Procesorët Intel Sandy Bridge kanë një difekt

[gjendar]

Inxhinierët e Intelit kanë zbuluar një bug në silikonin e serisë 6 të çipsetëve, të dedikuar për të qenë përkrahje për procesorët Core i Sandy Bridge (H67, P67...). Problemi është në vetë silikonin dhe kërkon të ashtuquajturin “fiks silikoni”, ndërsa bëhet fjalë për rënien e performansave SATA me kalimin e kohës. Liferimi i çipseteve është ndalur, ndërsa fiksi është futur në sasitë e reja, kështu që pllakat amë tashmë të liferuara me siguri që do të duhet të tërhiqen.
Lajmi i keq ky edhe për kompanitë partnere, pasi që kjo gjë me siguri do të ngadalësojë pranimin e platformës së re. Inteli tashmë ka ndarë 300 milionë dollarë për të mbuluar dëmin, por thuhet se kjo është kostoja vetëm për çerekun e parë të këtij viti dhe se planifikohen që kësaj shume t’i shtohen edhe nja 700 milionë dollarë tjerë për ndërrimin apo zëvendësimin e pllakave amë me defekt. Pasi që çipseti është i ngjitur për pllake, këto para me siguri që do të shpenzohen për të marrë prapa pllakat nga blerësit, pasi që dyshojmë që ky çipset mund të ndërrohet. Sido që të jetë ky gabim do t’i kushtojë Intelit të paktën 1 miliardë dollarë. Edhe pse çipseti ka kaluar testet rigoroze, gabimi në kontrollorin SATA 3 Gbps është zbuluar vonë dhe mund të sjellë edhe rritje të gabimeve në komunikim me disqet me kalimin e kohës, dhe në fund edhe deri tek shkyçja totale e portit SATA.
Çipi i ridizajnuar do të fillojë t’u liferohet partnerëve OEM kah fundi i shkurtit.