Samsung Omnia 7 del më herët në treg!

[vaaldr1n]

Windows Phone 7 është lansuar sot, por në të njëjtën kohë në kundërshtim me atë që tha sot Steve Ballmer në lidhje me debutimin në muajin e ardhshëm të celularëve të bazuar në këtë sistem operativ, Samsung sot në Evropë paraqiti për treg celularin Omnia 7 që bazohet në këtë platformë të re mobile.

Suksesi i këtyre celularëve që po i shihni nëpër mediat anembanë botës do të varet gjithsesi nga sistemi i ri operativ nga Microsoft, por një gjë është e sigurt se hardueri nuk do të jetë ai që do të dëshpërojë.

Omnia 7 ka një procesor 1GHz Qualcomm (i njëjti model QSD8250 që është edhe në Google Nexus One), pastaj ka një ekran 4 inç AMOLED me rezolucion 800 x 480 piksela, kamerë 5 megapikselëshe me autofokus që gjithashtu është në gjendje të kap video 720p në format H.264 dhe WMV dhe gjithashtu ka edhe A-GPS për navigim.

Bateria do të mjaftojë për 13 ditë standby (3G) dhe për 6 orë bisedë non-stop, kurse koha që mban bateria nëse shikohen video nuk është bërë e ditur. Gjithashtu ka FM Radio, harta dhe kërkim, që jobefasisht fuqizohen nga Bing.

Specifikat padyshim që tingëllojnë mirë por nuk dallojnë prej ndonjë celulari të mençur që ka sot në treg. Sekreti natyrisht do të jetë jo te hardueri por tek softueri Windows Phone 7, që integron edhe veçoritë sociale dhe ofron përditësime të vazhdueshme nga Twitter dhe Facebook, si dhe sinkronizim me të gjitha përmbajtjet dhe me kontaktet tuaja online, përmes rrjetit Wi-Fi.

Nëse Microsoft ka bërë punë ashtu si duhet me këtë sistem operativ gjërat mund të shkojnë shumë mirë, madje edhe në nivele të shkëlqyera. Mos harroni se ka gjasa që dikush matanë oqeanit të intervenojë këndej dhe të largoj prej tregu celularin e Samung para se ai të debutoi, kështu që ende duhet konfirmuar lajmin. Për ndonjë ndryshim do t’ju njoftojmë. /pcworld.al

[MAJDI]

Dhe Samsung po ecen goxha !