10 mizori te femrave ndaj meshkujve

**Erinaa** · 19-02-2011, 04:37 PM

Nuk përgjigjen në telefon
Mezi i keni bindur që t’u japin numrin e telefonit dhe ndjeheni krenarë për veten. Sharmi dhe paraqitja juaj i kanë bërë përshtypje. Fatkeqësisht, kur përpiqeni t’i telefononi nuk përgjigjet, ose më keq akoma, mund t’u ketë dhënë një numër telefoni të rremë.

Përdorin meshkujt për pije falas
Disa femra kur dalin planifikojnë që të mos shpenzojnë asnjë qindrakë për pije në bare a klube. Kështu ato përdorin dredhitë femërore për të bindur meshkujt që t’u paguar pijet. Deri sa arrijnë qëllimin e tyre ato flirtojnë pak, buzëqeshin e në fund ikin në punën e tyre.

I përdorin meshkujt si port
Mbase keni qenë në një marrëdhënie për disa kohë dhe keni vënë re se ajo ka filluar të hedhë sytë sa andej këtej. Zihet më shpesh me ju ose nuk zihet fare. Shoqet e saj e lënë muhabetin përgjysëm sapo ju afroheni. Ajo e ka ndarë mendjen t’ju lërë por është nga ato femrat që duhet të gjejë më parë një tjetër.

Manipulojnë meshkujt emocionalisht
Meshkujve nuk u pëlqen t’i shohin femrat duke qarë dhe disa prej tyre shfrytëzojnë këtë fat dhe e përdorin për të arritur atë që duan. Në përgjithësi, femrat janë më emocionale se meshkujt dhe është e lehtë për të përdorin dobësinë e meshkujve për të arritur qëllimet e tyre.

Përdorin dhunën fizike
Meshkujt janë rritur me idenë se të godasësh një femër është diçka rreptësisht e ndaluar. Fatkeqësisht, ka disa femra që e përdorin këtë aspekt të meshkujve për të fituar kontroll mbi ta. Në mendjen e disa femrave është e pranueshme të gjuajnë një mashkull me shuplakë, ndërkohë që e kundërta shihet prej tyre si mizori.

Kritikojnë meshkujt në publik
Një tendencë në rritje në shfaqjet televizive është përshkrimi i meshkujve si idiotë, ndërkohë që bashkëshortet dhe të dashurat e tyre janë inteligjente dhe të bukura. Kjo mund të kontribuojë në jetën reale dhe femrat ta konsiderojnë si normale që të kritikojnë meshkujt e tyre në publik.

Nuk tregojnë statusin e marrëdhënies
Ju mund të vini në punë lëvizjet tuaja më brilante dhe duket se po bëni progres me një vajzë simpatike që s’ka shumë që e keni takuar. Kur arrini në pikën që mendoni se mund t’i kërkoni pa frikë numrin e telefonit ajo u thotë: “Unë kam të dashur”. Sigurisht, do kishte qenë shumë mirë sikur t’ua kishte thënë që në fillim.

Refuzojnë marrëdhëniet intime
Kjo është diçka që femrat e bëjnë për shekuj me radhë. Ato përfshihen një raport dhe refuzojnë marrëdhëniet intime për sa kohë ta shohin të arsyeshme, ose e përdorin si formë presioni për të marrë atë që duan, ose thjesht për të ndëshkuar mashkullin që kanë në krah për një sjellje që atyre s’u pëlqen.

Testojnë meshkujt
Ju mund të jeni bërë gati të dilni me miqtë tuaj, kur e dashura ju telefonon dhe u kërkon të ndryshoni planet e të dilni me të. Ajo e di se kishit bërë plane më përpara, por mendon dhe thotë se nëse do e donit vërtet atëherë do i ndryshonit planet pa u menduar gjatë.

Flirtojnë për të bërë meshkujt xhelozë
Mbase ajo ndjehet e nënvlerësuar, ose mbase sapo jeni zënë, ose mbase thjesht i pëlqen ajo pamja e fytyrës tuaj të torturuar. Cilado qoftë arsyeja, vajzat që flirtojnë me meshkuj të tjerë në prani të të dashurve të tyre janë manipuluese dhe të papjekura.