Mungesa e gjumit provokon ankth dhe depresion

[ReniX]

Fjetja jo e mirë gjatë disa netëve mund të sjellë çrregullime të ndryshme si ankth ose depresion, njoftuan burime mjekësore norvegjeze.




''Pagjumësia kronike mund t’i paraprijë zhvillimit të ankthit dhe po ashtu, mund të nxitë depresionin'', thuhet nga disa studime të Universitetit norvegjez të Haukelandit, që u publikuan në edicionin e fundit të revistës mjekësore "Sleep".
Sipas studiuesve, pagjumësia kronike është ndjenjë subjektive e të pasurit probleme me gjumin ose me fjetjen e paqëndrueshme gjatë shumicës së netëve për së paku një muaj.
Studiuesit kanë gjurmuar depresionin, ankthin dhe pagjumësinë në më shumë se 25 000 norvegjezë të rritur.
Gjatë studimit të parë, hulumtuesit kanë përjashtuar pjesëmarrësit me ankth ose depresion dhe kanë analizuar vetëm ata që kanë pagjumësi.
Njerëzit, të cilët kishin patur pagjumësi kronike, gjatë studimit të parë ishin pjesërisht të prirë ndaj sëmundjeve të lidhura me ankthin.
Por, nga studimet doli edhe se pagjumësia kronike nuk parashikon paraqitjen e depresionit. Njerëzit me pagjumësi, gjatë studimit të parë nuk kanë qenë të prirë të shfaqin shenja depresioni gjatë studimit të dytë.
Megjithatë, kjo nuk do të thotë se depresioni dhe pagjumësia nuk janë të lidhura.
Njerëzit me pagjumësi kronike krahasuar me njerëzit pa pagjumësi, ishin më të prirë të kishin ankth ose depresion.
Lehtësimi i pagjumësisë mund të ndihmojë në parandalimin e zhvillimit të çrregullimeve të lidhura me ankthin.

Sa ore flini ne dite?

(burimi BalkanWeb)