“Shpija e Kosovës II” fillon në nëntor

[vaaldr1n]

Organizatorët e reality-show “Shpija e Kosovës” kanë filluar përgatitjet për edicionin e dytë, që pritet të fillojë në fund të nëntorit.
Burime të Telegrafit bëjnë të ditur se përgatitjet për edicionin e dytë të 'Shpija e Kosovës' tanimë kanë filluar. Organizatorët janë duke bërë ndryshime të mëdha si në pamjen e “shtëpisë” ashtu edhe në përmbajtje, ndërsa edicioni i dytë do të ofrojë aktivitete aktraktive si për banorët që do të jenë brenda shtëpisë ashtu edhe për shikuesit. 'Shpija e Kosovës II' pritet të fillojë në fund të nëntorit të këtij viti, ndërsa audicionet do të fillojnë në shtator, ku konkurrojnë qytetarë nga vendi, gjitha trojet shqiptare dhe nga diaspora.

Ndryshe, edicioni i parë i reality-show “Shpija e Kosovës” ka përfunduar në fillim të këtij viti, ndërsa fitues i 24 mijë eurove është zgjedhur Fadil Dini.