Aidës, në fakt kemi arritur të kuptojmë shumë detaje nga jeta e saj. Në shumë forume ku fansat kanë filluar diskutimet e nxehta për banorët që pëlqejnë dhe për ata që nuk i pëlqejnë, kemi lexuar se shumë prej tyre kanë paragjykuar Aidën për faktin se ajo jeton vetëm. Në fakt ne mësuam se të jetuarit vetëm nuk ka qenë një zgjedhje për Aidën por thjesht një fat i saj i hidhur. Aidës i kanë vdekur të dy prindërit dhe mbasi motra e madhe ka vendosur të jetojë në Itali, ajo ka mbetur vetëm në shtëpinë e prindërve të saj. E gjendur në këtë situatë, Aidës i është dashur të rritet më shpejt pasi tashmë për çdo vendim që do të merrte, duhej të ishte sa më e përgjegjshme.

Prandaj dhe imazhi i vajzës së fortë dhe aspak delikate, është në fakt natyra e vërtetë e Aidës. Njëri nga miqtë e saj prej dhjetë vitesh, tregon se Aida është një vajzë shumë inteligjente, shumë e zonja, ka një punë shumë të mirë dhe vazhdon edhe shkollën. I pëlqen ta jetojë jetën në të gjitha dimensionet e saj, por shpesh shfaq edhe shenja rebelizmi për gjërat e shtirura, duke e bërënatyrën e saj akoma më të veçantë. Madje ai tregon se krahas pasionit për librat dhe kuzhinën, Aida ka dhe një zë shumë të mirë për të kënduar, një cilësi që ajo akoma nuk e ka shfaqur brenda shtëpisë së “Big Brother”.

Miqtë tregojnë se shoqëria me Aidën është me të vërtetë një privilegj pasi ajo është në gjithçka shumë speciale. Pikërisht falë kësaj natyre ajo ka mundur të jetojë me njerkën dhe babain e saj për disa vite, dhe nga kjo martesë, tani ajo ka edhe një vëlla nga babai. Ndërkohë nga burime të tjera, por së fundi edhe nga rrëfimet e vetë Aidës, mësojmë se ajo ka patur një lidhje 7-vjeçare me një djalë i cili prej katër vitesh ndodhet në Amerikë. “Ai është një djalë shumë i mirë dhe me Aidën kishte marrëdhënie të mrekullueshme, por mesa duket largësia e ka bërë të pamundur lidhjen e tyre”, – tregon një nga mikeshat e Aidës.

Ajo ka provuar të jetojë jashtë, më saktënë Itali aty ku jeton prej disa vitesh e motra, por ajo e ka të pamundur që të rrijë gjatë larg Shqipërisë pasi tregon se i pëlqen më shumë Tirana dhe jeta këtu mes miqve dhe ambientit shumë të njohur dhe familjar për të. Duke parë natyrën e veçantë të saj, miqtë e kanë nxitur që të merrte pjesë në “Big Brother” por të pyetur nëse ka gjasa që ajo të lidhet me ndonjërin prej djemve aty, ata e përjashtojnë kategorikisht si mundësi duke njohur tipin e saj, por duke parë edhe alternativat aty brenda, që u duken të papërshtatshme për miken e tyre.

Duke u kthyer tek histori disa vjeçare e lidhjes së saj, mësuam edhe një fakt shumë interesant. Aida me Endrit Mashën, edhe pse nuk janë më të dashur, kanë mbetur shumë miq me njëri-tjetrin. Madje, gjëja që na ka çuditur më shumë është se ai ka krijuar një fan club për Aidën, duke e ndihmuar që ajo të ketë sa më shumë fansa dhe natyrisht sa më shumë vota. Me të vërtetë diçka shumë speciale të cilën me siguri kur ta mësojë Aida, ka për ta vlerësuar shumë. Gjithsesi, jemi akoma shpejt për të parashikuar se çfarë të rejash do të na sjellë vajza bionde brenda asaj shtëpie.

Burimi: Top Channel

[Kliton]

Është i bukur e ndryshe nga të tjerët. Ka lindur më 11 mars 1988, 1.75 m i gjatë dhe ëndërron të bëhet aktor në Shqipëri. Ende i pazbuluar në rrëfimet e veta në javën e parë të ‘reality show’ “Big Brother 2” në “Top Channel”, ai ka shfaqur më shumë kuriozitet pasi vjen nga jashtë dhe drejton një firmë ndërtimi në Itali. Nëse doni të dini më shumë se kush është Bjordi; biznesi, dashuria, dhe pasionet e tjera të tij, gjithçka e tregon për “Panorama Plus”, miku i tij më i ngushtë, 23-vjeçari me origjinë nga Tropoja, Jetmir Pjetërnikaj.

Jetmir, ju jeni miku më i ngushtë i Bjordit në Itali. Si jeni njohur?

E kam njohur në lokale nate, kur unë punoja në diskoteka si balerin. Edhe Bjordi u fut në grupin tim të kërcimit dhe bashkë kemi kërcyer në diskotekat më të mira dhe të mëdha të Italisë. Po ashtu kemi punuar dhe në Radio 104 të Leços, në vitin 2006-2007. Kemi pasur një program të orëve të vona, që e drejtonim ne, ku prezantonin albumet e reja që hidheshin në tregun muzikor italian. Ishte një emision me kërkesa muzikore e dedikime këngësh. Tashmë drejtojmë bizneset tona, ai një firmë ndërtimi dhe unë një firmë, që merret me shitblerje veprash arti.

Sa herë kishte qenë Bjordi në Shqipëri më parë?

Para “Big Brother” Bjordi ka qenë në Shqipëri dy herë, një herë kur ishte 6 vjeç dhe hera e dytë në 2006 bashkë me mua. E solla unë pasi ai nuk donte të vinte për arsyen se nuk njihte askënd, dhe për hatrin tim erdhi. Që atëherë i hyri në zemër Shqipëria.

E kujt ishte ideja për të hyrë në “Big Brother”?

Ideja ishte e imja, që ne të merrnim pjesë të dy në këtë “reality show”. Arsyeja pasi bashkë kemi eksperienca nga më të ndryshmet dhe menduam, që të dy së bashku do tërhiqnim vëmendjen duke krijuar një grup simpatik brenda “Big Brother”, dhe duke u mbrojtur nga njerëzit e paaftë.

Ku e bazonit këtë besim?

Si unë, ashtu dhe Bjordi kemi njohuri nga shumë fusha, dhe kemi pasur çfarë të tregonim. Them se të dy do kishim mbetur të paharrueshëm në historinë e “Big Brother Albania 2”.

Mund të na tregoni më shumë rreth biznesit të tij atje?

Është pronar firme ndërtimi, me pesë punëtorë. Ndërton shtëpi, vila kryesisht jo vetëm në Lece, Leço, por firma e tij ndërton në të gjithë Italinë.

E habitshme për një 20 vjeçar të ketë arritur kaq shumë. Mbështetjen e kujt ka?

Jo, e ka nisur vetë, gjithçka nga zero, aftësia është e tij duke studiuar e punuar, dhe me mbështetjen e familjes.

Eshtë i pasur Bjordi?

Këtë nuk mund ta them unë se janë gjëra private, por për moshën që ka është shumë përpara.

Thuhet se ka një mama shumë të zonjën. Kush janë pjesëtarët e tjerë të familjes?

Familja e tij përbëhet nga motra Skerda, që punon në një zyrë avokatie, nëna Antoneta biznesmene, dhe nipi i vogël. Babain nuk e njef dhe nuk do të flasë fare për të.

Shokët e tij janë shqiptarë apo ialianë, dhe çfarë kategorie janë?

Unë jam i vetmi shok i tij nga Shqipëria. Shokët që e rrethojnë janë biznesmenë, dhe janë të gjithë italianë. Me shqiptarë s’ka pasur kontakte fare.

Dëshira e Bjordit është të bëhet aktor. Ka diçka konkrete në këtë pasion të tij?

Po e vërtetë. Dëshira e tij është të bëhet aktor në Shqipëri. Para se ai të hynte në “Big Brother”, ne kishim marrë oferta nga shkolla e kinematografisë në Milano, “Lo ied”, për të qenë protagoniste në katër filma me metrazh të shkurtër. Unë tani që humba mundësinë për t’u futur në “Big brother”, i pranova këto oferta, ndërsa Bjordi i refuzoi.

Po për lidhjet e tij të dashurisë, a mund të na thoni diçka?

E vërteta është që ka pasur shumë lidhje, por jo shumë të gjata. Mund të them se si djalë i ëmbël që është, ka pasur shumë kërkesa dhe nuk u ka rezistuar ofertave.

A mund të dimë se kush kanë qenë të dashurat e tij?

Po ai ka pasë shumë histori dhe është shumë i kërkuar nga femrat këtu. Por nuk i pëlqen të ekspozohet me ndonjërën, kështu që mos më kërkoni që të zbuloj ndonjë nga ish të dashurat e tij.

Cila ka qenë lidhja e tij e fundit?

Ka qenë një vajzë italiane që jetonte në Londër, por që ai nuk ka dëshirë ta bëjë publike.

Duket i butë, i qeshur. Çfarë fshihet pas kësaj aparence?

Është tip shumë i shkathët dhe i qeshuri i shoqërisë.

Brishtësia e tij binte në sy. Ai vetë e ka menduar këtë se mos ndoshta paragjykohej?

Ai është i drejtë dhe nuk i njeh paragjykimet, e nuk e ka idenë se si është Shqipëria.

Ti e njeh më nga afër. Si mund ta përshkruash?

Bjordi është i ëmbël, i edukuar, i pëlqen jeta e natës.

Kujtoni ndonjë çmenduri të tij me vajzat?

Por një nga më të mëdhatë e ka bërë për një gocë nga Danimarka. Ajo i pati thënë që do të vinte në Firenze me shkollën e saj. Bjordi ka marrë makinën me dy shokë dhe ka shkuar ta kërkojë në të gjitha hotelet, diskotekat, pub-et, restorantet e sallat e lojrave në Firence. E gjeti pas dy ditësh kërkime në një diskotekë dhe kaloi një fundjavë me të.

[Kliton]

Pasi janë zgjuar dhe veshur, për pjesën më të madhe të banorëve të shtëpisë, dita ka filluar me punë. Ata u janë futur atyre me një vrull të vërtetë. Adi, Pavlini, Erjola e Zhuljeta kanë fshirë e kanë larë ambientet e ndryshme të shtëpisë, Lirita ka pastruar në kuzhinë. E vetmja e pakënaqur me punët që i kanë rënë për pjesë ishte Adelajda. Asaj i caktuan të fshijë pluhura nëpër shtëpi, punën të cilën ajo e urren. “Më mirë të fshijë e të laj gjithë shtëpinë, -ka thënë ajo, -sesa të marr pluhurat!”


Qetsori: Me ka marre malli per djalin

Qetsori që duke hyrë në shtëpinë e Big Brother, ka lënë jashtë gruan dhe djalin e vogël, duket qartë se e ndjen shumë mungesën e tyre. “Më ka marrë shumë malli për djalin!”- u ka thënë ai Bjordit, Dritanit dhe Adit, të ulur në divanet në zonën e ndenjies. Ai ka filluar t’u demostrojë atyre gjestet e djalit, që zgjohet gjithmonë herët e ngaqë do ta zgjojë dhe të atin e kap atë nga veshi, i fut gishtin në sy apo hundë, pa u dorëzuar derisa ta zgjojë.


Dritani, me nje te kaluar si mister

Dritan Shehaj, një nga pjesëmarrësit në “Big Brother 2”, nuk është një emër fare i panjohur për botën e televizionit. Edhe pse ai ka marrë rrugë të tjera në jetë, duke vazhduar degën e Drejtësisë si dhe Universitetin Ushtarak, me siguri pjesëmarrja e tij në “Miss dhe Mister Albania 2003”, do ketë qenë eksperienca e tij e parë me kamerat dhe me botën e televizionit, padyshim e pëlqyer për të, përderisa ka preferuar që të vijojë, por në një formë tjetër, t’u ekspozohet atyre. Në vitin 2003, kur u shpall “Miss Albania”, Denisa Kola dhe “Mister Albania”, Gerald Shahu, shoqëruesi i dytë i “Mister Albania”, u shpall Dritan Shehaj. Edhe pse kjo ka ndodhur pesë vite më parë kur ai ishte 20 vjeç, me siguri Dritani si atëherë, edhe sot mund të mendojë se inteligjenca dhe shkollimi janë shumë të rëndësishme, por edhe pamja e jashtme ka rëndësinë e vet për të ecur në jetë.


Republika me look te ri

Lirita ia ka marrë dorën tashmë stilimit të flokëve të Republikës. Ajo, si një parukiere e vërtetë, gjatë krehjes, i ka dhënë edhe këshilla për modelin Republikës së pakënaqur me flokët e saj. “As kështu nuk më shkojnë, as të shkurtra nuk më shkojnë! Më mirë i kisha të gjata!” Look-u i Bikes, që ka tërhequr vëmendjen e banorëve që nuk e kanë lënë pa e komplimentuar, është “pagëzuar” nga Lirita si “New Bika 2009”.

Nuk më pelqen si je pozicionuar!

Duke e nisur bisedën me “Unë të kam shumë xhan!”, si për ta bindur Mimozën për qëllimet e saj dashamirëse, Aida ka vazhduar t’i thotë se nuk i pëlqen aspak pozicioni që Mimoza ka marrë brenda shtëpisë së Big Brother. Sipas saj, ajo është asnjanëse, jo në kuptimin që nuk është palë me asnjë, por në atë të mosmarrit pjesë në diskutime nga ana e saj. “Jam e urtë, ë?!”- I ka thënë Mimoza, që nuk i ka marrë për keq vërejtjet e Aidës, apo të paktën kështu është dukur.


Adelajda ankohet për Bjordin

“Vërtet shkove në dhomë të rrëfimit?- ka pyetur Republika Adelajden që ka pohuar. “Po pse duhet të shkoje kur ajo që bëri Bjordi ishte thjesht një shaka?!- ka vazhduar Republika. Adela i ka shpjeguar se ai është bërë i bezdisshëm dhe se kjo gjë është e përditshme. Bjordi e ka marrë me të qeshur dhe ka filluar ta ngacmojë. Adela edhe pse “e revoltuar” nga sjellja e tij ka vazhduar të ngacmohet me të duke e gjuajtur edhe me jastëk.


Babai donte të më quante Borjana

-“Ditën që kam lindur unë, -u ka treguar Aida banorëve, ka rënë një borë e paparë. Bora e ‘83-shit! Mbahet me emër. Dhe babi donte të ma vinte emrin Borjana!” Por gjyshja e saj nuk ka pranuar. Siç ka rrëfyer Aida, ajo kishte patur dikur një vajzë shumë të bukur, aq të bukur sa dukej si ëngjëll. Ishte e bardhë si bora dhe prandaj edhe saj i kishin vënë një emër të ngjashëm. Por ajo nuk kishte jetuar gjatë, ndaj gjyshja, kur kishte dëgjuar të përmendej ky emër, nuk kishte dashur kurrsesi që mbesa e saj të quhej kështu, duke patur frikë se mos do të kishte të njëjtin fat me atë të bijës së saj. “Po e bëtë këtë nuk më shihni më në derë!”-u kishte thënë ajo prindërve të Aidës. Dhe kështu ndodhi që unë në maternitet nuk kisha ende emër dhe mamitë më quajtën Suela. Por pastaj ishte babi që ma vuri emrin Aida.


Banorët këndojnë Himnin kombëtar

Të mbledhur në kuzhinën e shtëpisë duke pirë kafe e duke diskutuar për simbolet dhe identitetin kombëtar, banorët janë ndjerë papritur patriotë dhe kanë filluar të këndojnë himnin kombëtar. E para e ka nisur Zhuljeta, e ka vazhduar Arjoni e më pas të gjithë grup, të gjithë njëzëri, kanë kënduar himnin shqiptar “Rreth flamurit të përbashkuar”.



Burimi: Top Channel

[Kliton]

Adi ka treguar përshtypjet e para të tij në lidhje me Erjolën. Në fakt, sipas tij, impakti i parë me të nuk ka qenë fort pozitiv. Kjo për shkak të reagimit jo normal që kishte bërë ajo pas një battue të tij të dielën e parë pas spektaklit. “Kjo fliste gjuhë të huaja, -tregon Adi, - dhe unë të vetmen frazë që di në frëngjisht “vu le vu kushe avec moi? – do të flesh me mua sonte?”, ia thashë. Unë bëra shaka, kjo m’u kthye sikur…!”. Që në atë moment ai kishte menduar se kjo ishte tip me të cilin nuk u bisedonte. Erjola e aprovoi dhe tha se të tilla gjëra mund t’i kenë ndodhur edhe me banorët e tjerë


Zhuljeta : Bukuria, nuk te ben te mire

Adelajda tregon se për të impakti i parë është shumë i rëndësishëm dhe nëse e lidh puna dhe ka kohë që ta njohë është një mundësi e mirë, në të kundërt do të mbetet opinioni i parë që ka krijuar, ai negativ. Zhuljeta pohon se nuk është e thënë që të jetë mashkulli i bukur ta tërheqë, pasi bukuria nuk të bën të mirë. Adriani reagon duke thënë se kjo është e padrejtë, pasi një që nuk ka pamje të mjaftueshme për tu konsideruar i bukur duhet të vuajë. Arjoni thotë se paragjykimi i parë është shumë i rëndësishëm dhe nëse një njëri nuk ka pamje të mjaftueshme për të kualifikuar i bukur, shpesh edhe mund të konsiderohet njeri jo i mirë.


Arjoni perplaset me Republiken

Banorët janë ndarë në dy grupe dhe ndërkohë Arjoni po flet. Brenda pak minutash ai ndërpret bisedën dhe i drejtohet Republikës duke i thënë se sa herë ai flet, vajza nga Lazarati nuk e sheh fare në sy ose vendos dorën në gojë dhe bisedon me personat që ka afër. Ajo i kundërpërgjigjet se ndërkohë që Arojni po fliste ajo thjesht i thoshte diçka Tanit që nuk kishte lidhje fare me bisedën që po bëhej dhe nuk ishte asesi as ndonjë koment apo thashethem i mundshëm rreth tij. Arjoni e komentoi si jo etikë këtë veprim dhe i tha që të mos e përsëriste më, fakt te cilin e pranoi edhe Bika paksa e shfajesuar.

Bjordi: Adela, do lexoj Kuranin per ty

Liria dhe mungesa e saj është një dialog që Bjordi po e bën me Adelajden. Ai është kundër mbulimit të grave, duke e quajtur këtë si një mungesë të dukshme të lirisë së saj. “Ne në jetë mund të bëjmë ç’të duam, ndërsa ka gra që nuk shikojnë diellin dhe nuk e dinë se çfarë është ajri. Mendoj se kjo jetë duhet jetuar me të gjitha të mirat, sigurisht duhen edhe rregullat, por edhe ato duhen përdorur me llogjikë. Unë nuk i bëj keq njeriu dhe e jetoj mirë jetën time”-përfundon Bjordi. Adelajda thotë se me logjikën qe ka Bjordi, kur ta lexojë kuranin do ta kuptojë atë që ajo thotë, por nuk mundet për momentin që ta shpjegojë atë që shkruhet në librin e shenjtë. Bjordi pranon “do ta lexoj Kuranin, vetëm për ty”.


Aida: Vajza, kujdes me higjenen

Më në fund debati ka përfunduar dhe të gjithë banorët kanë filluar të merren më seriozisht me furnizimin, duke lënë për pak momente pas dore temën në studion e improvizuar nga Lirita. Ata kanë vrapuar drejt magazinës ku kanë marrë furnizimin e ditës, ku një pjesë janë marrë me transportin, ndërsa tjetra ka pritur t’i shërbehej nga një kos frutash apo ëmbëlsira. Ndërkohë Aida dhe Arjoni pohojnë se sot kanë larë dushin dhe kanë gjetur aty karfica dhe sende të tjera. Ajo u shpjegon vajzvae të tyre që gjithmonë pasi të përfundojnë dushin të pastrojnë mirë piletën me qëllim që higjiena të jetë sa më e mirë për të gjithë banorët e shtëpisë së Big Brother.


Mimoza: Kam pasur te dashur biseksual

Tema e homoseksualitetit ka qenë një nga më të gjatat që është diskutuar në shtëpinë e Big Brother. Dritani dhe Adela janë kundër, por nuk diskrimonojnë. Lirita dhe Aida janë pro dhe përpiqen që të japin argumentat e tyre. Po biseda merr rrjedhë tjetër kur Moza thotë se i urren homoseksualët, pasi kohë më parë ka pasur një të dashur që ishte biseksual dhe u nda nga ai pasi mori vesh që ai dëshironte të kishte lidhje me të dyja sekset. Adelajde thotë se nëse atë do ta tradhëtonte burri me një femer e quan tradhëti, por me një mashkull do ta shante me gjithë fjalët më të këqija, pasi ishte e pafalshme.


Lirita : Si ishte hera e e pare?

Lirita si një ndër vajzat më të hapura sugjeron që të diskutohet për një temë paksa delikate, pikërisht për herën e parë. Por duket se jo të gjithë tregohen të hapur dhe të gatshëm për të rrëfyer sekretin e madh. Madje Arjoni thotë se nuk i pëlqen që të tregojë herën e tij të parë kur ka kryer marrëdhënie seksuale. Lirita tregon se shkencërisht është e provuar se të gjithë fëmijët pas moshës 13 vjeçare fillojnë e njohin seksualitetin e tyre të vërtetë dhe ndoshta kjo ësshtë pozitive që ne të kuptpojmë se kur ka ndodhur tek ne kjo ndjesi dhe nuk ka asnjë gjë të keqe te zbulojme me shume. Por banorët në fillim tregohen paksa skeptikë per te rrefyer per jeten e tyre sentimentale.


Banoret debatojne per besimin ne Zot

Një debat i nxehtë ka nisur mes banorëve të shtëpisë. Adela thotë se Kurani është libri që nuk ka pësuar asnjë ndryshim, por është shkruar direkt i frymëzuar nga Zoti, ndërsa librat e tjerë janë ndryshuar. Vajza nga Kavaja thotë se ishte betuar të mos fliste për fenë, por meqë erdhi rasti ajo tregon se ka njohuri shume të mira fetare dhe këtë e justifikon me kohën kur ka qenë nxënëse në medresenë e Shkodrës. Por, Dritani reagon duke thënë se jo cfarë ajo ka mësuar në shkollë është e drejtë dhe ajo që thonë të tjerët është e gabuar. Djali nga Gjirokastra përpiqet të argumentojë besimin e tij te Krishti dhe e gjithë biseda i referohet më pas Bibles dhe Kuranit, dy librave të shenjtë. Ardjani thotë se beson te fakti që ekziston dikush që ka bërë gjëra kaq perfekte, por e shpjegon jetën më shumë me filizofinë sesa me besimin. Arjoni e mbyll bisedën duke thënë se me aq njohuri sa ka nga Kurani ky libër kërkon që besimtarët të respektojnë besimtarët e tjerë. Më pas i gjithë debatui shuhet.

Adelajda ngacmon Bjordin per dashurine

Republika, Adelajda dhe Adi janë duke biseduar së bashku, por në atë moment vjen Bjordi dhe nuk i lë ata të flasin. Adelajda i kërkon atij të largohet por ai i thotë se nuk ka asnjë arsye që të iki, pasi banorët e tjerë nuk poi a kërkojnë këtë gjë. Bjordi e kupton që e gjithë kjo situatë është me humor. Por Adelajda per t’iu kundervene e ngacmon ne lidhje me te dashurat e tij, qe disa kane qene Bjonde disa kane qene brune. Ai thote se e dashura e pare qe ka pasur ka qene ne moshen 16 vjecare, ndersa Adelajda i thote se ata nuk kane qene te dashura por te dashur. Bjordi nuk thote asgje, por perpiqet te anashkaloje biseden. Me pas Adelajda e pyet se sa vjec ka qene e dashura e fundit ai i thote qe ka qene 25 vjece dhe ka qene ajo qe e ka propozuar.


Erjola i kendon se bijes

Edhe Erjolës, po ashtu si Qetsorit, kuptohet menjëherë sesa shumë i mungon e bija 4-vjeçare. Teksa rrinte ulur e vetme, në oborrin e shtëpisë, fytyra e saj nuk mund ta fshihte mallin që ndjente. Ajo ka filluar, në fillim me vete e pastaj me zë, të këndonte këngë fëmijësh, këngë që mesa duket ia këndonte të bijës në shtëpi. Dukej si një mesazh që ajo i dërgonte së bijës, që mami është me ty, mami nuk të ka harruar.

Burimi: Top Channel

[Kliton]

Një tjetër “zënkë” ka ndodhur mes Aidës dhe Adelajdes, kësaj here në dhomën e gjumit. Aida i ka kujtuar sjelljen e saj jo të hijshme karshi Liritës, kur nuk i foli as në emër e nuk i tha as të lutem. Adelajda iu përgjigj duke i thënë se çfare ka mes asaj e Liritës nuk është punë e Aidës dhe Lirita po të donte fliste vet. “Fjala -të lutem-, -i ka thënë Aida Adelajdes, -është kultura më minimale, që ti si zyshe që je duhet ta dish.”. Më pas ajo ka vazhduar duke thënë se Adela nuk mund të urdhërojë të tjerët, gjë të cilës ajo është përgjigjur sërish se Aida nuk ka pse të ndërhyjë, kur nuk i ka thënë gjë asaj. “Kur flas me Liritën, flas me Liritën. Kur të flas me ty, flas me ty!-ka përfunduar ajo.


Arjoni dhe Bjordi rivale per Mimozen

“Unë mendoj që ti dhe Bjordi jeni rivalë për Mozën, e pëlqeni të dy!” - i ka thënë Adelajada Arjonit. Sipas saj, Arjoni bezdiset nga fakti që Moza është më e afruar me Bjornin sesa me Arjonin. Ky i ka thënë se atë e bezdis fakti që Moza mund të mendojë se ai mund të donte të bënte ndonjë gjë me të. “Pastaj unë nuk shtirem si Bjordi!” -ka thënë ai. Adelajda ka mbajtur anën e Mimozës gjatë gjithë bisedës me Arjonin, duke justifikuar veprimet apo sjelljet e saj e po ashtu atë të Bjordit duke i shpjeguar veprimet e tij me faktin se ai është i veçantë. “Ti konkurencën e ndjen, -i ka thënë ajo Arjonit, -dhe këtë pranoje!” – “E ndjej konkurencën, -ia ka kthyer ai, por nuk më vjen inat!”

Aida debaton me Bjordin

“Ti je i infiltruari ynë, në dhomën e vazave, kali ynë i Trojës!”- i kanë thënë me shaka djemtë Bjordit, referuar faktit që ai fjeti në dhomën e vajzave. Bjordi ka thënë se ka qejf t’u afrohet vajzave, e kuptonte distancën që mbanin Dritani apo Qetsori sepse ishin të lidhur, por nuk shpjegonte dot faktin pse të tjerët nuk e bënin. Në këtë moment është hedhur Aida dhe i ka thënë se ajo që thotë ai nuk është e vërtetë sepse edhe pse ata janë të lidhur ajo ka shumë afrimitet me ta. –“Kë quan goca ti, i ka thënë ajo, apo për ty goca janë vetëm Moza, Zysha dhe Repulika! Po ne çfarë jemi, burra”!”


Qetsori: Nuk me terheq asnje nga vajzat ketu

Dritani, Qetsori, Arjoni dhe Pavlini kanë zhvilluar në zonën e ndenjies, një bisedë të vërtetë djemsh. Ata kanë folur për femrat, marrëdhëniet me to, ndryshimin e pikëpamjeve dhe sjelljeve nga brezi në brez, vështirësinë për ta patur shoqe një femër, “gjuhën e trupit” e shumë argumente të tjera në lidhje me këtë temë. Aty, Qetsori ka deklaruar –“Jua them me sinqeritet, unë nuk kamatraksion për asnjërën nga gocat, fare!”

Vjehrri i Adelajdes: Nusja shkaterroi familjen per Big Brother

Tashme ne Kavaje, e dine te gjithe. Pjesemarrja ne reality show e konkurentes, Adelajde Ljushka, i ka kushtuar asaj divorcin nga bashkeshorti, Agron Ljushka.

Nusja e familjes kavajase, ishte bere pjese e aplikimit ne emisionin Big Brother pa dijenine e pjesetareve tjere te familjes se bashkeshortit. Madje, sipas babait te Agronit, as bashkeshorti i saj nuk dinte gje per aplikimin.

“Ajo e ka bere cdo gje ne koken e saj pa na pyetur fare. Te them te drejten ne si familje na ka vrare shume opinioni publik, pasi Kavaja eshte vend i vogel, - na thote babai i Agronit, ish-vjehrri i Adelajdes, Azemi. Po nese ajo do tregonte a do rridhnin gjerat ndryshe? Azemi thote:

“Edhe nese ajo do te na kishte treguar qe deshiron te marre pjese ne nje emision te tille, perseri ne nuk do te ishim dakord, por do t’i thoshim qe nuk eshte gje e mire pjesemarrja ne ate emision dhe se kete duhet ta vendose me burrin e saj qe eshte edhe djali yne”.

Babai i Agronit, na tregon se si rrodhen ngjarjet qe prej dites kur djali i tij mori vesh qe nusja ka aplikuar ne Big Brother.

“Kishim vene re qe djali nuk ndjehej fare mire, rrinte gjithe kohes i merzitur, por nuk shprehej se ku qendronte problemi. Nje dite erdhi dhe me takoi ne qender te qytetit dhe me tregoi gjithcka. Te them te drejten u zhgenjeva shume nga sjellja e nuses, por prape mendova qe kjo do te kalonte. Kur kjo u shtrua per diskutim ne familje dhe morem nje pergjigje negative nga Adelajdia, atehere e pame qe ishte nje situate qe po e conte martesen e tyre drejt deshtimit”.

Duke qene kavajas te vjeter, familja e Agronit, eshte ndier keq. “Na ka trishtuar se tepermi kjo histori, pasi une nje djale te vetem kam dhe te vije nusja e te na beje qender te vemendjes se botes per keq, kjo nuk eshte e drejte.” Keshtu e quan Azemi gjendjen e krijuar qe kur nisi diskutimi brenda familjes e deri kur kjo u be publike dhe e moren vesh te gjithe njerezit. Kur familja Lushkja e pa te pamundur qe ta binde Adelajden per te mos marre pjese ne Big Brother, atehere Agroni filloi ta ndjeke kete ceshtje ne rruge ligjore, duke kerkuar divorcin.

“Bisedimet nuk benin me pune, pasi nusja e kishte vendosur te behej e famshme”-thote Azemi. “Djali im nuk mund te pajtohej me kete mendim. Shfaqi shenja xhelozie me te drejte, sepse ata u martuan me dashuri. Nuk eshte se ja dhame ne te familjes nusen dhe midis tyre nuk kishte bashkebisedim apo mosperputhje karakteresh”.

Aktualisht Agroni eshte ne pune si shofer tek zjarrfikesja e qytetit te Kavajes dhe njekohesisht ndjek studimet e larta per inxhinjeri-mekanike. Qe prej kohes kur ka ndodhur ndarja me bashkeshorten Adelajden, ai shfaqet pak ne publik, pasi i duket sikur opinioni po e denon. Kane nisur te qarkullojne fjalet se ata u ndane se Agroni luante shume me lojera fati, qe pinte alkool, por miqte e tij e kane quajtur njeri shume te rregullt.

Sipas te atit i vetmi qellim i ndarjes se Agronit me Adelajden ishte pjesemarrja e saj ne kete emision. - Ne e dinim fare mire qe e gjithe dynjaja do te merrej me muhabetin tone, duke na bere biografine sa here qe te shihnin nusen e djalit tim ne televizor - na percjell me pamje te merzitur Azemi.

Aida: “Zysha” nuk ka asgje te mire

Komentet e Aidës për Adelajden pas debatit për mimikën e saj kanë vazhduar, në oborrin e shtëpisë, në bisedën me Zhuljetën, Liritën, Agonin dhe Erjolën. “Jam munduar të shoh ndonjë gjë të mirë tek ajo, -ka thënë Aida, -por nuk kam gjetur asgjë!”. Ajo ka vazhduar duke thënë se Adelajda duhet të matet njëherë para se t’u drejtohet të tjerëve, siç është për shembull rasti i saj me Pavlinin. Ajo vërtet nuk përputhet me të, por e respekton për hir të moshës më të madhe që ai ka. Sipas saj, të njëjtën gjë duhet të bëjë dhe Adela. Ajo u ka treguar gjithashtu një episod kur i është dashur t’i kujtojë Adelajdes rregullat e mirësjelljes, kur kjo e fundit në vend që t’i thërriste Liritës me emër, i kishte thënë “Ej”. Më pas, Aida ka vazhduar me akuza më të rënda, duke vënë në pikëpyetje cilësitë e Adelës si mësuese dhe edukimin jo të përshtatshëm që mund t’u jepte ajo nxënësve, duke deklaruar se ajo t’i sillte fëmijët me probleme në shtëpi e nëse ajo do të ishte mësuesja e fëmijëve të saj, s’do të kishte ku të shkonte më keq.

[Kliton]

Lirita: Nuk pi cigare para prinderve

Të lodhur nga prova e javës që kanë filluar banorët më në fund kanë vendosur zhvendosen drejt oborrit për të pirë nga një cigare. Lirita thotë se zakonsht e pi cigaren, por nuk preferon që ta pijë në sytë e prindërve të saj. Madje ajo tregon se një komshie e kishte parë që pinte cigare në ballkon dhe i kishte treguar të ëmës, por ajo nuk i kishte thënë asgjë, ndoshta për faktin se që të dy janë duhanpirës. Më pas banorët flaisn për darkën. Por, duket se asnjë prej tyre nuk tregohet i gatshëm që të përgatisë ndonjë ushqim konkret, kështu që secili vendos të hajë atë ç’ka i pëlqen, duke mos lakmuar asgjë tjetër në kuzhinë, përveç gjellëve që mund të përgatisin në pak minuta. Adi dhe Bjordi përgatisin nganjë sanduic të vogël dhe e konsumpojnë secili për hesap të vet, në dy cepa të ndrysyme të shtëpisë, ndërkohë që pjesa tjetër e banorëve janë duke pirë cigare në venrandnë e shtëpisë së Big Brother.

Prova, permendesh 100 kuriozitete

Kanë kaluar dy ditë që banorët nuk po merren më me asnjë impenjim tjetër, prandaj edhe autorët i kanë dhënë 14 konkurnetëve provën e javës. Bëhet fjalë për 100 kuriozitete të cilat do të ndahen mes tyre dhe duhet që të mësohen përmendësh. Banorët tregohen të gatshëm për këtë provë, pasi nëse nuk e kalojnë buxheti do përgjysmohet. Adeljda sqaron se ata do të mësojnë të gjitha kuriozitetet vetëm në momentinkur bie gongu dhe jo më pas. Më pas ajo lexon edhe kuriozitetet, të cilat u duken të gjithëve shumë interesnate qe impenjohen se duke i ndarë të 100 mes tyre në menyre te barabarte do t’i mësojnë përmendësh. Pas disa minutash Dritani ben pyetje dhe banoret ngrene doren qe te pergjigjen, pe rte kuptuar sesi kane arritur qe t’i fiksojne ne pak kohe.

Pavaresia Kosoves, ngre ne kembe shtepine

Festa pothuajse sapo ka filluar pasi 14 banorët e shtëpisë më të famshme në shtëpi janë zhvendosur në oborr ku janë duke kërcyer dhe festuar pavarësinë e Kosovës. Situata ndizet më shumë në momentin kur dëgjohen këngët e grupit Elita 5, të cilat i ndezin adrenalinën banorëve. Republika gëzon që po dëgjon këngën e Alban Skënderaj, i cili është edhe artist i saj i preferuar, ndërkohë që Bjordi e sheh kaq të gëzuar dhe e përqafon. Festa vazhdon në shtëpinë e Vëllait të Madh, ku të gjithë nuk duan të ndalin së argëtuari në një vjetorin e pavarësisë së shtetit më të ri në Evropë.

Erjola: Mimoza une ste mbaj ne goje

Prej ditësh ato kanë qëndruar afër me njëra-tjetrën, por duket se gjithsesi fakti që Erjola është nominuar së fundmi, ka pasur një arsye më shumë që ajo të jetë më e larguar. Mimoza i thotë asaj se prej fillimit kur e ka takuar janë prezantuar mirë dhe i është dukur një tip shumë i urtë. “Erjola është zemër e pastër dhe nuk të mban në gojë”-thotë vajza nga Elbasani, për të hequr dyshimet e shoqes së saj, se ajo mund të flasë pas shpine. Ndërkaq djemtë vishen për të uruar pavarësinë e Kosovës, por nuk kane të gjithë rroba të kuqe. Bjordi bëhet gati, duke u veshur me të kuqe dhe të zeza, ndërsa Arjoni vishet me blu dhe të verdha, si ngjyrat e flamurit të Kosovës.

Agoni: Kam nevoje per nje femer

Agoni bisedon me Liritën dhe Erjolën në verandë. Ai thotë se meqënëse sot është festë ka nevojë që të ketë afër një femër, kurrsesi për të bërë seks, vetëm t’i qëndrojë afër atij. Në atë moment vjen edhe Arjoni dhe i konfirmon të njëjtën gjë djaloshit nga Kosova. Më pas afrohet Zhuljeta dhe Agoni i thotë se sonte me rastin e pavarësisë do të flenë bashkë vajzat dhe djemtë. Zhuljeta thotë se i vjen shumë keq, pasi ka vendosur që sonte të flerë e vetme në divan. Më pas Agoni rrefen se ka vendosur që kur të dalë nga Big Brother do të bëjë një tatuazh me të njëjtin emër, pra BBA2.

Bjordi: Do filloj shkollen e kinemase

Qetsori, Adi, Pavlini dhe Bjordi janë ulur të gjithë së bashku dhe po bisedojnë me njëri-tjetrin në lidhje me shkollimin. Bjordi thotë se pasi të dalë nga Big Brother do të ndjekë një shkollë kinemaje dhe Sori e përshëndet për këtë gjë, pasi fakti që tani është bërë person publik duhet ta ndihmojë në të ardhmen. Bjordi thotë se edhe më përpara ka pasur shumë dëshirë të ndjekë një shkollë arti në Shqipëri, por nuk ka pasur mundësi, por duket se pas kësaj eksperience ka vendosur që të ndjekë Akademinë e Arteve. Djemtë e tjerë thonë se edhe atyre u duhet që të mendojnë një shkollë tjetër, ndërsa Tani thotë se ai vetëm po të mendojë për ndonjë shkollë pasuniversitare, pais ka mbaruar disa cikle.

Lirita: Ne shtepi sdija te laja rrobat

Aida dhe Lirita flasin në verandën e shtëpisë mbi higjienën, por edhe punët e shtëpisë, të cilat janë duke i bërë në mënyrën më të mirë të mundshme, ashtu si ndoshta as që e kishin parashikuar. “Kur kam jetuar vetëm nuk kam ditur të laj apo te gatuaj, por këtu është ndryshe. I kam gjetur të gjitha gati ne shtepi nga mami dhe asnjëherë nuk kam menduar për gjë tjetër vetëm kur më vinin të gjitha gati”-thotë Lirita. Më pas të dyja vajzat kujtojnë njerëzit e tyre më të dashur, Aida kujton të atin, i cili ishte shumë i pastër dhe i kujdesshëm për pamjen e tij të jashtme, ndërsa vajza nga Kosova kujton gjyshen e saj më të cilën është rritur dhe ndan me të kujtime shumë të bukura në fëmijëri.

Erjola: Mimoza une ste mbaj ne goje

Prej ditësh ato kanë qëndruar afër me njëra-tjetrën, por duket se gjithsesi fakti që Erjola është nominuar së fundmi, ka pasur një arsye më shumë që ajo të jetë më e larguar. Mimoza i thotë asaj se prej fillimit kur e ka takuar janë prezantuar mirë dhe i është dukur një tip shumë i urtë. “Erjola është zemër e pastër dhe nuk të mban në gojë”-thotë vajza nga Elbasani, për të hequr dyshimet e shoqes së saj, se ajo mund të flasë pas shpine. Ndërkaq djemtë vishen për të uruar pavarësinë e Kosovës, por nuk kane të gjithë rroba të kuqe. Bjordi bëhet gati, duke u veshur me të kuqe dhe të zeza, ndërsa Arjoni vishet me blu dhe të verdha, si ngjyrat e flamurit të Kosovës.


Burimi: Top Channel