INTERPOLI/ Persona në kërkim nga policia, të ekstraduarit

[EMAUS]

INTERPOLI/ Persona në kërkim nga policia, të ekstraduarit


Të kërkuarit me operacion plastik në fytyrë





Jo rrallëherë i ka ndodhur zyrave të Interpolit në shtetet e huaja, që emrat e të kërkuarve shqiptarë t’u mbeten në skeda të futura në sirtarë. Kjo, jo për faktin se nuk kanë mundur profesionalisht të bëjnë punën e tyre, porse rafinimi i veprimtarisë shqiptare ka shkuar deri aty sa ndryshimi i identitetit të mbetet një fshehje foshnjarake, përballë një veprimi tjetër.

Quhet operacion plastik dhe kur u arrit për herë të parë në Shtetet e Bashkuara të Amerikës, mjekët thanë se bëhet vetëm për estetikë, vetëm për t’u dukur i bukur, e vetëm për të hequr mënjanë ca vite jetë, të paktën në sy të të tjerëve. Por dalëngadalë teknologjia alla amerikane ndryshoi edhe destinacion. Në punë e vunë edhe të kërkuarit, të cilët mundohen t’u shpëtojnë policisë, por jo vetëm ata matanë Atlantikut.

Sipas një raporti të zyrës së Interpolit në Ministrinë e Brendshme, bëhet e ditur se shumë të kërkuar shqiptarë kanë kryer operacione plastike në fytyrë. Duke i shtuar kësaj edhe ndryshimin e identitetit, ata i kanë shpëtuar prangave.

Numri i të kërkuarve

Zyra e Interpolit nuk jep emra konkretë për ata që i kanë shpëtuar arrestimit. Por policia ka shpallur në kërkim 2100 persona. Këta të fundit akuzohen për vepra të ndryshme penale. Ndërkohë, të njëjtat burim pohojnë se janë identifikuar disa persona në kërkim, madje edhe vendndodhjet e tyre, por mbahen në sekret të plotë, pikërisht për efekt të këtij kërkimi.

Deri tani ka të dhëna në rrugë operative për disa prej tyre. Të njëjtat burime flasin se ata qëndrojnë në disa shtete perëndimore si në Itali, Greqi e deri në Spanjë. Por, pikërisht nga frika e identifikimit dhe arrestimit, ata nuk qëndrojnë në qendra të mëdha urbane, por në zona të thella dhe në fshatra që kanë shumë pak banorë.

Bëhet fjalë për persona që kanë vrarë në Shqipëri dhe kanë mbi supe një akuzë që minimumi mund të arrijë 25 vjet burg nga gjykatat. Ndërkohë, nga zyra e Interpolit për këtë vit janë ekstraduar 40 persona. Këta të fundit kanë mbërritur në Shqipëri nga vende të ndryshme, duke filluar nga Kosova dhe deri në SHBA.

Analizat e AND-së nuk i hyjnë në punë policive të shteteve të huaja
Analiza e gjakut që identifikon njeriun duket se për disa të kërkuar nuk hyn në punë. Ata i shmangen kalimit të kontrolleve në aeroporte, në dogana, në stacione policie e të tjerë. Kështu që e kanë më të lehtë për t’iu shmangur njerëzve me uniformë. Kësaj i shtojnë edhe ndonjë martesë me ndonjë vajzë vendase dhe e humbasin fare identitetin. Të dhënat flasin se madje edhe vendin nga ata vijnë nuk e thonë më se është Shqipëria.

Shtetet ku fshihen të “plastifikuarit”

Vendi i parë është Greqia, pikërisht aty ku jetojnë mbi 600 mijë shqiptarë. Madje, sipas të dhënave statistikore, në shtetin fqinj jugor janë të strehuar shumica e “ilegalëve”. Të dhënat flasin se ata janë strehuar në disa ishuj jugorë, në kufi me Turqinë për të pasur sa më shumë punë me patriotët shqiptarë nga edhe mund të spiunohen dhe demaskohen.

Në vend të dytë është Italia. Në Apenine qëndron kategoria e dytë e të kërkuarve me operacion plastik. Fshihen në zonat jugore dhe në gadishullin e Sicilisë dhe janë të inkuadruar edhe në fijet e mafies. Pjesa e tretë ndodhet në Spanjë, një vend ekzotik për emigrantët shqiptarë.
Vendi me 35 milionë banorë ka avantazhin se nuk është i frekuentuar, vendndodhja e tij është larg Shqipërisë dhe nuk ka asnjë afërsi. Ndërkohë ka edhe disa vende të tjera, si në gadishullin Skandinav, në pjesën ekstreme të Evropës Lindore, si në Moldavi, Armeni e ndonjë shtet tjetër. Por ato janë të papërfillshme.

Te dhena

Operacionet plastike kohët e fundit janë të preferuarit e personave që janë shpallur në kërkim nga policia

Veprat penale që akuzohen personat në kërkim kanë në Kodin Civil një dënim nga 25 vjet burg deri në burgim të përjetshëm

Shtetet ku fshihen të kërkuarit janë: Spanja, Greqia, Moldavia, Italia, si dhe vende të tjera

Vendet ku qëndrojnë të kërkuarit, të cilët qëndrojnë në këto shtete janë vende të thella si fshatra, por edhe qytete jo shumë të banuara

Analiza e ADN-së është një nga mënyrat që policia të mund të bëjë të mundur identifikimin e personave në kërkim


Çfarë janë operacionet plastike

Operacionet plastike janë ndërhyrjet kirurgjikale në një pjesë të fytyrës ose trupit, me qëllim ndryshimin e saj. Në Shqipëri ende nuk ka marrë “hov” kirurgjia plastike.
Kjo, pasi gjinia e këtyre operacioneve ka vetëm 15 vjet që ka hyrë në vendin tonë. Ndërkohë, para viteve ‘90 në vendin tonë kur flisje për kirurgji plastike nënkuptohej vetëm ndërhyrja për të rregulluar mangësitë e flokëve apo ndonjë defekt të lehtë të lëkurës aty ku djegia nuk ishte e thellë dhe e gjerë.

Sipas specialistëve, megjithëse në vendin tonë bëhen disa lloje operacionesh plastike, ende kjo fushë mbetet e palëvruar. Kështu, ndërsa në vendet e tjera të botës kirurgjia plastike nuk përdoret vetëm për efekt estetik, por edhe për “maskime” në Shqipëri ajo ende s’ka kapërcyer nivelin mesatar.

Në Shqipëri, operacion plastik në hundë

Në Shqipëri mund të realizohet vetëm operacioni plastik në hundë, pasi në fytyrë në vendin tonë ende nuk ka mbërritur teknologjia. Operacionet kryhen me anestezi gjenerale ose të pjesshme.
Pacienteve u intereson më shumë e para, ndërsa doktorët kanë më të preferuar anestezinë e pjesshme, sepse ka me pak rrjedhje gjaku dhe më lehtësi në procedurat e ndërhyrjes. Por nuk mund të lëmë mbrapa as çmimet e këtij operacione që vitet e fundit ka dalë në modë për shqiptarët. Por, tani në pavijonin e plastikës në qendrën spitalore universitare “Nënë Tereza” bëhen operacione plastike edhe të veshëve, buzëve e gjoksit.

Te ekstraduarit per vitin 2005

1. Alketa Shaqiri është ekstraduar nga Greqia, dënuar me 15 vjet heqje lirie për veprën penale të trafikimit të fëmijëve

2. Shaban Gashi është ekstraduar nga Tirana për në Kosovë, sepse ishte i kërkuar për veprën penale të vrasjes

3. Ramiz Dusha është ekstraduar nga Italia, sepse ishte i kërkuar për veprën penale të vrasjes

4. Gëzim Dedje është ekstraduar nga Italia, sepse ishte dënuar me 7 vjet burg për shfrytëzim të prostitucionit në rrethana rënduese

5. Klodian Lato është ekstraduar nga Greqia, sepse është dënuar me 8 vjet burg për shfrytëzim prostitucioni në rrethana rënduese

6. Gëzim Marku është ekstraduar nga Italia, ishte dënuar me 10 vjet heqje lirie për veprën penale të vjedhjes me armë

7. Lefter Licka është ekstraduar nga Italia, ishte dënuar me 15 vjet heqje lirie për veprën penale të vrasjes

8. Klodian Shehu është ekstraduar nga Italia, ishte dënuar me 7 vjet e 7 muaj heqje lirie për veprën penale të trafikut të drogës

9. Besnik Plaku është ekstraduar nga Greqia, ishte i kërkuar për plagosje të rëndë

10. Arben Memolla është ekstraduar nga Greqia, ishte dënuar me 15 vjet heqje lirie për veprën penale të vrasjes

11. Valmir Shaqiri është ekstraduar nga Greqia, sepse ishte dënuar me 18 vjet heqje lirie për veprën penale të trafikut të fëmijëve

12. Astrit Shaqiri është ekstraduar nga Italia, ishte dënuar me 15 vjet burg për veprën penale të trafikut të fëmijëve

13. Dashamir Kica është ekstraduar nga Italia, ishte dënuar me 17 vjet heqje lirie për veprën penale të vrasjes me dashje

14. Aurel Prifti është ekstraduar nga Greqia, sepse ishte dënuar me 5 vjet burg për vrasje me dashje të mbetur në tentativë

15. Sajmir Tërkuqi është ekstraduar nga Italia, sepse ishte dënuar me 11 vjet heqje lirie për veprën penale të vrasjes

16. Maltin Musaj është ekstraduar nga Greqia, sepse ishte dënuar me 17 vjet heqje lirie për veprën penale të vrasjes me dashje

17. Arian Ndërvataj është ekstraduar nga Italia, ishte dënuar me 12 vjet burg për veprën penale të vrasjes së mbetur në tentativë

18. Selim Sina është ekstraduar nga Italia, ishte dënuar me 25 vjet burg për vjedhje me armë, me pasojë vdekjen

19. Kasandër Noga është ekstraduar nga Italia, ishte dënuar me burgim të përjetshëm për veprën penale të vrasjes

20. Sajmir Tërkuqi është ekstraduar nga Greqia, ishte dënuar me 25 vjet heqje lirie për veprën penale të vrasjes me paramendim

21. Petrit Marku është ekstraduar nga Italia, ishte i kërkuar për veprën penale të vrasjes

22. Afron Vrusho është ekstraduar nga Belgjika, sepse ishte i kërkuar për veprën penale të shfrytëzimit të prostitucionit

23. Llesh Prenga është ekstraduar nga Italia, ishte i kërkuar për veprën penale të vrasjes

24. Pashk Ndoj është ekstraduar nga Italia, ishte i kërkuar për veprat penale të vrasjes me paramendim dhe armëmbajtjes pa leje

25. Fatmir Kuçi është ekstraduar nga SHBA-ja, sepse akuzohet për veprën penale të trafikut të lëndëve narkotike

26. Shkëlqim Sula është ekstraduar nga Kosova, ishte dënuar me burgim të përjetshëm për veprën penale të vrasjes

27. Latif Balla është ekstraduar nga Italia, ishte dënuar me 6 vjet burg për vjedhje me dhunë në bashkëpunim dhe mbajtjes pa leje të municioneve luftarake

28. Buran Aliraj është ekstraduar nga Greqia, ishte dënuar me 25 vjet burg për vrasje me paramendim dhe armëmbajtje pa leje

29. Ferdinant Sula është ekstraduar nga Italia, ishte dënuar me 20 vjet burg për veprat penale të vrasjes dhe armëmbajtjes pa leje

30. Asqeri Radeshi është ekstraduar nga Greqia, ishte dënuar me 20 vjet burg për vrasje, plagosje dhe armëmbajtjes pa leje

31. Nazif Lleshi është ekstraduar nga Italia, ishte dënuar me 9 vjet heqje lirie për veprën penale të vjedhjes me dhunë

32. Arben Haxhihyseni është ekstraduar nga Italia, ishte dënuar 25 vjet për vrasje me dashje në bashkëpunim dhe plagosje të rëndë me dashje

33. Besnik Luca ekstradohet nga Italia, sepse ishte dënuar me 25 vjet heqje lirie për veprën penale të vrasjes me paramendim

34. Bujar Salija është ekstraduar nga Greqia dhe dënuar me 20 vjet burg për vrasje me dashje

35. Ilirjan Lalaj është ekstraduar nga Rumania, është dënuar me 6 vjet për shkelje të rregullave të qarkullimit, me pasojë vdekjen

36. Perikli Fushtani është ekstraduar nga Greqia, është dënuar me 5 vjet për plagosje

37. Zarif Konjuri është ekstraduar nga Gjermania, është dënuar 20 vjet për veprën penale të vrasjes me dashje

38. Shkëlqim Sula është ekstraduar nga Kosova, sepse ishte në kërkim për vrasjen e një polici

39. Saimir Petani është ekstraduar nga Italia, sepse ishte dënuar me 25 vjet heqje lirie, për vrasjen e Romeo Beqiri

40. Bashkim Xhika është ekstraduar nga Anglia, sepse ishte dënuar me 13 vjet burg për grabitje të pasurisë së tjetrit




Aulona KADILLARI