Zyrtare: HTC HD7 bazohet në Windows Phone 7

[vaaldr1n]

Për një kohë të gjatë, ne kemi dëgjuar për telefonin e mençur të HTC-së i cili do të bazohet në sistemin më të ri operativ të Microsoft, Windows Phone 7.

Tani, ky model i telefonit është prezantuar edhe zyrtarisht, ndërsa janë bërë të ditura të gjitha detajet dhe funksionet e avancuara të këtij telefoni.

HTC HD7 posedon ekranin e ndjeshëm në prekje me 4.3 inç, kamerë me 5 mega-piksel e cila incizon video në standardin HD, me 720p. Siç thuhej edhe më herët, procesori i këtij telefoni vjen me kapacitet prej 1GHz.

Specifikat tjera të HTC HD 7 përfshijnë edhe 16GB hapësirë të brendshme të magazinimit, ndërsa telefoni do të dal në shitje gjatë muajit nëntor, fillimisht në Shtetet e Bashkuara të Amerikës, përmes operatorit mobil T-Mobile.

Për momentin, kompanitë të cilat e shesin këtë telefon nuk kanë dhënë asnjë detaj lidhur me çmimin e këtij modeli të shumë-pritur.