Informacione per Kometat (Astronomi)

[boss1]

Ju lutem te me gjeni material qe do te permbaje gjera per kometat si trupa qiellor
Ju lutem sa ma shum material me pas e jo veq prej wikipedia-s

[gjendar]

Kometat


Janë trupa me masë të vogël që rrotullohen rreth Diellit, zakonisht në orbita eliptike. Kometat përbëhën nga trupa të vegjël guri të përziera me gaze të ngrirë.
Ato janë pjesë primitive nga materiali që formoi sistemin diellor 4,6 x 109 vjet përpara. Ato normalisht kanë një diametër prej disa km., dhe përbëhen kryesisht nga kokrriza rëre, ujë të ngrirë, monoksid karboni dhe dioksid karboni. Kometat përmbajnë edhe shumë molekula të thjeshta organike. Shumë kometa mendohet se shtrihen në zonat periferike të sistemit diellor, të njohura si brezi Kuiper dhe reja Oort. Brezi Kuiper ndodhet pak më larg se Plutoni, në formën e një disku që shtrihet gradualisht nga jashtë dhe brenda sistemit diellor. Jashtë brezit Kuiper ndodhet reja Oort, e kometave, të cilat janë vendosur në formën e sferës rreth sistemit diellor. Kometat vëzhgohen me shumë vështirësi ngaqë ato janë shumë larg dhe shumë të vogla në diametër. Kur një kometë i afrohet sistemit të brendshëm diellor ajo merr sasi të mëdha rrezatimi nga Dielli. Ky rrezatim shkrin akujt duke i kthyer në gaze të cilët dalin me forcë nga sipërfaqja në drejtim të hapësirës. Gazi jonizohet dhe shtyhet nga era Diellore duke formuar bishtin e kometës. Kometa formon 2 tipe bishtash. Tipi i parë është i formuar nga jonet dhe tipi i dytë nga pluhuri. Gjatë çdo kalimi kometat humbin shumë lëndë duke u ndarë e thërrmuar. Kështu gjatë orbitave të kometave mbeten pjesë të cilat janë shkaktarë për rënien periodike të meteorëve në momentet kur Toka kalon në vendet ku kanë kaluar kometat.
Kometat gjatë kalimeve nëpër sistemin diellor ndikohen nga graviteti i planeteve, sidomos nga ai i Jupiterit dhe prej kësaj ato mund të ndryshojnë formën e orbitës. Ato mund të bien dhe në Diell për shkak të luhatjeve gravitacionale në orbitat e tyre. Në disa raste perioda e rrotullimit shkurtohet, por në raste të tjera ajo rritet dhe kur orbita e kometës merr formë hiperbolike, ajo shkëputet nga sistemi diellor.

Nuk është matrial i nxjerrur nga Wikipedia.