Google e Bing vazhdojnë të rriten

[vaaldr1n]

Google e Bing vazhdojnë që nga pak të pushtojnë tregun amerikan të kërkimeve të internetit në kurriz të Yahoo, tregojnë të dhënat më të reja statistikore nga kompania ComScore.

Përqindja e kërkimeve të Google në muajin shtator është rritur për 0.7 pikë përqindje krahasuar me gusht dhe tani mbanë 66.1% të tregjeve në SHBA. Në të njëjtën kohë, Microsoft Bing ka bërë për vete 0.1 pikë përqindje dhe është ngritur në 11.2% të tregjeve, derisa Yahoo, e cila ende mban vendin e dytë, ka rënë për 0.7 pikë përqindje, në 16.7% të tregut.

Shifrat e ComScore marrin parasysh të gjitha mundësitë e kërkimeve të kompanive të veçanta. Për shembull, në rastin e Google, rezultatet përfshijnë kërkimet në faqen kryesore të Google, si dhe në YouTube, Google News, Google Images si dhe të gjitha faqet tjera zyrtare të kompanisë.