Google prezanton Voice Actions për Android

[vaaldr1n]

Telefonat e zgjuar mobil po shndërrohen çdo ditë e më shumë në thika zvicerane të cilat bartin me vete shumë funksione në të njëjtën kohë, thuhet në postimin e fundit në blogun e kompanisë Google.
Së fundmi, Googla ka prezantuar Voice Actions për Android, përkatësisht një seri të komandave me zë të cilat e kontrollojnë telefonin. Tani, nëse i flisni telefonit ju mund të bëni thirrje, dërgoni SMS ose email, të dëgjoni muzikë, ose edhe të kërkoni në internet.

Për t’i përdorur veprimet me zë të cilat i ofron Voice Actions, ju duhet vetëm që të klikoni dy herë mbi kutinë e Google për kërkim në internet në telefonin tuaj, ku më pas do të paraqitet një porosi e cila thotë “Speak Now”.

Momentalisht, këto funksione janë në dispozicion vetëm për ata që flasin anglisht, mirëpo gjithsesi pritet që Google të bëjë një zgjidhje edhe për pjesën e botës e cila nuk komunikon në këtë gjuhë.