Maserati planifikon konkurrentin e Cayenne

[vaaldr1n]

Sipas pohimeve të Fiatit, e tani edhe shefit të Chryslerit Sergio Marchionne, Maserati në të ardhmen e afërt ka për qëllim të ofrojë modelin SUV.

Do të bëhet fjalë për konkurrentin e Porsche Cayenne, i cili përkundër dyshimeve fillestare se mund të dështojë, tani po bëhen disa vjet që po e mban shitjen e shkëlqyeshme.

Ndryshe, një lajm i ngjashëm kishte arritur më herët në lidhje me Alfan, e cila do të duhej të shërbehej me platformën e Jeep Grand Cherokee si dhe së shpejti modelin e saj SUV, i cili së bashku me Giulian (trashëguesin e modelit 159) do ta thyej akullin në tregun amerikan.

Maserati i ri gjithashtu do të duhej të bazohej në platformën e njëjtë, e supozohet se para së gjithash bëhet fjalë për një produkt të zhvilluar për klasat M, R e GL të Mercedes në kohën kur Daimler e Chrysler ishin bashkë. Sa i përket motorizimit Marchionne me qejf do të shihte ne Maseratin e ri motorët aktual nga oferta, respektivisht motorët V8 të Ferrarit me benzinë.

Data e pritur e daljes në treg tani për tani nuk dihet.