Samsung me telefona minimal - Galaxy Mini?

[vaaldr1n]

Gjatë ditës së sotme, ne e kemi pasur rastin të shohim disa fotografi dhe specifika të modelit të ri të telefonit Samsung Galaxy S Mini, apo S5830.

Ndërsa në anën tjetër, ne tanimë kemi edhe një telefon tjetër të mençur nga Samsung – linja Galaxy, versionin minimal të këtij prodhuesi i cili quhet Samsung Galaxy Mini.

Me dy telefona të mençur të madhësive minimale, a do të thotë se tregut do t’i shtohen edhe dy telefona të ri Android, të spektrit Galaxy, i cili deri më tani ka qenë shumë i suksesshëm me modelet origjinale të telefonit, tabletit dhe media-playerit.

Merret vesh se Samsung me të vërtetë është duke investuar shumë në linjën e pajisjeve Galaxy, ndërsa për modelet e reja të telefonave Mini, Samsung do të mbështetet në sistemin operativ Android.