Yahoo largon 600 të punësuar

[vaaldr1n]

Kompania amerikane Yahoo planifikon të largojë nga puna 600 të punësuar, kanë njoftuar dy burime të mirinformuara me situatën.

Ky largim paraqet në mes të katër e pesë për qind të numrit të përgjithshëm të punësuarve në Yahoo, i cili sipas të dhënave nga fundi i shtatorit, ka gjithsej 14.100 të punësuar.

Në fillim të këtij viti është publikuar se Yahoo planifikon të largojë 65 të punësuar, e gazeta New York Times në numrin e djeshëm ka shkruar se kjo do të mund të ndodhte sot.

Burimi i informuar ka thënë se raporti i gazetës është i saktë dhe se largimet në masë të madhe do të bëhen në degën e prodhimit të Yahoo.

Edhe burimi tjetër ka thënë se Yahoo sot planifikon të largojë në mes të 600 e 700 të punësuar. /Telegrafi/