Zbulohen detajet e Android 3.0?

[vaaldr1n]

Sipas asaj që thuhet në Phandroid, disa nga detajet e versionit të ri të sistemit operativ për pajisjet mobile, Android 3.0 Gingerbread tashmë dihen, ndërsa faqja e dedikuar për të gjitha risitë për këtë sistem operativ ka publikuar disa prej tyre.

Duket se Android 3.0 Gingerbread do të përfshijë një ri-dizajnim të plotë sa i përket grafikës, ndërsa shumica e ikonave ekzistuese do të kenë një dizajn të ri, i cili do t’i jap faqes një pamje më të thjeshtë dhe më të pastër.

Një funksion i ri në Android 3.0 Gingerbread është edhe video-chat, dhe i njëjti pritet të jetë ndër pjesët më të rëndësishme të këtij versioni të ri të sistemit operativ.

Përveç tjerash pritet që në këtë version të ri të mundësohen edhe thirrjet në VoIP, duke përdorur shërbimin Google Voice.