Zetabajt, njësia më e madhe matëse dixhitale

[ardona]

Zetabajt, njësia më e madhe matëse dixhitale
Madhësia e “universit dixhital” do të mbufatet aq shpejt këtë vit sa një njësi e re matëse – zetabajt – është shpikur për ta matur atë.

Prodhimi dixhital total aktual i njerëzimit qëndron te 8,000,000 petabajtë – secili përfaqëson një milion gigabajt – por këtë vit pritet t’i kalojë 1.2 zetabajtët. Një zetabajt është e barabartë me një milion petabajt, ose 1,000,000,000,000,000,000,000 bajtë individualë.

Madhësia aktuale e përmbajtjes së botës dixhitale është e barasvlershme me gjithë informacionin që mund të ruhet në 75 miliardë iPad të Apple, apo sasia që do të prodhohej nëse çdokush në botë do të postonte mesazhe në faqen e mikroditarit Twitter vazhdimisht për një shekull.

Rritja e shpejtë e “universit dixhital” është shkaktuar nga shpërthimi i rrjeteve shoqërore, videot në linjë, fotografia dixhitale dhe telefonat mobilë. Rreth 70 për qind e përmbajtjes dixhitale të botës është prodhuar nga individët, por është ruajtur nga kompanitë që e ndajnë në linjë si Flickr dhe YouTube.

Grafikët e fundit u publikuan në studimin vjetor të prodhimit dixhital botëror nga IDC, firmë konsultuese teknologjie. Studimi i parë, i cili u krye në 2007, përllogariti se universi dixhital ishte i barabartë me 161,000 petabajtë.

Adrian MacDonald, zëvendës president i EMC, firma TI që sponsorizoi studimin, tha: “Ka pasur një rritje vigane në llojin e medias që përbën universin dixhital.

“Një rritje kolosale në videon dhe fotografinë dixhitale – në të shkuarën njerëzit bënin vetëm një fotografi, tani ata nxjerrin 20 foto dhe në vend të ruajnë vetëm njërën, njerëzit i ruajnë të njëzeta. Dhe është edhe fakti se numri i pajisjeve ku informacioni mund të prodhohet dhe ruhet është rritur gjithashtu.” Si rezultat universi dixhital parashikohet të zgjerohet me një faktor 44 fish në dekadën e ardhshme, sipas studimit