Xhami Dragontrail nga Japonia

**gjendar** · 26-01-2011, 11:06 PM

Gorilla Glass, xhami tejet rezistues i kompanisë së famshme amerikane Corning, tani bëhet me konkurrencë nga Japonia. Gorilla Glass tashmë gjendet në disa telefona mobilë të mençur (si Galaxy S), televizorë dhe laptopë, ndërsa bëhet fjalë për një lloj të posaçëm xhami tejet rezistues ndaj grishjeve dhe mbështjelljes.
Kompania japoneze Asahi Glass (AGC) ka prezantuar zyrtarisht Dragontrail, xhamin me veti të ngjashme dhe të dedikuar po ashtu për telefona mobilë të mençur, tabletë, kompjuterë dhe televizorë. Sipas të dhënave të prodhuesit, Dragontrail i forcuar kimikisht është gjashtë herë më i fortë në krahasim me xhamin mbrojtës klasik dhe shumë më rezistues ndaj grishjeve.
Dragontrail është ekologjikisht i pranueshëm dhe nuk përmban arsenik, plumb apo materiale tjera të dëmshme. Kjo kompani deri në vitin e ardhshëm pret kërkesë të madhe për Dragontrail dhe shitje në një vëllim prej rreth 360 milionë dollarësh.