Raca e zezë s'ka nivel t'njëjtë intelegjence si raca e bardh

[EMAUS]

Hipotezë gjenetike: Raca e zezë s'ka nivel t'njëjtë intelegjence si raca e bardhë


The Independent, sot në ballinë sjell lajmin se nobelisti Amerikan James Watson është kritikuar për komentet e tija lidhur me racën.
James Watson,gjeneticisti 79 vjec, ka rihapur debatin eksploziv lidhur me racën dhe shkencën gjatë një interviste që i ka dhënë revistës

"The Sunday Times", ku deklaroi se politikat e Perëndimit ndaj vendeve Afrikane kanë qenë gabimisht te bazuara në supozimin se njerëzit e zinj janë po aq te mençur sikur të bardhët perderisa "testimet" e tregojnë të kundërtën.
Ai, përcjell The Independent, ka deklaruar se gjenet që janë përgjegjëse në krijimin e këtyre dallimeve në mes të inteligjencave kanë për tu identifikuar brenda dhjetë-vjetëshit te ardhëm.
Gjatë intervistës, Watson - ka shtuar se dëshira që të gjitha qeniet njerëzore të jenë të barabarta ekziston, por se "njerëzit që kanë punë me racën e zezë, thjesht e kuptojnë se kjo nuk është e saktë".

Keith Vaz, një nga kritikët e Watsonit ka thënë:"Është e dhimbshme të shohesh një shkencëtar të një kalibri të tillë të japë deklarata të tilla, të pabaza, joshkencore dhe tërësisht ofenduese"

-Watson, shkruan The Independent ka siguruar vendin e tij në historinë e shkencës, me punën që ka kryer ne Universitetin e Kejmbrixhit, gjatë viteve të pesëdhjeta dhe gjashtëdhjeta, kur ka qenë pjesë e ekipit që ka bërë zbulimin e strukturës së ADN-së.
Është shpërblyer me çmimin Nobel bashkarisht me dy kolegët e tij të tjerë, Britanikun Francis Krick dhe Mauris Vilkinsin e Zelandes se Re.

The Independent, tutje informon se Watsoni sot mbërrin për vizitë ne Britani, ku ka per të folur rreth librit të tij të ri, "Mos i lodh njerëzit : Mësime nga Jeta në Shkencë".
Nuk është hera e parë që Watsoni jep deklarata skandaloze.

Ai, shkruan The Independent, në vitin 1977 kishte deklaruar për një gazetë Britanike se një grua duhet të ketë të drejtën e abortimit të frytit te saj, po e kuptoi që testet tregojnë se ai femijë ka për të qenë homoseksual.

Pas skandalit që kjo shkaktoi, ai pat thënë se po fliste vetëm per "hipotezë" dhe se kjo në realitet nuk do mund të futej në përdorim.
The Times në ballinë sjell lajmin se punëtorët emigrant në Britani punojnë më gjatë, më me zell si dhe fitojnë më tepër.

Emigrantët në Britani, thotë The Times,kanë etikë më të mirë të punës sesa Britanikët dhe punojnë me tepër orë, duke u semurë me pak se vendasit.
Edhe të ardhurat e tyre janë mesatarisht më të mira për afro 60 sterlina. Në disa rajone megjtihatë ka edhe ankesa se prania e migrantëve ka bërë që numri i krimeve te vogla të jetë në rritje si dhe ka sjellë ngritje çmimesh rreth akomodimit privat.

BBC