Sëmundjes së depresionit i vjen fundi?

[vaaldr1n]

Shkencëtarëve iu ka shkuar ndoresh që te mijtë e laboratorit të përmirësojnë një gjen, i cili ka lidhje të fuqishme me paraqitjen e depresionit te njerëzit. Sjellja jonormale e minjve, të cilët nuk e kanë atë gjen në pjesën e trurit, është ndalur pasi minjve u janë injektuar virusin në formë të modifikuar.
Hulumtimi i trurit të pacientëve që nuk janë më në jetë, ka treguar për mungesën e sasive të duhura të materies p11 në pjesën e turit që quhet nucleus accumbens. Ky gjen mendohet të jetë rregullues i dyzimit kimik serotoninë, i cili ndihmon në mbikëqyrjen e disponimit tonë, apetitit dhe fjetjes.
Dr. Michael Kaplitt, nga qendra hulumtuese Weill Cornell, një prej udhëheqësve të këtij kërkimi, thotë se “potencialisht është gjetur mënyra e re e shërimit të asaj që shkakton depresionin te njeriu”. Terapia e re do të mund të ndihmonte sidomos te njerëzit që vuajnë nga depresioni i avancuar, kur nuk ndihmojnë as ilaçet.
Sipas këtyre shkencëtarëve, virusi me p11 duhet të injektohet direkt në pjesën e përmendur të trurit nucleus accumbens, sepse p11 ka role të ndryshme në pjesë tjera të trurit. Kjo do të thotë se pacientit duhet t’i hapet një vrimë në kafkë dhe pastaj gjilpëra të depërtojë deri në pjesën e duhur të trurit për injektim.
Mirëpo, opinioni i një pjese të mjekëve nuk është i njëjtë. Disa sish mendojnë se një metodë të tillë nuk duhet përdorur as tash as në të ardhmen. Mirëpo, profesori Alan Kingsman, i cili aplikon teknikën e injektimit në tru për kurimin e sëmundjes së Parkinsonit, thotë se nuk duhet hedhur mundësinë e tillë për shërimin e depresionit. Sipas tij, përdorimi i teknikës së tillë për shërimin e depresionit bëhet vetëm një herë në jetë, për dallim nga metoda e tashme kur pacienti duhet të marrë ilaçe tërë jetën, përkatësisht një periudhë të gjatë kohore.