iPad është dhurata më e mirë

[vaaldr1n]

Rreth 31 për qind e fëmijëve amerikanë të moshës midis gjashtë dhe 12 vjeç, thonë se do të dëshironin që për Krishtlindje të merrnin si dhuratë tabletin e Apple - iPad, thuhet sipas një studimi të kryer nga kompania kërkimore Nielsen.

Sipas anketës, disa nga kompjuterët ose ndonjëri nga modelet e iPod dëshirohen nga 29 për qind e fëmijëve në SHBA, ndërsa 25 për qind e tyre do të dëshironin që të merrnin si dhuratë konzolën e famshme Nintendo me video-lojëra të ndryshme.

Në mesin e adoleshentëve të moshës 13 deri 19 vjeç në krye të listës me dëshira janë kompjuterët (me rreth 20 përqind), të ndjekur nga TV e sheshtë dhe telefonat e mençur (me përqindje të barabartë, rreth 19 për qind), ndërsa lexuesit dixhital të librave janë në vendin e gjashtë me 15 për qind. /Telegrafi /