Google sjellë më shumë detaje rreth Google TV

[vaaldr1n]

Google ka shpalosur disa detaje të reja gjatë ditës së sotme rreth Google TV, duke lansuar një faqe shikimi paraprak para se të ndodh ngjarja e lansimit pas dy javësh.

Qysh prej se u paraqit si projekt në maj të këtij viti në konferencën e zhvilluesve Google I/O, çdo gjë që u tha ishte se Google ka plane që të paraqitet në ekrane në dhomë të ndejës. Por tani Google ka paraqitur disa detaje të reja rreth asaj sesi do të duket Google TV, kur do të paraqitet këtë muaj në faqen e saj të re. Google gjithashtu ka shfrytëzuar rastin që të bëjë të ditur se partnerët e përmbajtjeve që kanë vendosur të optimizojnë ueb faqet e tyre me softuerin janë në mes tjerash edhe Turner Broadcasting, NBC Universal, HBO dhe National BasketBall Association.

Google TV është një kombinim i harduerit të ndërtuar nga partnerë si Logitech dhe Sony, dhe prej softuerit të zhvilluar nga Google që është dizajnuar të përziej ueb eksperiencën me eksperiencën e televizionit, diçka që kompanitë teknologjike kanë tentuar të bëjnë dekadën e fundit. Pajisjet në fjalë pritet të arrijnë në treg këtë muaj, dhe Logitech veçse ka rezervuar një konferencë për media ditën e mërkurë kurse Sony do të mbaj konferencën e vet gjatë javës së ardhshme.

Përveç ueb shfletimit dhe shikimit në ekran, përdoruesit e Google TV gjithashtu do të jenë në gjendje të shkarkojnë aplikacione për TV-të. Twitter ka paralajmëruar një aplikacion të këtillë gjatë ditës së sotme, dhe Google ka thënë se Pandora e Napster gjithashtu pritet të ofrojnë aplikacione për Google TV.

Do të jetë interesante të shihet sesi Google TV do të vazhdojë të rritet. Kur Apple langoi iPhone, një prej pikave kryesore të shitjes ishte aftësia e tij për të shikuar ueb faqe sikurse në PC apo Mac. Megjithatë, përmbajtjet e dizajnuara për ekrane të mëdha nuk do të thotë se funksionojnë domosdoshmërisht në ekranet e vogla të pajisjeve, kështu që ueb zhvilluesit kanë krijuar edhe shumë faqe që janë vetëm për shfletim mobil dhe kanë zhvilluar aplikacione që sjellin përvojën më të mirë.

Me Google TV gjërat do të jenë paksa më ndryshe, për shkak se shikimi do të jetë në një ekran më ët madh. Por media kompanitë tani po gjejnë vetën të sfiduar me përkrahjen e tre ekraneve të ndryshme: celularë, desktop dhe televizor, kështu që tentimet e tyre të zhvillimit janë duke u bërë edhe më të popullarizuara.

Një detaj i rëndësishëm që ende mbetet i panjohur është çmimi. Nëse do të ketë ndonjë lajm ne do t’ju njoftojmë me kohë. /pcworld.al