Beta IE 9 shkarkohet gjashtë milionë herë

[vaaldr1n]

Gjatë dy javëve qëkur Microsoft ka lansuar versionin testues të shfletuesit të vet të internetit, ai është shkarkuar gjashtë milionë herë.

Kanë kaluar dy javë qysh se Microsoft ka lansuar versionin beta të shfletuesit Internet Explorer 9, e tani arrijnë edhe të dhënat e para për pranimin e tij të mirë nga përdoruesit.

Kompania ka njoftuar se versionin testues të shfletuesit e kanë marrë gjashtë milionë përdorues. Krahasuar me versionin eksperimental të Internet Explorer 8, ky rezultat është dy herë e gjysmë më i mirë, janë lavdëruar në Microsoft.

Nga risitë që ky shfletues sjellë veçohen ndryshimet në konfiguracionin e tij, por edhe ato më të thella si JavaScript engine i ri.