Samsung sjell modelin e telefonit Galaxy Europa i5500

[vaaldr1n]

Modeli më i ri i telefonit i emërtuar Samsung Galaxy Europa i5500, është një telefon i lirë Android i cili vjen me versionin e parafundit, Android 2.1, ndërsa telefoni posedon edhe shumë karakteristika të tjera interesante.

Galaxy Europa është një telefon me ekran prej 2.8 inç, ndërfaqe QVGA dhe rezolucion prej 240 x 320 pikselë.

Në këtë telefon gjendet edhe kamera me dy mega-piksel me LED ndriçues, ndërsa telefoni peshon vetëm 102 gram dhe përmban dimensione prej 56 x 108 x 12.3mm.

Specifikat tjera të Galaxy Europa gjithashtu përfshijnë edhe MP3 Player të integruar brenda, audio-port 3.5mm, mikroUSB port, procesorin me 600MHZ, lidhjet WiFi dhe 3G.

Mirëpo, modeli më i ri i telefonit - Samsung Galaxy Europa përfshin edhe karakteristika tjera të Google, si Google Maps, Google Mail, YouTube, Android Market, FM radio dhe Samsung Apps.