Kombinimet dhe veshjet që zgjasin siluetën

[ardona]

Kombinimet dhe veshjet që zgjasin siluetën


Veshja e kwpucwve me taka nuk wshtw e vetmja mwnyrw qw ju tw zgjasni siluetën tuaj dhe tw ngjani mw tw bukura dhe joshëse.
Me ndihmë të veshjes, por edhe me aksesorët modernë dhe përzgjedhjen e ngjyrave, do të ndriçoni si yll madje edhe tani nw stinwn e dimrit. Duke veshur geta të trasha apo streçe, madje edhe pallto, si në fotografi, mund tw vishni të njëjtën veshje, praktikisht gjatë gjithë vitit. Veshja me shtresa që mund të quhet si “qepë” i pengojnë rrymat e vjeshtës që janë pjesë e pashmangshme e çdo ndryshimi stinor. Meqenëse dielli di të befasojë pa paralajmërim me ngrohtësinë e vet, vetëm nëse keni veshur diçka më të hollë nën bluzën e trashë mund të përshtateni me ndryshimet ditore. Shembull për kombinim të bukur të shtresave është koleksioni “Misoni”, që është shembull për efektin e zgjatjes së siluetës. Kjo arrihet nëse përputhen veshjet me gjatësi të ndryshme, për shembull fund deri te gjuri dhe bluzw e leshtw deri tek këllqet. Ky rregull rezulton me efekt më të mirë, nëse kombinohen tri shtresa të dukshme, që vishen njëra mbi tjetrën. Loja me ngjyra është gjithashtu shumë e rëndësishme, sepse kombinimet përkatëse të nuancave e bëjnë stomakun dhe këllqet të duken më të vegjël. Kreatorët e modës rekomandojnë shtresa e sipërme të jetë me ngjyrë më të çelur, kurse e poshtmja më e errët.

Varëset me perla pwr një pamje tw guximshme

Varëset do të zënë një vend të rëndësishëm në këtë stinë të ftohtë dimri. Ato që do t’ju shkonin me veshjet e këtij viti janë varëset e mëdha me ngjyra të forta. Në këtë rast vathët duhet të jenë sa më të thjeshtë. Perlat janë rikthyer në modë për stinën e vjeshtës dhe dimri. Por ndryshimi nga vitet e shkuara është se tashmë nuk mund të përdorni vetëm një varg me perla, por disa të tilla, të cilat do të vareshin deri në pjesën e belit. Ky është një luk i guximshëm, por funksionon vetëm në rast se numri i aksesorëve të tjerë është i vogël. Çuditërisht vendosja e perlave për këtë vit mund të bëhet edhe nga meshkujt, të cilët mund t’i përdorin ato në ngjyrë të zezë ose me nuanca të buta.


Shami ose shall, një kombinim ideal

Shallet dhe shamitë janë pothuajse pjesë e pandashme e modës, por edhe një detaj praktik. Pothuajse ekziston një numër i pafund mënyrash të lidhjes dhe mbajtjes, që është me të vërtetë e rëndësishme për adhuruesit e zjarrtë të tyre. Madje sikur të keni vetëm disa shami më të dashura, përditë do t'i çudisni të tjerët me mënyrën e ndryshme të lidhjes. Para së gjithash, duhet të bëhet dallim midis shalleve të trashë dimërorë, që duhet ta ngrohin qafën dhe fytyrën tuaj, dhe shalleve të vjeshtës që janë për zbukurim. Kur bëhet fjalë për shallet e gjata, që janë gjithmonë në modë në këta muaj vjeshte, ato që duhet të mbahen me elegancë, por edhe një shkallë të caktuar të përshtypjes në raport me pjesët e tjera të gardërobës. Që ta mënjanoni monotoninë e vjeshtës, pa dallim se a jeni mashkull apo femër, ju rekomandojmë të përzgjidhni shami ose shall të ndryshëm, por edhe mënyrë të ndryshme të mbajtjes së tyre. Vetëm kështu do të krijoni kombinim ideal me pjesën tjetër të veshjeve dhe do të dalloheni prej lidhjes së