Platformë reklamuese mobile nga Adobe

[vaaldr1n]

Adobe në bashkëpunim me kompanitë e specializuara për reklamim zhvillon platformë të re për reklamim në pajisjet mobile.

Adobe ka njoftuar se në bashkëpunim me disa kompani të specializuara për reklama digjitale është duke punuar në platformën e re për reklama mobile të cilat do t’i bazojë në Flash e HTML5.

Ky bashkëpunim do të duhej të definojë dy formate të emëruara FS-microsite e FS-video të cilat shfaqen nëpër tërë ekranin. Në pajisjet të cilat mbështesin Flash Player 10.1 reklamat do të shfaqen në Flash, derisa për të gjitha tjerat do të konvertohet në formatin HTML5. Ani pse para së gjithash është i dedikuar për telefonat e mençur mobil, formati i ri i reklamave do të duhej të zgjerohej edhe në kompjuterë tablet si dhe pajisje tjera.

Në Adobe theksojnë se me mbështetjen për Flash ofrojnë alternativë për formatin iAd të Apple i cili nuk e ka këtë mundësi, e në të njëjtën kohën mundësojnë konvertimin automatik të reklamave në formatin HTML5 për pajisjet të cilat nuk mbështesin Flash.

Po ashtu theksohet se formati i tyre i reklamave do t’u jap agjencive reklamuese më shumë mundësi më të mëdha për udhëheqjen e pamjeve dhe zhvillimin e reklamave të tyre krahasuar me iAd e cila është nën kontroll të rreptë të Apple. /Telegrafi/