Manikyri, ngjyrat dhe përshtatja me duart

[ardona]

Është vënë re se një nga detajet më të rëndësishme për një mashkull, kur sheh një femër, janë duart ato që bien menjëherë në sy. Për këtë arsye, femrat përpiqen që t’u kushtojnë më tepër vëmendje duarve, përzgjedhjes së manikyrit dhe ngjrës së duhur. Nuk është e tepërt që edhe ju t’i mësoni të rejat e fundit për manikyrin.
Manikyr i kuq i ndezur
Kjo ngjyrë këshillohet për gishta të shkurtër. Të lyer me këtë ngjyrë duken më të gjatë, sidomos nëse mëson edhe të bëni disa truke siç është shtyrja e kutikulave drejt bazës së thoit dhe këta të fundit të mos priten shumë shkurt.
Manikyr rozë dhe perlë
Është i rekomanduar për gishtat e gjatë, këto ngjyra i japin një dimension tjetër formës së thonjve. Nxjerr në pah gjatësinë, që nuk duhet të jetë shumë e tepruar. Para se të vendosësh shtresën e manikyrit, duke qenë se ngjyrat e çelura i nxjerrin më në pah papërsosmëritë, vendos fillimisht mbi thonj një manikyr mbrojtës transparent.
Manikyr i purpurt dhe vishnje Janë tonet e përshtatshme për gishtat e shkurtër të këmbëve. Në këtë rast këto ngjyra aplikohen mbi thonj paksa të gjatë, sepse ngjyrat e ndezura i nxjerrin edhe më pah.
Manikyr violë Nëse ke një këmbë të gjerë, bëje që të duket më e zgjatur, duke i limuar thonjtë në mënyrë ovale paksa të zgjatur dhe duke aplikuar manikyrin në ngjyrë violë në pjesën qendrore të thoit. Edhe ngjyra natyrale e lëkurës është shumë e rëndësishme në zgjedhjen e tonalitetit të duhur të manikyrit. Specialistët e kësaj fushe, para se të aplikojnë manikyrin, i referohen ngjyrës së lëkurës në pjesën e brendshme të pulsit. Nëse lëkura në këtë zonë anon nga e kaltra, zgjedhja duhet të mbështetet në tonet e ftohta, ndërsa tek ngjyrat e ullinjta të lëkurës shkojnë më shumë tonet më të forta.
Lëkura Lëkura e bronzuar kombinohet me ngjyra solare si portokalli, e kuqe dhe reflekse sedefi. Ki parasysh që ngjyra e portokalltë tenton të lërë një aureolë jo të këndshme në pamje të parë, prandaj më parë apliko manikyrin transparent mbi thonj.
Thonjtë e zverdhur nga duhani
Një truk shtëpiak të vjen menjëherë në ndihmë. Futi gishtat në lëng limoni për dhjetë minuta. Ose vendosi në tretësirë kripe të trashë. Kjo metodë është e përdorshme edhe në shfryrjen e duarve. Kujto që herë pas here t’i lësh thonjtë të marrin frymë, edhe pse manikyri krijon një barrierë mbrojtëse nga agjentët e jashtëm. Gjatë kësaj periudhe ushqeji thonj me vaj ulliri.
Si mund ta ndryshojmë shpejt pamjen tonë
Nëse dëshironi ndryshim të shpejtë të pamjes tuaj këtë mund ta arrini duke ndërruar ngjyrën e flokut tuaj. Ngjyrosja e flokëve sjell deri te ndryshimi më i shpejtë i pamjes. Mirëpo ndonjëherë ndodh që ngjyra duket bukur në paketim sesa në flokët tuaj, në të cilët del ndryshe. Prandaj duhet pasur kujdes në zgjedhjen e ngjyrës në bazë të prodhuesit dhe në raport me tonin e fytyrës suaj. Dallojmë dy tipa kryesorë të ngjyrave për flokët: ngjyrat që qëndrojnë gjatë dhe ato që qëndrojnë një kohë më të shkurtër.
Të parat përzihen me hidrogjen i cili çel ngjyrën e flokut dhe depërton më thellë, si duke i dhënë ngjyrë. Ndërsa të dytat i ngjyrosin flokët vetëm sipërfaqësisht dhe janë ngjyra të mira për ndryshimin e tërësishëm të ngjyrës së flokëve. Nëse dëshironi të zgjidhni ngjyrën e flokëve është shumë me rëndësi që ta përshtatni tonin e fytyrës tuaj me ngjyrën e flokëve. Femrat të cilat kanë një ton më të çelët të fytyrës nuk duken mirë me flokë shumë të errët. Nëse ngjyra natyrale e flokut tuaj është kafe është shumë e vështirë që të bëheni bionde. Këtë gjë mund ta arrini vetëm pas një kohe të gjatë të ngjyrosjes duke përdorur të njëjtën ngjyrë dhe të njëjtën nuancë.

[Auroraa]

Si nuk kam perdorur kurr ngjyra te ndezura per thonjte une?...

me pelqejne shume ngjyrat "Nudeee"...ose thonjte French...