Pakoja familjare e Windows 7, rikthehet sërish në treg

[vaaldr1n]

Në një blog post të bërë gjatë ditës së djeshme Microsoft ka bërë të ditur se ka rikthyer sërish në treg ofertën Windows 7 Family Pack.

Pakoja me vlerë prej 149 dollarë, u mundëson përdoruesve që të avancojnë deri në 3 kompjuterë me versionin Windows 7 Home Premium, dhe përveç kësaj kjo pako po ofrohet për herë të dytë me radhë. Ajo fillimisht u paraqitur kur Windows 7 u lansua vitin e kaluar.

Ashtu si edhe më parë pakoja familjare Windows 7 përfshin përditësimet, jo instalimet e plota të sistemit, kështu që kush blenë pakon duhet të ketë veçse në posedim një kopje legjitime të Windows XP apo Vista, të gatshme dhe të instaluar në sistemin e tyre.

Për krahasim, një kopje e vetme e një versioni përditësues e Windows 7 Home Premium kushton 119 dollarë. Sipas Microsoft, pako familjare do të ofrohet në treg për aq sa do të ketë kopje në stok. U deshën vetëm disa muaj që të shpenzohet magazina kur për herë të parë Microsoft ofroi pakon vitin e kaluar.

Pako familjare Windows 7 ofrohet në një numër shtetet, duke përfshirë SHBA-në, Kanadanë, Kinën dhe shumicën e Evropës. /pcworld.al