Investime te mëdha priten te bëhen ne Shqipëri!

[EMAUS]

Investime te mëdha priten te bëhen ne Shqipëri!



Nga Armand Maho

Zëdhënësja e qeverisë, Majlinda Bregu, tha dje se interesi i investitorëve të huaj për Shqipërinë është rritur, ndërsa numëroi disa investime strategjikë që pritet të realizohen në tregun e energjitikës, por dhe në atë bankar dhe të sigurimeve. “Vendimet e qeverisë, në këto dy muajt e fundit, që kanë të bëjnë pikërisht me këto investime në Shqipëri, janë më shumë se totali i të gjitha investimeve të kryera gjatë periudhës 1990 – 2006. Këshilli i Ministrave ka miratuar ndërtimin e hidrocentralit në kaskadën e Devollit, nga kompania e njohur austriake ‘EVN’, një investim ky që kushton rreth 1 miliard dollarë.

Një tjetër investim po kaq i rëndësishëm prej 150 milionë dollarësh është dhe rikonstruksioni i TEC-it të Fierit. Ofertat e ankandit për këtë projekt do të hapen në fillim të muajit shtator. Shumë kompani të tjera të mëdha botërore po tregojnë një interes të madh, gjithnjë në rritje për burime të tjera ujore të vendit për të investuar për një seri hidrocentalesh nga 1 deri 100 megavat”, - tha Bregu. “Janë paraqitur rreth 120 kërkesa për ndërtimin e këtyre hidrocentraleve të vogla, 28 prej të cilave kanë kaluar tenderin. Dy javë më parë, u nënshkrua kontrata për ndërtimin e linjës 400 kv Tiranë – Podgoricë. Kompania ‘ASG Power’ do të investojë në ndërtimin e një kompleksi energjitik me gaz natyral të lëngshëm në rajonin e Fierit, një investim që kap shifrën prej 300 milionë eurosh. Ndërsa javën që vjen qeveria do të vendosë për një tjetër investim të madh në fushën e energjitikës, ndërtimin e kabëllit nënujor që do të lidhë sistemin e transmetimit të Shqipërisë me atë të Italisë. Një projekt më shumë ky që synon qëllimin final, furnizimin pa limite të vendit me energji elektrike”, - vijoi më tej ajo.

Zëdhënësja e qeverisë tha se interes po tregohet dhe për kërkimin, nxjerrjen dhe prodhimin e naftës në Shqipëri.

“Në mbledhjen e fundit të saj qeveria shqiptare miratoi dy kontrata shumë të rëndësishme me kompanitë e mëdha të naftës “Medoil” dhe “Streamoil & Gaz Limited”, kompani këto që iu janë shtuar së fundi shoqërive të tjera që operojnë sot dhe që e kanë ndryshuar ndjeshëm prodhimin e naftës në vend deri ne 500 mijë tonë në vit.

Një tjetër investim i madh prej 250 milionë eurosh që nuk mund të mos përfshihet në këtë hartë investimesh të kompanive të huaja në Shqipëri, është edhe fabrika e çimentos “Antea Cement” në Fushë-Krujë, punimet për të cilën kanë filluar tashmë.

Javën që vjen qeveria vendos dhe për një tjetër investim të madh të këtij lloji, ndërtimin e fabrikës së re të çimentos në Fushë-Krujë nga kompania spanjolle "Cementos Aguila sh.p.k." me një vlerë prej 250 milionë eurosh”, - tha Bregu.

Sistemi bankar

“Tregues të qartë për pozicionin solid financiar që Shqipëria prezanton në këto kohë janë dhe investimet e dy bankave të mëdha që kanë hyrë tashmë në rrjetin tonë bankar.

Banka franceze “Societe Generale” bëhet aksionere kryesore e Bankës Popullore Shqiptare, duke garantuar kështu ndikim të madh në zhvillimin e mëtejshëm të sistemit bankar në Shqipëri.

Ndërsa Grupi San Paolo IMI që është vlerësuar maksimalisht në tregun ndërkombëtar ka blerë 80 për qind të aksioneve të Bankës Amerikane të Shqipërisë.”

Tregu i Sigurimeve

“Investime janë bërë gjithashtu dhe në tregun e sigurimeve shoqërore. Kompania greke “Aspis” ka blerë aksione të kompanisë së sigurimeve shoqërore “Interalbania”. Ndërsa kompana austriake “Unikas” ka blerë aksionet e “Sigal”. Këto investime e shumë të tjera që janë në përfundim e sipër ose që kanë mbërritur në fazën e dorëzimit nëpër agjenci të ndryshme për shqyrtim, por që janë bërë gjithsesi pjesë e këtij volumi të madh investimesh në Shqipëri, kapin shifra prej miliarda eurosh.”

Gazeta Tema.

[daku323]

Investime te medha priten te behen ne shqiperi! Shyqyr se i doli edhe buka e gojes qeveritareve! (se 20% te investimit e marrin ata)

[EMAUS]

Epo keshtu e kane keto pune, vecse uroj te perfitoj edhe dicka populli nga keto.

[daku323]

Po emaus, si tek rruga Durres - Kukes! Une nuk kam besim fare tek keta pl....!

[PoLiGrAfIkSi]

cfar einvestimesh ne shqiperi un kom i mikun time eshte superbusnesmen ka nje nga 6 kompanite me te medha dhe me cilesore ne tirane dhe po kerkon te iki nga shqiperia per punen e korrupsionit.

[daku323]

Poligrafiks! Do te tregoj nje histori te vogel qe shume mund ta dine!

Takohen ministri yne i transportit me homologun e tij Italian ne Itali! Ky i joni mrekullohet nga vila dhe lluksi ku jetonte Ministri Italjan dhe e pyet: "Ku i ke gjet gjith keto para?"
Italiani ia kthen: "E shikon ate superstraden aty? Ishte per tu bere me kater korsi per krah dhe une e bera me tre. Nje korsi e futa ne xhep"
Pas disa kohesh, vjen Ministri Italian ne shtepine e ketij tonit dhe mrekullohet! E pyet: "Po ti ku i gjete gjithe keto para kaq shpejt?"
Ky i joni ia kthen: "E shikon ate uren gjigante atje tej?"
"Jo" I thote Italiani
"Po nuk ke si ta shohesh se e futa te gjithe ne xhep" -thote ky mavria jon!

Kjo eshte tip barcalete por arrin te dale e vertete deri diku! Besoj se e kupton moralin!

[EMAUS]

Sa per te qeshur aq dhe e tmerrshme eshte.

Nje gje e ngjashme me autostraden ka ndodhur dhe ketu ne greqi.

Te gjithe njesoj jane.

[daku323]

Ore te morin se nuk bohet qameti! Po jo 50 milion euro vetem nga investimi per nje rruge! Eshte skandal! Me aq para mund te ndertohen 50 shkolla!

[ReniX]

po 50 milion ata sti marrin as per nje rregullim te shkollave, jo me per ndertim.

Cfare leku xhiron ne keto tendera nuk e ke iden, te ikin mendja e kokes.

Cdo qeverri dhe cdo vjet nxjerrin "ide" te reja keta per investime, por te gjtha ven ne vesh te shurdher.

gjithesesi jetojm me shpres se nje dite...

[PoLiGrAfIkSi]

edhe ketu ne usa po jo aq haptasi dhe pa turp sic behet atje.

[daku323]

Po ketu jane te etur more shoku se nuk kon pa ndonjehere miliona euro!