Lajmet me te fundit nga Shqiperia!

[EMAUS]

“Fluturon” nga kati i 7-te

E Marte, 16 Tetor 2007

Nje grua 47 vjece, banore e lagjes “Kastriot” te Fierit, u vetevra pasditen e djeshme duke u hedhur nga kati i shtate i banimit ku ajo jetonte. Tatjana Malaj, nene e tre femijeve ne oren 18 e 15 te pasdites se djeshme u hodh nga ballkoni i baneses ku ajo jetonte.

Sipas burimeve policore, mesohet se 47-vjecarja ne momentin e kryerjes se vetevrasjes ishte e vetme ne shtepi, nderkohe qe femijet kane qene duke luajtur poshte pallatit.

Kalimtare te rastesishem si edhe disa pronare dyqanesh pasi kane degjuar zhurmen, kane shkuar per te pare dhe jane ndeshur me trupin e pajete te saj, i cili ka qene i zhytur ne nje pellg gjaku.

Policia shkoi ne vendin e ngjarjes dhe trupin e pajete te gruas 47-vjecare ata e kane nisur drejt morgut te spitalit, ne pritje per te kryer autopsine. Nga marrja ne pyetje e familjareve, mesohet se 47-vjecarja vuante nga depresioni.

Po keto burime pohuan se ende nuk mund te flitet per motiv, pasi nuk ka mbaruar se pyeturi te afermit e saj per te percaktuar saktesisht shkakun e kryerjes se ketij veprimi.
R.Saraci

Korrieri

[EMAUS]

I ulet burgu per plumbat

E Marte, 16 Tetor 2007

TIRANE - Gjykata e Apelit vendos 10 vjet burg per Alban Bajraktarin, autorin e plagosjes se ish-kryetarit te Bashkise se Lezhes, Gjoke Jakun. Tre muaj pasi Gjykata per Krimet e Renda denoi me 14 vjet heqje lirie te pandehurin Bajraktari, Gjykata e Apelit ka vendosur diten e djeshme ta coje ne 10 vjet denimin e Bajraktarit, duke i hequr atij kater vjet izolim.

Ngjarja per te cilen u shpall fajtor Alban Bajraktari, ndodhi ne shtator te vitit 2005, kur ai plagosi ish-kryetarin e Bashkise se Lezhes, Gjoke Jakun. Ky i fundit u plagos prane baneses se tij dhe pas nderhyrjes mjekesore ne Spitalin Ushtarak, mundi te kalonte rrezikun per jeten. Bajraktari u kap pak pas ngjarjes per te cilen u gjykua nga Gjykata per Krimet e Renda.

Korrieri

[EMAUS]

Anashkalon vrasjen e babait

E Marte, 16 Tetor 2007

TIRANE - Deshmon ne gjykate vajza e Aishe Pojanit, e cila akuzohet se ka vrare dhe me pas varrosur bashkeshortin e saj, Hasan Pojani. Vajza e madhe e ciftit Pojani me deshmine e saj dhene dje ne Gjykaten e Tiranes, duket se ka favorizuar nenen e saj.

“Une degjova qe prinderit po ziheshin dhe dola nga shtepia. Kur u ktheva, mesova se babi ndodhej ne gjume”, tha ne deshmine e saj e reja, e cila ka anashkaluar faktin sesi mesoi per vrasjen e babait te saj.

Ngjarja ndodhi ne mars te vitit te kaluar, kur pas nje sherri ne banesen e tyre ne fshatin Baldushk te Tiranes, Aishe Pojani masakroi burrin e saj, Hasan Pojanin, dhe me pas e varrosi ate ne nje perrua disa metra larg shtepise.
Trupi u zbulua disa muaj me pas dhe per vrasjen e Pojanit u akuzua gruaja e tij.

Korrieri

[EMAUS]

Vetevritet e denuara me vdekje

E Marte, 16 Tetor 2007
Romir Saraci

FIER - Ideja se ishte e denuar me vdekje e mundi dje nje 20-vjecare, qe nuk priti goditjet finale te semundjes se rende te leucemise, por i dha fund me nje goditje te vetme me cifte.

Saimira Alia, banore e lagjes “Oficine e vjeter”, 15 kilometra larg qendres se Fierit, i dha fund jetes se saj me nje te shtene cifteje ne kraharor, arme gjahu te cilen babai i saj, Pellumbi, e kishte me leje. Aktin vetevrases 20-vjecarja e kreu ne oren 14 e 30, ne kohen kur mamaja e saj, Valentina, ishte ne oborrin e shtepise, ndersa babai i saj, Pellumbi, qe ne mengjes heret kishte shkuar per te peshkuar ne lumin Vjose ne Pocem te Mallakastres.

E reja u vetevra me nje te shtene cifteje ne dhomen e pritjes, pohuan per gazeten burimet policore dhe ato nga familja. Menjehere pas ngjarjes u njoftua policia e Patosit, e cila nisi drejt vendit te ngjarjes nje grup uniformash blu.
Sipas burimeve policore dhe atyre nga vendi i ngjarjes, mesohet se Saimira para 4 vitesh, kur ishte ne vit te dyte ne gjimnaz, kishte lene studimet, pasi prinderit kishin friken e ndonje ngacmimi qe mund t’i ndodhte ne shkolle apo edhe gjate rruges. Nga ana tjeter, burimet policore duke iu referuar rrefimit te familjareve, pohojne se vajza qe ne vogeli ka vuajtur nga semundja e leucemise.

Saimira nuk e kishte marre vesh deri para nje muaji, kohe kur gjendja e saj u rendua disi dhe degjoi rastesisht teksa prinderit e saj te deshperuar qe po bisedonin me njeri-tjetrin per semundjen e vajzes, pa e ditur qe ajo po degjonte. Burimet policore pohuan per gazeten, se 20-vjecarja u veteqelluar me nje te shtene arme, cifte, ne kraharor ne dhomen e pritjes, cka i shkaktoi asaj vdekjen e menjehershme.

Mamaja e saj Valentina ishte ne oborr kur degjoi krismen e armes dhe rendi me vrap ne shtepi, duke parandere gjemen. Fqinjet e gjeten ate mbi trupin e se bijes qe pluskonte ne nje pellg gjaku. Banoret flasin fjale me te mira per vajzen 20-vjecare, e cila pershkruhet si nje e re e urte dhe punetore.
Nderkohe, ajo cka perjashtohet nga te gjithe, eshte fakti se vetevrasja mund te kete ardhur si pasoje e ndonje zhgenjimi ne dashuri, pasi Saimira Alia mesohet te mos kete pasur kurre nje te dashur apo te kete qene e fejuar me pare.

Korrieri

[EMAUS]

Ne vend te lekeve, kallash

E Marte, 16 Tetor 2007

Pronari i kerkon parate e pijeve, ai i drejton tyten e kallashit. Policia e Komisariatit Elbasan shpalli ne kerkim Florind Avdine, 24 vjec, me banim ne lagjen “Shen Koll” ne Elbasan, pasi nje nate me pare u grind per motive te dobeta dhe kanosi per te vrare A. Shqaun, 30 vjec, me banim ne fshatin Mlize, 3 km larg Elbasanit.

Ngjarja ndodhi ne ambientet e lokalit ne pronesi te Shqaut. Sipas te dhenave te para hetimore, rezulton se pronari i lokalit i ka kerkuar parate klientit per pijet e perdorura, por ai ka refuzuar t’i paguaje.

Mes tyre ka pasur nje grindje banale, por pas largimit nga lokali, Avdia ka marre nje kallashnikov dhe ka shkuar ne lokal, ku ka kercenuar me jeten pronarin.
Me pas ai eshte larguar ne drejtim te paditur. A. Shqau ka kryer kallezim penal ne polici, e cila ka shpallur ne kerkim 24-vjecarin nga Elbasani. Ndaj tij jane ngritur akuzat e kanosjes dhe armembajtjes pa leje. M. Kasemaj

Korrieri

[EMAUS]

Shkundet pluhuri i 9 dosjeve

E Marte, 16 Tetor 2007

Menduan se ua hodhen paq vrasjeve qe kryen, por befas jane shpallur ne kerkim. Drejtoria e Policise se Qarkut Elbasan ne bashkepunim me Prokurorine e Krimeve te Renda kane celur nente dosje te krimeve te vjetra.

Pese dosje i takojne rrethit Elbasan, dy nenprefektures Peqin dhe dy nenprefektures Librazhd. Drejtori i Policise se Qarkut Elbasan, Arben Hyseni, u shpreh se “grupi i posacem i ngritur prane Drejtorise se Policise se Qarkut arriti te siguroje prova dhe deshmi te ketyre ngjarjeve. Behet fjale per disa vrasje te kryera mes viteve 1997-2000, dosjet e se cilave ishin mbyllur nga Prokuroria per mungese te provave.

Me hetimin e tyre po merret Prokuroria e Krimeve te Renda ne Tirane. Ne jemi ne pritje te urdher arresteve”. Nga te dhenat paraprake rezulton se mjaft autore te ketyre ngjarjeve nuk ndodhen ne Shqiperi, disa kane rene ne burg dhe te tjere jane vrare ne perpjekje me bandat rivale. Ne korrik te ketij viti u grumbulluan fakte dhe nisi hetimi per masakren e Cerrikut, ku mbeten te vrare gjashte gardiste.

Per kete ngjarje jane arrestuar dhe po hetohen 9 shtetas. Drejtori Arben Hyseni pohoi se gjate kesaj periudhe jane zbuluar dhe kapur autoret e dy vrasjeve, si dhe 5 vjedhje te bujshme ne shkalle prefekture. M. Kasemaj

Korrieri

[Altin111]

Masaker ne sallen e gjyqit

E Enjte, 18 Tetor 2007

Itali Clirim Fejzo ekzekuton gruan dhe kunatin ne prani te trupes gjykuese. Ne ikje i merr jeten policia

Masaker me tre te vrare dhe po aq te plagosur ne nje gjykate italiane, me protagoniste disa emigrante shqiptare. Ngjarja e paprecedente ndodhi dje paradite ne gjykaten rajonale te Rexhio Emilias ne Itali. Te vdekur mbeten Clirim Fejzo, 40 vjec, bashkeshortja e tij Vjollca 37 vjece dhe kunati (vellai i gruas) Durim Decolli 35 vjec. Qe te tre viktimat ishin nga Sukthi i Ri prane Durresit dhe jetonin prej kohesh ne Itali, me dokumente te rregullta. Policia italiane konfirmoi se krimi ndodhi ne sallen e gjyqit dhe nisi me hapjen zjarr nga ana e Clirim Fejzos, ne drejtim te te shoqes dhe kunatit duke u marre jeten. Ne ikje nga gjykata, autori i masakres u qellua nga forcat policore italiane duke mbetur i vrare. Nga shkembimi i zjarrit u plagosen edhe dy police, si dhe avokatja e Vjollca Fejzos, Giovanna Fava. E gjithe gjakderdhja qe tronditi opinionin publik po aq sa personat e pranishem ne sallen e gjyqit, besohet se erdhi ne gjaknxehtesi e siper gjate shqyrtimit gjyqesor te kerkeses per ndarje te ciftit Fejzo. Policia tha se Clirim Fejzo kishte arritur te hynte me nje arme zjarri tip pistolete brenda ne gjykate e mandej ne sallen ku zhvillohej seanca gjyqesore e divorcit dhe, ne rritim e siper, hapi zjarr duke shkaktuar masakren ku u shua dhe vete.

Historia e trishte e ciftit Fejzo e kishte zanafillen nje vit me pare kur nisen procedurat per divorc mes tyre. Kjo “dosje” u rendua aq shume sa dje paradite, Clirimi 40 vjecar “e kishte vendosur”. Mori nje pistolete me vete, e fshehu diku ne trup dhe hyri si pa te keq ne gjykaten rajonale te Rexhio Emilias, nje nder krahinat me te pasura te Italise, ku prej kohesh jetonte si emigrant i rregullt. Burri nga Sukthi i Durresit, e dinte se ne sallen e gjyqit ku mbrohej nga avokati italian Galileo Konti, ndodhej edhe e shoqja Vjollca 37 vjecare, si dhe avokatja e saj, Giovanna Fava. Per me teper, ne prani te prokurores se ceshtjes, Maria Rita Pantani dhe gjyqtarit Robert Piskopo, ndodhej edhe vellai i asaj qe dje pritej te kthehej ne ish-bashkeshorte e tij, 35 vjecari Durim Demcolli, gjithashtu nga zona e Sukthit prane qytetit bregdetar.

Ndoshta duke sjelle dhimbshem nder mend, 20 vitet qe kishin kaluar bashke te martuar, ne Shqiperi dhe atje, ne Itali, Clirimi ndjehej dje paradite ne sallen e gjyqit, i pushtuar nga meraku se mund te humbiste Vjollcen, nenen e dy vajzave te tyre. Aq me teper, e irritonte fakti se e shoqja kishte disa kohe qe jetonte e ndare, duke u strehuar ne qendren “Shtepia e Gruas”, diku ne Rexhio Emilia. Nen keto mendime qe i vinin ne koke, ndersa ora afrohej 11.00 dhe seanca ende nuk kishte filluar, ndodh ajo qe shenoi precedentin me te pergjakshem ne mes te gjykates. Clirim Fejzo, nxjerr befas pistoleten nen rroba, duke qelluar per vdekje nenen e dy vajzave te tij Vjollca Fejzon. Plumbat nuk u ndalen duke vazhduar dhe ne trupin e kunatit te tij Durimit duke bere qe vetem pak caste te zgjaste lufta e tyre e humbur me vdekjen.

Ne gjendje totalisht jashte kontrollit logjik, gjeja e pare qe i ka ardhur nder mend 40-vjecarit, ka qene largimi nga vendi i ngjarjes. Ndonese ishte nen “hunden” e nje morie forcash policore dhe zyrtaresh te drejtesise, Clirimi beri nje perpjekje fatale per arrati. Hetuesit qe rindertuan skemen e ngjarjes, pohuan se 40 vjecari pak pasi hapi zjarr duke vrare dy vete, u perpoq te dale nga mjediset e gjykates. Tentativa eshte shuar ne pak caste sepse dy police italiane i kane dale perpara dhe duke u stimuluar nga fakti se ishte i armatosur, i qelluan me armet e detyres. Mes emigrantit dhe dy policeve ndodhi nje shkembim zjarri i cili u perjetua fare prane edhe nga avokatja e Vjollces, Giovanna Fava. Kjo e fundit, se bashku me dy policet, moren plage te parrezikshme, ne castet kur Clirimi i tha lamtumire jetes.

Policia dhe nje grup hetimor ne ndihme te tij, nisen pa vonese te mbledhin prova dhe fakte mbi ngjarjen e paprecedente. Te dhenat e para konfirmojne faktin se shqiptari ka hyre ne gjykate me pistolete ne xhep dhe asnjeri nuk e ka vene re qe ai ka qene i armatosur. “Fakti me i rendesishem qe eshte duke u hetuar eshte, se si shqiptari ka mundur te hyje i armatosur ne gjykate duke shmangur zbuluesin e metaleve”, - deklaruan hetuesit italiane.

Nderkohe, po hetohet dhe per shkaqet qe sollen krimin e trefishte. “Duket se marredheniet e ciftit kishin kaluar ne nje faze, ku te dy pretendonin per kujdestarine e femijeve dhe asnjeri nuk pranonte t’i linte femijet tjetrit, dhe shkaku qe kishte nxehur me shume gjakrat, ka qene vizita e papritur e babait te njera nga vajzat e tij”, - zbardhi policia, nje pjese te hetimit. Clirim Fejzo, kishte shkuar per te marre ne shkolle vajzen e tij, pa e njoftuar me pare gruan.

[Altin111]

"Telecom Slovenia" ble "Albania On Line"

Telecom Slovenia njoftoi se ka blerë 75 për qind të aksioneve të operatorit shqiptar të telekomunikacioneve
dhe ofrimit të shërbimeve të internetit, Albania On Line SP. Lajmi është bërë i ditur nga mediat e huaja.
Sipas marrëveshjes, "Telecom Slovenia" do të investojë në këtë ndërmarrje rreth 20 milionë euro për 5
vitet e ardhshme me qëllim që të përmirësojë dhe të rrisë gamën e shërbimeve të ofruara. Me anë të kësaj
blerje, "Telecom Slovenia" futet në tregun shqiptar të telekomunikacioneve, pasi më parë kishte hyrë në tregun
maqedonas dhe atë kosovar. Sipas njoftimeve të kompanisë targeti i synuar i tregut do të jetë ai i
shqiptarëve etnikë. Sipas të dhënave zyrtare aktualisht numërohen rreth 285 mijë abonentë të telefonisë fikse në Shqipëri,
që do të thotë 9 abonentë për 100 banorë. Kjo sipas drejtuesve të kompanisë sllovene tregon qartë potencialet e mëdha
dhe perspektivën që ka ky treg në vendin tonë. "Albania On Line" ka aktualisht rreth 3000 abonentë, të
cilëve u ofron shërbime interneti, duke zënë gati 75 për qind të tregut. "Albania On Line"
"Albania On Line" u licencua si operator rural i telefonisë fikse në vitin 2003. Emri i kësaj kompanie është përfolur
shumë së fundmi në disa media për abuzime në bashkëpunim me drejtuesit e "Albtelekom"-it. Madje,
disa prej tyre u janë referuar edhe raporteve të Departamentit të Kontrollit të Brendshëm Administrativ
dhe Korrupsionit pranë qeverisë, sipas të cilit rezulton se kompania "Albania On line", është favorizuar
ndaj operatorëve të tjerë ruralë dhe ka dëmtuar konkurrencën në treg, përveç humbjeve monetare që këto
i kanë shkaktuar shtetit shqiptar. Por drejtori i përgjithshëm i kësaj kompanie, Ylli Panariti, ka hedhur
poshtë të gjitha akuzat e bëra ndaj kompanisë për maskim të telefonatave ndërkombëtare si kombëtare
nga "Albania On Line" në drejtim të "Albtelekom"- it. Madje aktualisht ekziston një çështje gjyqësore
mes "Albtelekom"-it dhe "Albania On Line", e cila është çuar në Gjykatën e Strasburgut nga vetë drejtuesit e
kësaj të fundit, të cilët jo vetëm nuk pranojnë asnjë akuzë, por pretendojnë se "Albtelekom"-i gjatë viteve
2002-2006 i ka shkaktuar kësaj shoqërie shumë dëme, duke mos lidhur në kohë marrëveshjet.

[argjiro]

me fal altin qe te korrogjoj.
gruaja nuk ka vdekur por eshte ne gjendje te rende ne spital. eshte gjall, po edhe ketu ne fillim than qe kishte vdekur.

[Altin111]

me fal altin qe te korrogjoj.
gruaja nuk ka vdekur por eshte ne gjendje te rende ne spital. eshte gjall, po edhe ketu ne fillim than qe kishte vdekur.

Gruaja vdiq

[EMAUS]

Hakmarrje monstrash mbi 10-vjecarin?

E Marte, 16 Tetor 2007

Hakmarrje monstruoze mbi nje 10-vjecar, duke e mbytur me litar? Familjaret e femijes se gjetur i varur dy net me pare ne litar, Aleksander Prendi, dyshojne se djali i tyre 10-vjecar nuk ka kryer nje akt vetevrasje si pasoje e ndonje loje femijerore me zarar, por se mund te jete vrare.

Dyshimet e forta i hedh vete babai i djalit, i cili u varros dje ne fshatin e lindjes Rreje e Veles ne Mirdite. 37-vjecari Gjelosh Prendi, dyshimet e tij i bazon ne temperamentin e femijes, sjelljen e tij, si dhe mospasjen e asnje problemi me familjen. Sipas babait te viktimes, “femija i tij eshte gjetur nga ana e bashkeshortes i varur. Gjeloshi deshmoi dje se kane gjetur te birin te varur me tri fije peri qe perdoret per lidhjen e serave.

“Ai ka qene i gjate dhe lartesia e kokes arrinte pjesen e siperme te seres, ku edhe u gjet i varur djali. Sandri i kishte kembet ne toke kur e gjetem, madje ai ishte gati-gati ne gjunje. Nese ai do te kishte peshen e tij ne tri fijet e perit te gjetur, jam i bindur qe peri do te keputej”, - deshmoi per gazeten “Korrieri” i ati i femijes 10-vjecar te gjetur te varur.

Nderkohe qe femija nuk ka pasur asnje shqetesim apo konflikt ne shtepi e ne shkolle, qe mundet ta dergonte ate ne nje vendim te tille. Shapkat e tij jane gjetur larg trupit pa jete te djalit, ndersa ekspertiza e policise akoma nuk ka kthyer nje pergjigje te sakte nese eshte nje rast vrasjeje, apo vetevrasjeje. Po sipas deshmise se babit te Aleksandrit 10-vjecar, familja e tij ka nje konflikt me nje te aferm, per probleme pronesie te nje rruge prej kater metrash.

“Ne kemi tre vite qe nuk shkojme tek njeri-tjetri dhe per pasoje edhe sot (dje), pavaresisht nga lidhjet e gjakut te aferta, nuk ka ardhur askush nga ajo familje per ngushellim. Ne kerkojme nga ana shtetit te gjeje autoret e krimit. Nuk mundet ta le gjakun e femijes tim te humbur, pasi, e perseris, te gjitha konkluzionet me dergojne ne nje pike: ai eshte vrare dhe nuk eshte vetevrare”, - perfundoi Gjelosh Prendi

Ndersa burime nga policia e Mirdites bejne te ditur se jane ne pritje edhe te ekspertizes perfundimtare mjeko-ligjore te trupit te 10-vjecarit Aleksander Prendi. Nderkohe qe ata deklarojne se po vazhdojne hetimet, pavaresisht se akoma nuk ka dale ekspertiza. Kjo nisur edhe nga te dhenat qe ata kane marre gjate pyetjeve qe u kane bere babait te Sandrit, Gjeloshit dhe nenes Rites. ar.bu

[EMAUS]

Gjyshja e te burgosurit, kontrabandiste

E Marte, 16 Tetor 2007

Gjyshja tenton t’i fuse nipit ne burg celular se bashku me nje karrikues.
Kjo ngjarje ndodhi paraditen e djeshme ne Burgun e Sigurise se Larte te Peqinit.
Sipas burimeve prane Drejtorise e Pergjithshme te Burgjeve, keto sende te ndaluara, nje e moshuar kishte ndermend t’ia fuste ne qeli nipit te saj Florenc Zeqiri, i cili vuan denimin ne kete burg.

Mesohet se gjyshja i kishte fshehur keto sende, te cilat jane te ndaluara te futen ne burgje ne ushqimet qe i cohen te denuarve sipas rregullave. Por, megjithese ajo eshte munduar t’i kamufloje sa me mire keto sende, celulari dhe karrikuesi u zbuluan nga kontrollorja e ushqimit.
Ne te gjitha rastet, ushqimet qe futen nga familjaret e te denuarve ne burgje, perpara se ato te shperndahen neper dhoma, kalojne nje kontroll te imtesishem.

Korrieri

[EMAUS]

Shoferi i deputetit plagos rivalin

E Shtune, 20 Tetor 2007

Artan Lamani plagosi pasditen e djeshme Shkelzen Dyrmishin ne qender te Bulqizes. Deputeti republikan Genc Sharku nuk ishte pjese e konfliktit

Nuk e ka penguar aspak detyra e shoferit te deputetit, qe Artan Lamani te behet protagonist i nje plagosje me thike ne qender te qytetit te Bulqizes. Shoferi i deputetit te Partise Republikane, Genc Sharkut, ka menduar te zgjidh sipas menyres se tij konfliktin qe kishte me 29-vjecarin, Shkelzen Dyrmishi, duke e qelluar disa here me thike fare prane bashkise se qytetit. Si motiv te ngjarjes policia nuk ka perjashtuar nje konflikt te mundshem per konkurence ne biznes, por ngjarja vazhdon te jete nen hetim.

Burime nga vendi i ngjarjes bejne te ditur se dje rreth ores 16. 00, pasi qendruan per disa minuta se bashku ne nje lokal, Artan Lamani dhe Shkelzen Dyrmishi, banore te te njejtit qytet, dolen prej andej duke u grindur me njeri-tjetrin. Me te dale ne qender te qytetit jo shume larg Bashkise se ketij qyteti, ne pikun e levizjes se njerezve, Artan Lamani dhe Shkelzen Dyrmishi, kane ngritur tonet e ofendimeve mes njeri-tjetrit dhe kane filluar te perleshen, duke u qelluar me grushte mes tyre.

Ne keto momente ka qene Lamani I cili ka nxjerre edhe nje thike nga brezi dhe ka qelluar Dyrmishin ne trup dhe lene te shtrire ne asfalt mbi pellgun e gjakut te tij. Pas ngjarjes shoferi i deputetit te PR-se u largua me pas me nje makine ne drejtim te Burrelit. Kalimtaret e rastesishem, i dhane edhe ndihmen e pare Dyrmishit, te cilin pasi e kane vendosur ne autoveture e derguan ne spitalin rajonal te Dibres.

Menjehere pas ngjarjes u njoftuan edhe forcat e policise se Bulqizes, te cilat mberriten ne vendin ku ishte zhvilluar pak me pare konflikti. Blute shoqeruan pese persona ne komisariat per t’i marre ne pyetje rreth konfliktit. Burime te policise lokale bejne te ditur se jane marre ne pyetje pikerisht banoret qe kane pare skenen e plagosjes se Shkelzen Dyrmishit, nga Artan Lamani, per te bere te mundur dokumentimin e ngjarjes.

Po te njejtat burime policore bene me dije se i demtuari nuk ka pranuar te kryeje denoncimin ne polici. Burime te policise se Qarkut Diber bejne te ditur se pavaresisht denoncimit, uniformat blu te ketij rrethi vazhdojne kerkimet per kapjen dhe arrestimin e Lamanit, i cili pas ngjarjes eshte larguar me drejtim te paditur. Te njejtat burime saktesojne se akoma nuk dihen shkaqet e konfliktit, por mendohet te jene prishja e interesave te biznesit te tyre.

Gjithsesi ne momentin e konfliktit nuk ka qene i pranishem deputeti republikan Genc Sharku bejne te ditur burimet. Ndersa akoma mbetet mister nese ai ka “ kontribuar” ne “paqen” e parakohshme ndermjet Lamanit dhe Dyrmishit, meqe ky i fundit nuk pranoi te kryeje denoncimin. Mjeket e spitalit te Dibres u shprehen per gjendjen shendetesore te Dyrmishit se ai eshte jashte rrezikut per jeten dhe plaga e marre eshte klasifikuar si e lehte.

[EMAUS]

Kinezin e shpeton karateja

E Shtune, 20 Tetor 2007

Perdor karatene per te shpetuar dyqanin nga hajdutet. Ngjarja e rralle ndodhi dy net me pare ne rrugen “5 Maji” me Tirane dhe ka per protagonist nje kinez i cili fale karatese qe ka mesuar ne vendin e lindjes shpetoi dyqanin nga hajdutet.

Keta te fundit kane mundur te hyjne ne ambientet e brendshme te dyqanit te kinezit i cili sapo i ka diktuar ka nisur te beje karate duke i shkaktuar fraktura ne njerin krahe njerit prej hajduteve. Duket se perdorimi i karatese i ka kushtuar rreth 10 ore izolim kinezit.

Efektivat e komisariatit te policise nr.4, te sinjalizuar per ngjarjen mberriten menjehere prane dyqanin duke shoqeruar hajdutin dhe kinezin. Mesohet se para oficereve te policise hajduti ka pretenduar se eshte dhunuar nga kinezi, ndersa ky i fundit ka deklaruar se beri karate per te mbrojtur dyqanin e tij.

[EMAUS]

I detyroheshin 250 mije euro, vetevritet



Artan Cena
E Hene, 22 Tetor 2007



TIRANE - Veteflijimi me nje plumb pistolete ishte zgjidhja e vetme qe mendoi dhe vuri ne jete dje pasdite vone nje 47-vjecar ne kryeqytet, duke i dhene fund jetes ne kushte depresive per motive ende te paqarta. Nga hetimet e para policore del se viktima, Kujtim Malkaj, baba i tre femijeve, vella i aktorit te mirenjohur Medi Malkaj, dyshohet qe e kreu aktin tragjik te vetevrasjes ne kushte depresive, te ardhura si pasoje e nje shume parash, qe i kishin marre hua dhe nuk ia kishin kthyer. I ndjeri, banor i lagjes “Ali Demi” ne kryeqytet, ishte biznesmen ne fushen e inerteve.

Ngjarja ka ndodhur ne oren 19.00 te dites se djeshme ne lagjen “Ali Demi”, ne kryeqytet. Viktima, Kujtim Malkaj, jetonte ne nje banese ne afersi te ish-merkates se vjeter ne kete lagje. Vella i aktorit te mirenjohur Medi Malkaj, biznesmeni 47-vjecar ishte i njohur ne Tirane, pasi prej disa vitesh kishte nje pike te nxjerrjes dhe perpunimit te lendeve inerte ne lagjen periferike “Shkoze”.

Por ne diten e fundit te javes qe u mbyll, ai i ka dhene fund jetes ne rrethana te papritura, mbushur me mister. Hetuesit, duke rindertuar skenen e tragjedise, treguan ne vendngjarje per “Koha Jone”, se biznesmeni 47-vjecar, Kujtim Malkaj, i ka dhene fund jetes, pasi eshte qelluar nje here me pistolete, tip “Zastava”. Malkaj ka qelluar veten me armen e zjarrit ne mjediset e shtepise se tij, duke shkaktuar alarm aty dhe ne banesat perreth.

Burime nga grupi hetimor kane bere te ditur, se kane qene familjaret ata te cilet e kane vene re te paret ngjarjen dhe me pas eshte njoftuar policia.
Kjo e fundit, me te mberritur, ka gjetur prane te ndjerit ne nje sirtar tre flete formati me emra personash. Keto letra ishin te mbushura me emrat personave, qe i kishin borxhe, ne shumen e 30 milione lekeve (rreth 250 mije euro). Ekspertet mjeko-ligjore, pasi bene veprimet e para, konstatuan se vdekja e Kujtim Malkajt ka qene e menjehershme. Kjo, pasi plumbi i dale nga arma, nje pistolete “Zastava”, ka qelluar drejt e ne koke. Sipas eksperteve, ka qene nje plumb i vetem qe i ka marre jeten biznesmenit.

Sipas eksperteve dhe prokurorise se Tiranes, shkaku i ngjarjes nuk eshte zbardhur ende, por ne shtepi viktimes i eshte gjetur nje liste e gjate, me emrat e personave te cilet i kishin borxhe, te grumbulluara gjate punes.

Policia ka mbledhur faktet dhe provat ne vendin e ngjarjes, mes te cilave dhe listen prej tre fletesh, me emrat e personave qe ishin borxhlinj ndaj tij. Policia eshte duke hetuar dhe per shkaqe te tjera, qe mund te kene cuar ne vetevrasje 47-vjecarin, duke perfshire dhe problemet e mundshme qe mund te kete pasur me familjen apo persona te tjere.



Koha jone

[Altin111]

“Tirana Bank”, kredi per shtepi me 0 per qind interes

“Tirana Bank” ofron daljen ne treg te formes me te re te kredise per shtepi, “Kredi per blerje shtepie”, e cila vjen tek konsumatoret shqiptare me nje oferte qe sjell nje nder normat me te uleta te interesit ne vend. “Tirana Bank” ka menduar te cliroje konsumatoret per 6 muajt e pare te shlyerjes se interesit te kredise per shtepi, me nje norme interesi 0 per qind. Pra, konsumatori do te shlyeje vetem kestin mujor pa asnje norme interesi nga ana e bankes per 6 muajt e pare, ndersa ne vazhdim ai do te vazhdoje te paguaje nje nga normat e interesit me te uleta ne treg, 3.5 per qind, plus Euribor. Kjo konsiston ne mbeshtetjen e te gjithe atyre individeve, cifteve te rinj apo familje qe kerkojne te kene nje shtepi te re, apo te investojne per te blere nje apartament te dyte, pasi ne shumicen e kohes eshte me e leverdishme te investosh ne blerjen e nje shtepie per krijuar nje stabilitet familjar ne te ardhmen. “Tirana Bank” mbeshtet kete iniciative me kete forme te re kredie, e cila ka kushte te favorshme jo vetem ne normat e interesit, por edhe kushtet e tjera, si financim 100 per qind i shumes se kerkuar nga klienti, kohezgjatje te shlyerjes se kredise 25 vjet, 0 per qind komisione per transferimin e kredise nga bankat e tjera, e mjaft te tjera. Ndersa klienti perballet vetem me kushtet e zakonshme qe duhen plotesuar prej tij per marrjen e kesaj kredie, si stabiliteti ekonomik me nje page te verifikueshme, hipoteke apartamenti, garanci te besueshme nga ana e bankes, nje moshe minimale nga 18 vjec, e te tjera. Kjo forme kredie u drejtohet te gjithe atyre qe kane enderr te kene shtepine e tyre e qe jane lodhur duke paguar apartamente me qira, me lehtesira te studiuara per t’iu ardhur ne ndihme klienteve sipas nevojave te tyre.

“Tirana Bank”, anetare e grupit bankar te Pireut, nisi te operoje ne Shqiperi ne shtator te vitit 1996, si institucioni i pare bankar me capita privat, me licencen e nje banke universale. Sot kemi nje pozicion te forte ne tregun vendas, me 14 per qind te tregut ne kredi dhe asete te cilat kapin shifrat e 516.5 milione eurove (30.07.2007) dhe nje total prej 369.4 milione eurosh ne depozita. Nepermjet rrjetit te 37 degeve dhe agjencive tona te shtrira ne kryeqytet dhe 14 qytete te tjera te Shqiperise, “Tirana Bank” ofron nje game te gjere e gjithnje ne rritje produktesh, te cilat jane pershtatur per tregun lokal, si depozita, shkembim valutor, viza kredit karte, viza elektron debit karte, pagesa nderkombetare, ceqe udhetimi, sherbim ATM 24 ore, Infobank (call center) e mjaft te tjera.

[Altin111]

Skandal me 16-vjeçaren që prostituonte në Fier

FIER - Plas skandali në lidhje me shfrytëzimin e një 16-vjeçareje për prostitucion në qytetin e Fierit. Përveç shtetasit Arben Hoxha, të arrestuar për shfrytëzim prostitucioni të saj në listën e personave që kanë shkuar me këtë të mitur janë edhe avokatë si dhe mjekë të njohur në qytetin e Fierit. Gjithçka është bërë prezente gjatë seancës gjyqësore të vlerësimit të masës së arrestit për këtë shtetas. Përballë gjykatëses Rilinda Selimi pala e akuzës, pa praninë e medias, ka lexuar deklaratën e dhënë prej së miturës. "Unë jam shfrytëzuar prej të akuzuarit Hoxha”, - është shprehur e mitura. “Dhe në listën e personave që kanë ardhur tek unë janë edhe avokatë dhe mjekë të njohur të qytetit të Fierit”, - ka deklaruar ajo. Sipas burimeve të marra nga Komisariati i Policisë Fier, dy ditë më parë është shoqëruar dhe mbajtur dhjetë orë në dhomat e paraburgimit njëri prej avokatëve të njohur në qytetin e Fierit. Në deponimet që ka dhënë e mitura ka përmendur edhe emrin i tij. Ai ka kryer marrëdhënie seksuale me të miturën, që jetonte e vetme në një banesë të marrë me qira në një lagje të qytetit Fier, kundrejt pagesave të ndryshme. Të njëjtat burime pohojnë se avokati i marrë në pyetje është shprehur se e njeh vajzën, por e ka ndihmuar atë financiarisht për arsye se ajo jetonte në kushte të këqija, ishte larg familjes dhe kishte nevojë për të holla. Madje ai ka deklaruar se shuma e dhënë nga ana e tij shkonte në rreth 50 deri në 60 mijë lekë. Por vajza, në ballafaqimin e bërë, ka pohuar se ka kryer marrëdhënie seksuale me këtë avokat kundrejt pagesës që ai ka dhënë për aktin seksual.
Ndërkohë që në listën e personave të deklaruar nga e mitura ka qenë edhe një mjek kirurg, emri i të cilit nuk bëhet i ditur për arsye hetimi si dhe për shkak të njohjes së tij në publik. Edhe ky i fundit është bërë pjesë e grupit të shumë personave me emër që kanë shkuar me të miturën 16-vjeçare. Ndërkohë që burime nga prokuroria janë shprehur se kjo e fundit ka nisur hetimin për këtë çështje dhe do të thërrasë e marrë në pyetje të gjithë personat që janë shënuar në listën e nënshkruar nga e mitura për shfrytëzim prostitucioni në sallën e gjyqit në Gjykatën e Shkallës së Parë të Rrethit Gjyqësor Fier. Në seancën e vlerësimit të masës së sigurisë ndaj shtetasit Arben Hoxha, akuzuar nga organi i akuzës për shfrytëzim prostitucioni, e mitura 16-vjeçare R. L., në deklarimet e saj dhënë para prokurorëve, ka deklaruar se përveç këtij shtetasi që e ka përdorur atë për të përfituar
të holla nga puna e saj, në listën e personave që
kanë shkuar me atë në banesën e saj si dhe në lokale të ndryshme janë edhe avokatë si dhe mjekë të njohur në qytetin Fier. Përballë gjykatëses Rilinda Selimi, pala e akuzës, pa praninë e medias, ka lexuar deklaratën e dhënë prej 16-vjeçares. Kjo ka sjellë edhe reagimin e palës mbrojtëse. Avokat Timo Guxho ka hedhur poshtë pretendimet e akuzës dhe është shprehur se gjithçka nuk është e vërtetuar në prova. “Klienti im, është shprehur ai, ka pasur qëllime serioze me shtetasen në fjalë dhe qëllimi i tij i vetëm ka qenë lidhja serioze martesore. Ndërsa emrat janë të pavërtetuara nga ana e akuzës”.
Prokurorja Elida Hoxhaj ka kërkuar nga gjykata vlerësim të ligjshëm të arrestit të shtetasit Arben Hoxha. Ndërkohë që si masë sigurimi ka kërkuar arrest me burg pa afat. Në seancën e mbajtur me dyer të mbyllura, gjyqtarja Rilinda Selimi ka vendosur që të vlerësojë të ligjshëm arrestimin e shtetasit Hoxha dhe të
urdhërojë togën e shoqërimit për ta dërguar atë në
qelitë e Komisariatit Fier nën masën e sigurisë arrest në burg pa afat. Ndërsa nuk dihet se si do të veprohet me shtetasit e përmendur nga e mitura. Por, burime nga gjykata janë shprehur se në procesin gjyqësor që sapo ka nisur, edhe këta të fundit do të hetohen prej trupit gjykues në lidhje me veprimet e kryera ndaj së miturës.

[Altin111]

Skandali te psikiatria, mjeket sulmohen me thika

Flet mjekja psikiatre, Fatime Elezi: ”Ministria e Shendetesise nuk ka marre asnje mase sigurie per te mbrojtur personelin”. Ne spitalin e Psikiatrise nuk ka asnje force sigurie per te perballuar rastet e krizes se pacienteve, apo per te kontrolluar h

Tirane - Mjeket e psikiater jane te alarmuar per sigurine e jetes ne orarin e punes ne ambientet e Spitalit Psikiatrik te Tiranes. Shkak per kete eshte bere mungesa e sigurise dhe e personelit mjekesor per te perballuar pacientet ne çastet e krizes. Mjekja psikiatre, Fatime Elezi, shpjegon se ne keto raste gjendja shpeshhere ka qene e rrezikshme dhe terrorizuese per te gjithe personelin mjekesor, qe duket se jane ne meshire te fatit. Ne shumicen e rasteve jeta e mjekeve eshte vene ne rrezik, pasi ne urgjence paraqiten njerez qe nuk dihet asgje per ta dhe shpesh ata kane kercenuar me thika apo pistoleta. Mjekeve u eshte dashur shpesh te vetembrohen me veshtiresi, duke perfshire gjithe personelin ne situatat e veshtira, per te fiksuar pacientet ne krevat, per te bere qetesues apo per te vazhduar kuren sipas diagnozes se percaktuar.
Mungesa e rojeve
Me te frikshme jane oraret e nates, ku ne hyrjen kryesore nuk ka asnje roje apo polic per te kontrolluar sipas procedurave njerezit qe hyjne dhe dalin. Nuk kane qene te rralla rastet kur ne oret e vona te nates, individe te ndryshem, ne gjendje te rende psikike, jane drejtuar ne klinike, ku kane kercenuar jeten e mjekeve me objekte te ndryshme. Madje, mjekja Elezi tregon nje rast kur nje prej te semureve, i gjendur ne nje situate te rende psikike, i ka drejtuar pistoleten ne koke dhe situata eshte shmangur me nderhyrjen e te gjithe stafit qe gjendej ne ate moment, duke u perpjekur ne menyra te ndryshme per ta qetesuar pacientin. Sapo hyn ne deren kryesore te Psikiatrise, syri te ze vetem bluzat e bardha te mjekeve qe te japin ndonje informacion, nderkohe qe pacientet sillen verdalle korridoreve apo ne oborr, por vetem roje qe nuk ka. Duket se gjithçka mund te ndodhe ne çfaredolloj momenti dhe ne te njejten kohe te shuhet vete. Viktime e nje krize momentale te pacienteve mund te behet kushdo, qofte pacienti, mjeket, infermieret, vizitoret etj.
Perballimi i situates
Situatat qe paraqesin rrezikshmeri perballohen nga tre pjesetare te stafit, te cilet nuk dine se çfare te bejne me pare ne nje situate te tille. Mjeket thone se per perballimin e situates duhen te pakten 5 pjesetare. Ne kete menyre nuk do te demtohet asnje nga stafi apo pacientet dhe situata do te mbahej lehtesisht nen kontroll te vazhdueshem. Ne rastet ekstreme, kur pacienti paraqet rrezikshmeri te larte, mbahet per nje fare kohe ne dhomat e izolimit derisa te qetesohet nen efektin e ilaçeve dhe nen kujdesin e personelit mjekesor.
Ministria e Shendetesise
Per rastet e ndodhura, stafi i mjekeve i eshte drejtuar Ministrise s Shendetesise per te penguar ndonje tragjedi te mundshme. Por Ministria duket se degjon me vemendje kerkesat, por as qe i shkon ne mendje t’i marre ne shqyrtim. Kerkesa e mjekeve eshte e perseritur, pasi kjo gjendje ka pothuajse 17 vite ne nje situate te tille. Perseri ne korridore apo ne porten kryesore nuk ndihet dora e forte e shtetit, qe verteton rregullin dhe sigurine ne institucionet shteterore te sigurise se veçante. Me braktisjen dhe çorientimin qe pesuan shumica e institucioneve, Psikiatria eshte nga ato institucione qe nuk e rifitoi dot identitetin e dikurshem, te pajisur me personel te mjaftueshem.
Mungesa e punonjesve
Mjeket thone se po bejne pune te katerfishte, me pacientet e shtruar ne spital. Perveç rolit te mjekut, te sigurise, te rojes, jane te detyruar te bejne dhe rolin e punonjesit social apo psikologut. Ne kete qender trajtimi te te semureve mendore, emri i punonjesit social apo psikologut nuk njihet fare, edhe pse eshte teper i domosdoshem. Sipas mjekeve, sado qe te perpiqen te bejne rolin e tyre, ata nuk kane kohe fizike dhe pergatitjen e duhur per ta realizuar nje gje te tille. Te besh rolin e psikologut duhet ta degjosh pacientin gjate gjithe kohes dhe me pas, si punonjes social, duhet ta ndihmosh per te gjetur nje mundesi jetese dhe punesimi. Ne nje pjese te madhe te rasteve ka ndodhur qe pacientet jane larguar nga klinika ne gjendje te mire mendore dhe kur jane perballur perseri me realitetin dhe me veshtiresite e jeteses, ne pamundesi per te perballuar kushtet e keqija, jane rikthyer perseri ne klinike me po te njejtat simptoma.

Personeli mjekesor ne urgjence
30 mjeke, infermiere dhe sanitare

Shtreter
15 shtreter ne total
10 per meshkuj
5 per femra

Barna me e shtrenjte
600 leke

Numri i pacienteve
55 paciente te shtruar

Semundja
16 nga pacientet jane te semure kronike
39 jane te semure akut

Koha e qendrimit
Jo me shume se 1 muaj (ne rastet e zakonshme)

Rastet e paraqitjes
Pacientet mund te paraqiten vete ne spital
Pacientet mund te shkojne nepermjet familjareve
Pacientet mund te gjenden ne rruge dhe te shoqerohen nga te panjohur
Pacientet ne disa raste mund te shoqerohen nga policia

Godina
Aktualisht eshte vetem nje godine ne dispozicion

Numri i mjekeve qe perballon rastet e urgjences
1 mjek
2 infermiere

Punonjes sociale
1 psikologe (e vendosur kohet e fundit)
Asnje punonjese sociale

[Mima]

Zhduket 15-vjeçarja, familja dyshon për rrëmbim


Loli Çeçoaliaj
24-10-2007


*
Vajza me prindër të ndarë, nga Krapsi i Fierit është larguar nga shtëpia prej 7 ditësh. Jetonte me gjyshen

Kushërinjtë: Dyshojmë se ka dijeni një kushërirë, tek e cila rrinte gjatë. E kanë rrëmbyer për prostitucion

Fier- Prej një jave është larguar nga shtëpia, pa lënë asnjë gjurmë, ndërkohë që familjarët janë vënë në alarm dhe ngrenë dyshimin për një rrëmbim të mundshëm me qëllim prostitucionin. Prindërit, prej disa kohësh të divorcuar e kishin lënë vajzën në kujdestarinë e gjyshes dhe secili kishte nisur jetë të re përtej vendit, njëri në Greqi dhe tjetra në Itali. Babai, i njoftuar për ngjarjen, ka bërë denoncimin në polici, e cila ka nisur kërkimet dhe paralelisht me këtë edhe hetimet për zhdukjen e saj.

***

Vajza M.B, sipas familjarëve, ende nuk i ka mbushur 15-vjetët. Ajo banon në Kraps të rrethit të Fierit së bashku me gjyshen në një banesë dykatëshe. Sipas të afërmve vajza sapo ka mbaruar klasën e tetë dhe duke iu referuar rrëfimit të tyre, ajo në shumicën e rasteve ka preferuar të jetë e pavarur. "Vajza nuk i bindej gjyshes në shumë raste dhe e kundërshtonte atë",- tregojnë të afërmit e familjes, që e njohin që të vogël. Ata nuk e fshehin që vajza ishte e papjekur për moshën që ka dhe e rritur pa prindër ishte fëmijë me probleme. "Babai i saj, pasi është ndarë nga nëna e vajzës, vite më parë, është martuar me një grua tjetër dhe tashmë jeton në Greqi.Gjithashtu edhe nëna e saj është martuar dhe aktualisht ndodhet ne Itali",- tregojnë ata.

***

Të mbledhur afër shtëpisë, të afërmit e vajzës janë ata që flasin dhe interesohen për gjetjen e 15-vjeçares. Shtëpia ndodhet e mbyllur, pasi gjyshja që e ka mbajtur(nga ana e babait) është e shtruar në spitalin e Fierit. "Vajza ka rreth shtatë ditë që është larguar nga shtëpia dhe deri tani asnjë prej nesh nuk ka informacion për vendndodhjene saj",- tregojnë kushërinjtë e saj. Sipas tyre, është njoftuar babai i vajzës, i cili menjëherë pas njoftimit për ngjarjen ka bërë denoncimin në polici. Kushurinjtë hedhin dyshime se për largimin e 15-vjeçares, M.B, mund të ketë dijeni një kushërira e tyre. "Nuk e themi kot këtë, sepse vajza shkonte çdo ditë te dyqani i saj, që ndodhet në fshat dhe kthehej vonë prej andej",- thonë ata, duke shtuar se policia, e cila është në dijeni të largimit të saj, po të dojë mund ta gjejë se ku ndodhet. "Vajza ndodhet ose në Fier ose është larguar jashtë shtetit. Për moshën që kishte vajza mund të jetë gënjyer. Atë e kanë marrë persona për qëllime përfitimi për ta prostituar",- vijojnë më tej ata. Për një gjë janë gati të sigurt. Vajza sipas tyre nuk ka shkuar e bindur për t'u martuar, megjithëse pranojnë që ajo mund të jetë gënjyer. Por me këtë duan të tregojnë se vajza për vetë delikatesën e moshës dhe pa prindër që mund ta orientonin, mund të binte lehtë pre e mashtrimeve, të cilat kanë patjetër si qëllim shfrytëzimin e saj. "Ne i bëjmë apel policisë, që të ndërhyjë urgjentisht për gjetjen e vajzës pa kaluar kufirin shqiptar",- thonë ata, duke mos qenë as vetë të bindur se ku ndodhet ajo.

[Mima]

ITALI , familja Demçolli ne pritje te trupave


Shekulli
24-10-2007


Ata i janë drejtuar për ndihmë autoriteteve shtetërore, cilat mund të ndërhyjnë për përshpejtimin e procedurave

ITALI- Shtatë ditë pas masakrës së ndodhur në gjykatën italiane ku humbën jetën tre shtetas shqiptarë, familjet nuk kanë arritur ende që të marrin trupat e tyre. Vjollca Demçolli dhe vëllai i saj Arjani humbën jetën si pasojë e plumbave të Çlirim Fejzos, gjatë seancës së divorcit të tyre. Ndërkohë vetë Çlirimi gjeti vdekjen pas ndërhyrjes së policisë italiane që ndodhej në gjykatë. Por tashmë familjarët kërkojnë eshtrat, të cilat kanë mbetur në Itali. Ata i bëjnë edhe një apel shtetit shqiptar që t'i ndihmojë në përshpejtimin e procedurave të kësaj çështjeje.

Ngjarja

Masakra e ndodhur në gjykatën e Rexhio Emilias ka tronditur jo vetëm opinionin italian por edhe të gjithë Shqipërinë. Gjatë një seance divorci mes një çifti shqiptarësh, burri ka qëlluar më shumë se 25 herë me pistoletë, duke vrarë të shoqen, vëllanë e saj dhe plagosur katër persona. Ngjarja ka shkaktuar shumë panik në ambientet e gjykatës, prej të cilave janë munduar të largohen me vrap personat e pranishëm gjatë tragjedisë. 40-vjeçari nga Durrësi, pasi ka qëlluar të shoqen dhe kunatin ka tentuar të largohet, por arratisja është mbyllur edhe me ekzekutimin e tij nga një punonjës policie, i cili po transportonte një të pandehur. Vrasësi ishte Çlirim Fejzo, 40-vjeç, nga Durrësi, rezident në rrugën "Andreini" të Rexhio Emilias. Viktimat, e shoqja, Vjollca Fejzo, 37-vjeç dhe vëllai i saj, Arjan Demçolli.Për fat të mirë plumbat e armës së Çlirim Fejzos nuk shkaktuan viktima të tjera. Katër të plagosurit shpëtuan me plagë të lehta dhe tashmë barrën më të madhe të dhimbjes duhet ta mbajë familja Demçolli.

Eshtrat

Që nga dita e vrasjes kjo familje ka kërkuar që të marrë trupat e Arjanit dhe Vjollcës në mënyrë që ata të paktën të kenë varrin në Shqipëri. Por kërkesa e tyre ka hasur pengesën e zakonshme, burokracinë ndërmjet dy shteteve. Shtatë ditë pas tragjedisë familja kërkon që të paktën të arrijë të bëjë një varrim për të afërmit e saj. Përballë kësaj pengese familjarët kanë kërkuar edhe ndihmën e institucioneve shtetërore, të cilat mund të ndërhyjnë për të përshpejtuar procedurën e rikthimit në atdhe të trupave të Arjan dhe Vjollca Demçollit. Në një rast të ngjashëm, eshtrat e Altina Tomorrit, e cila gjeti vdekjen në Greqi teksa po shpëtonte nga zjarri disa turistë të huaj, erdhën në Shqipëri në një kohë rekord. Kjo pas ndërhyrjes së shtetit shqiptar, i cili përshpejtoi ndjeshëm kohën e mbërritje së trupit nga Greqia.