Bieber përsëri në CSI

[vaaldr1n]

Producentët e serialit “CSI: Crime Scene Investigation”, kanë kërkuar nga tinejxheri Justin Bieber që të xhirojnë edhe një episod për një prej serialeve më të shikuara aktualisht në SHBA.
Ishte konfirmuar në korrik se 16 vjeçari do të luante rolin e një tinejxheri i cili po përballet me një vendim të tmerrshëm në lidhje me vëllain e tij dhe se ai episod do të shfaqej në shtator, në fillimin e sezonit të 11-të të serialit.

Por, bosët e serialit janë aq të kënaqur nga paraqitja e Bieber, sa që dëshirojnë ta kthejnë atë edhe për disa episode.

“Çdo 20 vite, një fenomen si Justin Bieber vjen në botën tonë. Neve na pëlqen të besojmë se fenomeni “CSI” ka pasur impakt të njëjtë në kulturën njerëzore. Rasti për t’i sjellë ata së bashku në premierë është një gjë shumë e mirë për audiencën dhe të gjithë shikuesit tjerë. Kjo do të jetë një ngjarje e vërtet televizive”, shkruan në një komunikatë të lëshuar nga producentët e “CSI”.