Facebook ruan fotografitë dhe bisedat e fshira

**vaaldr1n** · 18-10-2010, 11:03 AM

Fotografitë e fshira dhe muhabetet e mëparshme me miq mbesin të regjistruara në serverët e rrjetit për shoqërim, shkruajnë mediet amerikane.

Drejtoria e portalit Facebook po sheh kiametin me largimin e fotografive të cilat përdoruesit fshijnë nga profilet e tyre. Fotografia nuk shihet në profil, por mbetet në dispozicion në internet me anë të lidhjes së saktë URL. Kështu fotografitë “e fshira” të mbi 500 milionë përdoruesve janë edhe më tutje në serverët e këtij rrjeti ekstra të popullarizuar.

“Aktualisht jemi duke punuar në përmirësimin e serverëve për vendosjen e këtyre përmbajtjeve, dhe shpresojmë se fotografitë dhe video incizimet do të mund të fshihen përherë pak kohë pasi që ato të janë fshirë nga përdoruesit”, ka thënë zëdhënësi i Facebookut Simon Axten.

Edhe përdoruesit e veglës për komunikim të çastit të rrjetit Facebook e kanë problemin e ngjashëm, sepse më nuk ekziston opsioni i fshirjes së historisë së bisedës. Ani pse ka ekzistuar opsioni “Delete history” që prej lansimit të programit në prill të vitit 2008, në veglën e re ky opsion nuk ekziston.

Shul shqip, nëse doni të fshini apo fshihni ndonjë bisedë nga njerëzit të cilët ndoshta përdorin kompjuterin tuaj, kot e keni.