Patentë për Alonson në Shqipëri

[Altin111]

"Fiks Fare" nxjerr patentë për Alonson



Gazetarët e emisionit satirik nxjerrin në Gjirokastër dokumentin fals për ish-kampionin e Formula 1

Ish-kampioni i botës në Formula 1, Fernando Alonso, është pajisur me patentë shqiptare kombëtare dhe ndërkombëtare. Gazetarët e "Fiks Fare" kanë pajisur me leje qarkullimi ndërkombëtare dhe kombëtare ish-kampionin e botës në Formula 1. Nxjerrja e kësaj patente ishte mjaft e thjeshtë. Gazetarët e "Fiks"-it shkuan në disa autoshkolla. Në njërën prej tyre gjetën edhe një sekser, i cili merrte përsipër nxjerrjen e patentave për drejtim makine pa u paraqitur fare në provim dhe pa bërë asnjë ditë kurs. Gjatë bisedës me sekserin, u mësuan edhe çmimet e tregut, kuptohet me pagesa që bëhen nën dorë. 70 mijë lekë të reja kushton nxjerrja e një patente për një person, i cili nuk bën asnjë ditë kurs, por duhet të paraqitet në provim. Paraqitja në provim është sa për sy e faqe, sepse çfarëdo që të shkruajë në fletën e provimit, patentën e ka të marrë. Por nëse preferon të mos paraqitet fare në kurs, i duhet të paguajë më shumë për të marrë patentën. Dhe për këtë nevojiten 100 mijë lekë të reja. Sekseri merr përsipër nxjerrjen e patentës në të dyja variantet. Sigurisht, nëse je në gjendje të paguash. Patenta që "Fiks Fare" i nxori Fernando Alonsos përmban fotografinë e tij, por me gjeneralitete të tjera. Vendlindja e tij është Gjirokastra. Alonso është 27 vjeç.


Kamera e fshehtë


Falsifikatori: Si i keni hallet? Kush interesohet për një djalë..., për një me mbiemër Miho apo jo?

Fiksi: Jo, jo.

Falsifikatori: Hë. Për kë e ke?

Fiksi: Kam një vëlla. Për një patentë.

Falsifikatori: Po. Ku është vëllai?

Fiksi: Në Greqi. Nuk vjen. Ka ca probleme.

Falsifikatori: Pa personin nuk flas dot fare.

Fiksi: Nuk vjen dot ai...

Falsifikatori: Vetëm emër, mbiemër, firmë. Edhe një herë: 700 mijë është të vijë vetë personi, ta shikojë vetë në fytyrë.

Fiksi: Po.

Falsifikatori: Një milion që të mos vijë fare. Sepse ka edhe një gjë, kusht sigurie. Gishti presupozon që nuk vodha unë, por vodhi ai. Gishti futet në patentë.

Fiksi: Po.

Falsifikatori: Gjaku, grupi... Kështu që, në këto kushte unë flas kështu. Po më dëgjove mua, regjistroje, t‘i vëmë mandat-pagesën e regjistrimit, dyqind e pesë mijë lekë. Faturë shtetërore. Nuk erdhi, lekët i merr. Erdhi..., i shikon fytyrën. Kështu siç them unë, me certifikatën, hedh emër, mbiemër, firmën... je i larguar me 700 mijë lekë. Të jetë zero zero.

Fiksi: Duam që t‘i dërgojmë patentën. Nuk bëhet gjë?

Falsifikatori: Nuk kam.

Fiksi: Ndonjë nga këto...

Falsifikatori: False? Bëhet. Por ashtu është muhabeti. Unë jap origjinale.

Fiksi: Sa?

Falsifikatori: Nuk e di kush ka qenë ai dashamirës që të ka dhënë ty emrin, por shiko se mos lakohet emri im në ndonjë vend, se më fute në burg. Ta them me shpirt. Nuk njihemi, por unë të respektoj si moshë, si njeri që vjen me adresë… nuk e di, ndonjë dashamirësi im ka qenë ai që të ka dhënë numrin, por po të them pastër dhe me sinqeritet. Të dhashë patentën, bashkë nuk njihemi.

Fiksi: As mos ki merak.

Falsifikatori: Kështu që… Ajo punë bëhet që nuk ka pikë që ta dallojë. Kartoni nga ato me ngjyra.

Fiksi: Ato që kanë bërë tani.

Falsifikatori: Ato që kanë dalë tani. Me të gjitha koeficientet që ka. Ajo do të ketë numrin e këtij e do thotë, i bije kompjuterit 0754... Më jep një karton të ri Astrit! Një patentë ta shikoj një çikë.

Astriti: Patentë?

Falsifikatori: Një patentë të re.

Fiksi: Nëse ia dërgojmë në Greqi?

Falsifikatori: Për në Greqi ajo të nderon. Patentën e vogël dhe një ndërkombëtare, numrin e së voglës të ketë edhe e madhja..., ajo të nderon. U lamë. Origjinal siç është kjo. Nuk ka asnjë presje mangët. Këtë kopertinë, këto të dhëna. Dy fotografi dhe të dhënat. Emër, mbiemër, çfarë ka këtu.

Fiksi: Certifikatë duhet?

Falsifikatori: Duhet certifikatë. Dua emër, mbiemër siç e thotë ky.

Fiksi: Të dhënat e personit.

Falsifikatori: Dhe unë, me të dhënat e këtij do të vë emrin e atij dhe fotografinë. Në fotografi duhet të dalë kështu, e zvogëluar të jetë fytyra e tij, që ta shikojë polici dhe të thotë ‘po ky qenka‘. Dy llafe. Çfarë klasi e do ai? B, C? Çfarë e do ai? B është vetura, C vihet në një germë tjetër, presupozon kamionin. Unë them regjistroje… Do ta regjistrosh, po të them, do të mbash kontakt me mua, të them unë hajde. Kur të them unë hajde do të thotë që ai duhet të vijë. Ta shikoj. Ja certifikata… E shikon. Hidh firmën, i thotë, gishtin dhe ik. Mbaroi filmi. Me kaq lekë sa të thashë unë. 700 mijë lekë me regjistrim, me karton, me atë të komisionit, me çfarë janë dhe nuk janë.

Fiksi: Vihet nga Tirana?

Falsifikatori: Vihet nga Tirana. Pretendohet që një shoku im të vihet drejtor. Sot ka vajtur çanta në Tiranë me lekë. Siç e ka ai. Hidhen në erë ato. Bram. Bjer të dhënat. Për 24 orë e ke. Sot ma dhe, nesër e ke.

[ReniX]

wow prit per me mire por gjera sa me habitura ndodhin

*duhet te bejme dicka