Celular apo orë? Zoti e di, por kushton 300.000 dollarë

[vaaldr1n]

Celsius X VI II është telefon celular me orë mekanike të integruar çmimi i të cilit arrin në 300.000 dollarë amerikanë.

Kombinimi i orës dhe telefonit celular i emëruar Celsius X VI II është lansuar në shitje pas plot katër vjet hulumtimesh. Prodhuesit tjerë kryesisht tentojnë të vendosin funksionet e telefonit celular në shtëpizat e orëve, e në këtë rast në shtëpizën e telefonit celular me kapak është vendosur një orë e shtrenjtë mekanike. Pjesa e përparme e telefonit është e tejdukshme, prandaj mund të shihet i tërë mekanizmi i orës. Është interesant fakti se ora kurdiset me hapjen dhe mbylljen e kapakut të telefonit celular.

Shumë më pak interesante është pjesa e cila ka të bëjë me komunikimet mobile. Bëhet fjalë vetëm për një pajisje GSM pa ndonjë mundësi të avancuar për bartjen e të dhënave. Në telefon është integruar kamera me rezolucion prej 3.2 megapikselash e përcjellë me blic.

Janë dy gjëra që e bëjnë Celsius X VI II shumë të kripur nga pikëpamja e çmimit, e para është ora mekanike super precize, derisa e dyta është se ai do të prodhohet vetëm në 18 njësi. /Telegrafi/

[ReniX]

çmimi qenka paska i kripur!

[MAJDI]

Sa e bukur qe qenka