Ja 7 vendtakimet e gjumit me ushqimin

[ardona]

Ja 7 vendtakimet e gjumit me ushqimin
Nëse dëshironi të bëni një gjumë të qetë, mos konsumoni mish dhe mos pini kafe në darkë. Sipas lajmit të publikuar në revistën “Reader’s Digest”, për ripërtëritjen e trupit tuaj është i nevojshëm një gjumë i rregullt. Për të bërë një gjumë të qetë në darkë duhet të qëndroni larg ushqimeve të yndyrshme, mishit dhe kafesë.
Ja 7 vendtakimet e gjumit me ushqimin:

1. Ngrënia e tepërt ose ngrënia e pakët mund të prishë gjumin tuaj. Nëse hani diçka të shpejtë para se të flini kjo mund t’ju sjellë gjumë. Por ngrënia e tepërt pengon tretjen e ushqimit dhe ju largon gjumin.

2. Kafeina mund të prishë gjumin. Tek disa persona ushqimet apo pijet që përmbajnë kafeinë hapin rrugën e çrregullimeve të gjumit. Nëse dhe ju jeni të ndjeshëm ndaj kafeinës atëherë në darkë qëndroni larg ushqimeve apo pijeve me përbërje kafeine.

3. Hiqni dorë nga yndyrnat. Nëse në darkë konsumoni një gjellë të yndyrshme apo me mish, mund të keni probleme me tretjen dhe të përballeni me shqetësime të tjera si djegie stomaku. Për këtë arsye mund të mbeteni dhe pa gjumë.

4. Mos hani në orët e vona të natës. Personat që ankohen nga stomaku apo reflus duhet të qëndrojnë larg ushqimeve të rënda të cilat pengojnë boshatisjen e stomakut në orët e vona të natës. Nëse flini me stomakun plot atëherë kjo bëhet shkak i ngjitjes lart të acideve dhe ujërave të stomakut deri në ezofag. Ky fenomen shkakton më pas djegie dhe prish gjumin.

5. Konsumimi i lëngjeve para orarit të gjumit shkakton probleme të ndryshme. Për të mos u zgjuar shpesh natën për të shkuar në banjë pas darkës, qëndroni larg konsumimit të panevojshëm të lëngjeve.

6. Qumështi dhe mjalti lehtësojnë gjumin. Qumështi përmban amino acidin triptofan i cili sjell gjumë. Ndërsa triptofan shton sasinë e serotonit në tru i cili është një qetësues natyral. Prandaj para se të flini mos harroni të pini qumështin e ëmbëlsuar me një lugë mjaltë. Edhe karbohidratet lehtësojnë hyrjen e triptofanit në tru. P.sh., sanduiçi që përmban mish gjel deti është një bashkim i karbohidrateve dhe triptofanit që sjell gjumin. Edhe qumështi me banane mundëson vitaminën B6 e cila ndihmon në kthimin e triptofanit në serotonin.

7. Thuhet se shumë bimë popullore ndihmojnë për të pasur një gjumë të qetë. Më e përhapura është Valeriana. Nga studimet kuptohen veçoritë qetësuese të bimës. Përbërësit aktivë të rrënjës së bimës dobësojnë sistemin qendror nervor dhe çlirojnë indet muskulorë. Bima mund të përdoret si çaj ose si ilaç i lëngshëm. Por nuk këshillohet të përdoret në periudhën e shtatzënisë dhe gjidhënies. Bimë të tjera të cilat njihen si qetësuese dhe lehtësuese të gjumit janë kamomili, mendra, kulpra dhe melisa. Por nuk ekzistojnë shumë eksperimente shkencore të cilat provojnë dobishmërinë e këtyre bimëve.

start

[Nerti]

shume interesant ky publikim. faleminderit ardona.do te mundohem ti kem parasysh.