Bashkëthemeluesi i Twitter jep dorëheqje nga detyra e shefit ekzekutiv

[vaaldr1n]

Bashkëthemeluesi i Twitter, Evan Williams do të largohet nga detyra si shef ekzekutiv i kompanisë, dhe në vend të tij COO Dick Costolo do të marr udhëheqjen si shef i ri ekzekutiv i rrjetit më të madh në botë për mikro-blogging.

Para një viti para se të bashkohej me Twitter, Costolo ishte themelues dhe CEO i shërbimit për media shpërndarje Feedburner, që ishte blerë më pas nga Google. Duke promovuar Costolo-në, Williams është shprehur në një blog post se do të ketë më shumë kohë që të jetë i fokusuar në strategji të produkteve. “Ndërtimi i gjërave është pasioni im, dhe unë nuk kam qenë asnjëherë më i emocionuar apo më optimistë në lidhje me atë që ne kemi ndërtuar” tha Williams.

Costolo ka shtuar se ai dhe Williams janë partnerë të përkryer biznesor. “Ai shikon gjërat në një pikëpamje shumë të gjerë dhe mendon shumë në lidhje me strategji të produkteve dhe vizion të tyre” tha Costolo pë CNNMoney.com në një intervistë. “Unë jam ai tipi që them se ja ku janë gjërat që duhet t’i bëjmë çdo ditë, dhe kjo është ajo që duhet të bëjmë për nesër dhe kjo është mënyra sesi ne duhet ta masim atë lëvizje të avancimit. Pra shkurt është bukur kur ne jemi duke punuar së bashku”.

Gjatë muajve të fundit, Twitter ka paraqitur një numër të madh të ndryshimeve në sistemin e saj katër vjet të vjetër. Të hënën, vetëm disa orë para se të emërojë CEO i ri, Twitter lansoi llogaritë e “promovuara”, që përdorin një algoritëm për të lidhur reklamuesit me pëdouresit.

Në shtator u paraqit një Twitter i ri që i lejon përdoruesit të ngulisin foto dhe imazhe me cicërimat e tyre. E në mes tjerash Twitter i ri, që gradualisht po fiton përdorues të rinj, gjithashtu ka edhe një shirit anësor që tregon më shumë informata për përdoruesit, kur ata klikojnë një cicërim.

Costolo, që veçse ka një hash tag, #newtwitterceo, me titullin e tij të ri – ka thënë se është koha ideale që ai të paraqitet në rolin e ri në Twitter. Kompania tani ka 300 punëtorë dhe 165 milion përdorues të regjistruar, dhe hedh 90 milion cicërima në ditë.

“Ekipi është i shkëlqyer, ne kemi gjëra të mahnitshme për të paraqitur në treg dhe jemi gati për të kompletuar shumëçka gjatë viteve të ardhshme” tha Costolo në një deklaratë të shkruar. /pcworld.al

[ReniX]

Shume te zgjuar te dy keta tipat, me pare me blogspot tani me suksesi me twitter... te shofim me tej!