Novell shitet për 2.2 miliardë dollarë

[vaaldr1n]

Novell ka njoftuar se kompania do të shitet në dy pjesë nëpërmes punës komplekse me vlerë të përgjithshme prej 2.2 miliardë dollarësh.

Pjesa dërmuese e Novell do t’i shitet kompanisë Attachmate Corp, e specializuar për softuerë që lidhen me menaxhimin e hapësirave për ruajtje të dhënave. Attachmate do të paguajë 6.10 dollarë për secilin aksion të Novell, që është pak më shumë se çmimi i fundit i aksioneve në bursë, mirëpo edhe 28% më shumë se çmimi i aksioneve në treg në fillim të muajit mars kur Novell ka refuzuar ofertën për blerje të kompanisë nga ana e kompanisë private për investime Elliott Management.

Çmimi real të cilin Attachmate do të paguajë për Novell është rreth 650 milionë dollarë kur të merren parasysh afërsisht një miliard dollarë para të thata sa Novell ka në llogaritë e saja bankare dhe 450 milionë dollarë nga shitja e patentave.

Në fakt, në kuadër të marrëveshjes për blerjen Microsoft do të duhej të blejë patentat e Novell për 450 milionë dollarë. Po ashtu theksohet se Elliott Management, ofertën e të cilit Novell e kishte refuzuar më herët, do të duhej të merrte një pjesë të paspecifikuar në Attachmate.

Pas blerjes së kompanisë, Attachmate ka për qëllim të udhëheqë Novellin nëpërmes dy njësive, Novell dhe SUSE Linux, të ardhurat vjetore të cilave do të duhej të ishin afro rreth një miliard dollarë. /Telegrafi/

[ReniX]

Cfare shifre wow