Microsoft feston 25 vjetorin

[vaaldr1n]

Para 25 viteve, Bill Gates pronari dhe themeluesi i kompanisë Microsoft, e pati prezantuar në publik sistemin e saj të parë operativ. Sot, më shumë se 90 për qind e kompjuterëve personal përdorin pikërisht sistemin operativ të kësaj kompanie.

Windows 1.0 shitej për një çmim prej 99 dollarësh, ndërsa për këto para blerësit merrnin ndërfaqen grafike, e cila ishte ndryshuar njëherë e përgjithmonë.

Versioni i dytë i këtij softueri ishte paraqitur dy vjet më vonë, në dhjetor të 1987, dhe më pas kanë vazhduar versionet tjera, të cilat ne i kemi parë gjatë tërë këtyre viteve.

Ideja fillestare e këtij sistemi të ri operativ ka qenë që t’ua mundësojë përdoruesve që të shfletojnë vetëm përmes mausit dhe tastierës kompjuterike, si dhe të punojnë në disa aplikacione njëkohësisht.

Mirëpo, softueret e para të Microsoftit nuk ishin pranuar menjëherë nga përdoruesit. Ishte versioni i tretë i cili ishte paraqitur 10 vite më vonë, ai i cili zgjoi kureshtjen dhe interesimin e madh tek përdoruesit e kompjuterit, i cili madje ishte shitur në 10 milion kopje. / Telegrafi /