Samsung Galaxy S2 më 13 shkurt?

[vaaldr1n]

Ne kemi dëgjuar mjaft zëra që thonë se Samsung është duke punuar për versionin e ri të telefonit të saj të mençur - Samsung Galaxy S2.

Informata e fundit të cilën e kemi dëgjuar për këtë model të telefonit të Samsung thotë se ky telefon do të prezantohet në Kongresin Botëror Mobil në Barcelonë, gjatë muajit shkurt.

Duket se ne mund të kemi një njoftim zyrtar nga Samsung lidhur me Galaxy S2 në 13 shkurt të këtij viti, ndërsa kompania ka publikuar disa imazhe në ueb-faqen e saj Samsung Mobile, në të cilën thuhet se “diçka e madhe do të ndodhë me datën 13 shkurt”.

Pritet që Galaxy S2 të ketë karakteristika të ngjashme me telefonin e Samsung të prodhuar për Google – modelin Nexus S, duke përfshirë Android 2,3 Gingerbread dhe mundësitë NFC.

Gjithashtu pritet që Galaxy S2 të ketë procesor me dy bërthama dhe një xhiroskop, në vend të procesorit me kapacitet prej 1GHz që gjendet në versionin aktual të Galaxy S.