Google lanson Nexus Two në Evropë?

[vaaldr1n]

Gjatë muajit qershor të këtij viti, Google pati thënë se nuk ka plane për lansimin e gjeneratës së re të telefonit të saj të mençur, Nexus One.

Mirëpo tani thuhet se Google do ta lansojë modelin e ri të telefonit të saj të mençur, Google Nexus Two në Evropë, para Krishtlindjeve.

Për më tepër, thuhet se Google do ta lansojë Nexus Two me një marrëveshje ekskluzive me shitësin me pakicë, Carphone Warehouse dhe Vodafone, ndërsa bëhet e ditur se ky telefon nuk do të shitet nga asnjë ofrues tjetër i telefonave të mençur mobil.

Lansimi i Nexus Two shihet si një lëvizje e çuditshme e kompanisë Google, ndërsa mendohet se me këtë telefon, Google synon të depërtojë më fuqishëm në industrinë e telefonave mobil, krahasuar me modelin paraprak – Nexus One. / Telegrafi /