Supa te ndryshme per te gatuar

[EMAUS]

Supe me perime

Patatet, karotat, kungulleshkat, selinoja dhe mashurkat e njoma pastrohen e priten në copa kubike mesatare:
veç pastrohen bizelet e njoma kokërr.

Në tenxhere me yndyrë kaurdiset qepa, shtohen karotat, kungulleshkat, selinoja.
Pas kaurdisjes shtohen domatet e freskëta të grira hollë ose pak salcë. Në perimët e kaurdisura hidhet lëng mishi ose ujë i vluar dhe sa të marrin valën shtohen zarzavatet e tjera sipas kohës së zierjes.

Në fillim mashurkat e bizelet, pastaj patatet.

Supa lihet të ziejë 15-20 minuta, rregullohet me kripë, piper, fletë dafine dhe majdanoz të grirë hollë.
Në rast se bizelet e mashurkat nuk janë shumë të njoma, ato më parë duhet të ziejnë në ujë të vluar për disa minuta dhe pastaj t'i hidhen supës.

Për 4-5 persona duhen:

lëng mishi ose ujë 1.5 litra,
patate 2-3 kokrra mesatare,
karota 3-4 copë,
kungulleshka 1 copë,
bizele kokërr 1/2 gotë,
mashurka 8 copë,
selino 1 kokërr,
yndyrë 1 filxhan kafeje,
qepë 1 kokërr,
domate 2-3 kokrra ose salcë gjysmë luge,
kripë,
piper,
majdanoz,
dafinë.

[LAKJA]

Kete e vdes une

[EMAUS]

Çorbë orizi me gjoks dashi

Mishi i dashit ose i deles , mundësisht pjesa e gjoksit , pritet në copa kubike të vogla dhe vihet të ziejë.
Pasi të ketë marrë valë, hiqet shkuma dhe lihet të ziejë në zjarr të ngadaltë rreth 1 orë.

I shtohet oriz si dhe qepë të grira hollë. Ziejnë për 30 minuta të tjera derisa orizi të jetë gati.

Veçan, në një tigan me gjalpë, shtohet dhjamë dashi i prerë në copa të vogla, kaurdiset pak, shtohen domate të grira hollë, të pastruara nga cipa, ose salcë domatesh dhe spec djegës.
Tigani hiqet nga zjarri dhe përzihet me hudhra të shtypura.
Në këtë përzierje hidhet pak nga pak lëng supe dhe kur salca është gati hidhet në supë.

Supa vihet përsëri të marrë një valë dhe pas kësaj është e gatshme. Gjatë ndarjes në pjatë hidhet majdanoz e kopër e grirë imët.


Për 4-5 persona duhen:

mish dashi 300 g ,
oriz 3 lugë gjelle,
qepë 1 kokërr,
gjalpë 50 g, ose 1 lugë gjelle,
dhjamë dashi 50 g,
hudhra 3-4 thelpinj,
domate 2 kokrra,
spec djegës,
kopër,
majdanoz.

[daku323]

Emaus me duket se do me na nxjerr nga dieta!

[EMAUS]

Supë orizi me domate ose salcë

Në një tigan me gjaipë kaurdisen qepë të grira hollë derisa të zverdhen pak , pastaj hidhen domate të grira (të cilave u është hequr cipa) ose salcë domatesh , kaurdisen dhe 2-3 minuta të tjera dhe hiqen nga zjarri.

Në lëngun e mishit ose në ujë të vluar hidhet orizi i larë e i pastruar dhe pas 10 minutash vlimi hidhet kripa , perimet e kaurdisura dhe lihen në zjarr të javashëm për 15-12 minuta të tjera derisa supa të jetë gati. Në fund ajo rregullohet me majdanoz të grirë imët dhe piper të zi.


Për 4-5 persona duhen:

lëng mishi 1.5 litra,
oriz 4 lugë gjelle,
qepë 1 kokërr,
domate 2-3 kokrra ose gjysëm lugë gjelle salcë,
gjalpë 50 g,
kripë,
piper,
majdanoz.

[EMAUS]

Skam faj une, ti ishe ankuar ne nje postim qe pertojme ne te gatuajme , donit te hanit ju, hani tani

[LAKJA]

Emaus naze i ka Daku por te fshin ai

[EMAUS]

Supë magjerica

(kete gjelle e gatuajne shume ketu ne greqi per festen e Pashkeve, e kane tradicionale)

Kjo supë përgatitet me të brendshmet e bagëtive të imta, me përjashtim të plëncit. Nga koka dhe këmbët mund të përgatitet lëng, ndërsa në mungesë të tyre mund të përdoret lëng mishi i zakonshëm ose ujë.

Të brendshmet shpëlahen dhe përvëlohen me ujë të vluar, kullohen dhe priten në copa të vogla kubike.

Në tenxhere me gjalpë kaurdisen të bardhat e qepëve të njoma derisa të vyshken, por të mos marrin ngjyrë, shtohen të brendshmet, kaurdisen pak, shtohet lëngu i tyre dhe kur të marrë valë hidhet orizi i pastruar e i larë.

Supa lihet të ziejë derisa orizi të jetë gati, rregullohet me kripë, hiqet nga zjarri dhe pas 5-6 minutash pritet me vezë e limon.
Në fund të supës i hidhet kopër e grirë hollë dhe piper i zi i bluar.

Në qoftë se kemi lëng koke e këmbësh, atëherë ato pastrohen nga tuli i cili copëtohet dhe hidhet në supë.


Për 4-5 persona duhen:

të brendshme 250-300 g,
gjalpë 50 g, ose 1 lugë gjelle,
oriz 3 lugë gjelle,
qepë të njoma 2-3 copë,
vezë 1 kokërr,
limon 1/2 kokrre,
kopër,
piper i zi.

[Altin111]

Supat ju a kam fal Daku @ Lakja un dua gjoks pule

[ReniX]

Shume te nevojshme Emaus, flm

[kristimcs]

me shum nga te gjitha me pelqen ajo e para Me PERIME...esht shum e mir ,e kam provuar

[totra]

supe me veze e kos
marrim patatet i grijme ne kubike te vegjel ,te njejten gje bejme me qepen ,mishin e pules e pastrojme nga lekura dhjami dhe kockat dhe e presim ne copa te vogla i vejme kto te zijne kur e shofim qe mishi ka zjere shtojme vezet dhe kripen I perzjejme marrim kosin e hollojme me pak uje dhe ia hedhim supes e lejme edhe pak ne zjar te avashte dhe e shperndajme neper pjata siper hedhim majdanoz te grire holle Sipas deshires mund t'i hedhim siper leng limoni dhe piper po mua s'me pelqen qe kshu e lash me kaq
ps :mmmm vdes per ket supe eshte ilac sidomos kur je me grip dhe sidomos nuk ka yndyre te tepert dhe eshte organike Un per vete i urrej ato supat e mbyllura ne qese qe kan nji shije varja plus qe robi kur ha supe e ha se i bo mir shendetit dhe furnizo gjakun kurse ato jan gjith kimikate ku te japin shnet ato
shum me pelqejne edhe 2 supat e para

[ReniX]

Faleminderit totra,

Kjo supe qenka me shume se me veze dhe kos

dhe mua me pelqen shume supa, sidomos kur i hedh veze andej nga fundi me zjarrin e fikur!

[MAJDI]

uu sa supa te mire ketej duhet ti bejme dhe keto ne se na bejne mir