Është vëndi im, u linda këtu e do vdes këtu

[Mona]

Kremtimi i përvjetorit të tretë të Pavarësisë së Kosoves
në Shkollën e Mesme Profesionale Bujqësore “Kamëz”

Me datë 17 Shkurt, nxënës dhe mësues të shkollës së mesme Profesionale Bujqësore “Kamëz“ , u mblodhën në një nga ambjentet e shkollës për festuar vitin e tretë te Pavaresisë së Kosovës, një ditë që shpresojmë që i zgjidhi padrejtesitë edhe udhëkryqet e historisë ndaj shqiptareve të Kosovës. Njohja nga 75 shtete të botës po e fuqizon vullnetin ndër shqiptarë që këtë festë, shqiptarët ta konsiderojnë një festë kombëtare duke pasur një konsideratë dhe mirënjohje ndaj UÇK-ës,SHBA-së,Belgjikës, Gjermanisë, Francës ,Italisë dhe shteteve mike që e njohën Republikën e Kosovës si shtet ne vete.

Të ftuar nderi në aktivitetin festiv të shkollës , ishin dy ish luftëtarë vullnetarë të luftës për çlirimin e Kosovës, z. Dilaver Goxhaj, i njohur gjat luftës me emrin Shpëtim Golemi, i cili gjat luftës ka mbajtur detyrën zëvëndës shef i shtabit të përgjithshëm të UÇK-së, z.Adem Shehu, me pseudonimin Komandanti, pasi gjat luftës ka mbajtur detyrën Komandant i brigadës 153 të UÇK-së.

Z.Dilaver Goxhaj, u lind dhe u rrit në qytetin e Gjirokastrës, oficer karriere në Ushtrinë Shqipëtare, dal në pencion të parakohshëm me gradën e Kolonelit. 10 vitet e fundit në ushtrin shqipëtare ka kryer detyrën e Shefit të Shtabit të Mbrojtjes Kundërajrore dhe Aviacionit në Akademinë e Shtabit të Përgjithshëm të Ushtrisë Shqiptare. Pesë vjet pas dalies në lirim u paraqit vullnetarisht në ushtrin çlirimtare të kosovës
Z. Adem Shehu, u lind dhe u rrit në qytetin e Tiranës, oficer karriere në Ushtrinë Shqipëtare me gradën e Majorit. Vitet e fundit në Ushtrin Shqipëtare ka kryer detyrën e Shefit të Shtabit të brigadës së Mbrojtjes Kundërajrore të Tiranës. Z. Adem Shehu u shkëput nga rradhët e ushtrisë shqiptare për tu bashkuar me Ushtrin Çlirimtare të Kosovës.

Në aktivitet i pari mbajti fjalën drejtori i shkollës z,Shefki Skarra, i cili falenderoi të ftuarit që na nderuan me pjesmarrjen në aktivitetin e shkollës tonë, si dhe duke uruar tre vjetorin e pavarsisë së Kosovës, kërkoi të mbahet një minutë heshtje për të rënët në luftën për çlirimin e Kosovës

Aktiviteti vijoi me një video – montazh të pregatitur nga nxënësit e klasës 41Hoteleri-Turizëm, me pamje filmike dhe fotografi nga lufta për çlirimin e Kosovës. Video-montazhi zgjati 12 minuta, pamjet ishin sa prekse dhe madhështore, ndjenja e krenarisë dhe atëdhetarizmit shkriheshin në një.

Is my land, i born here, and i will die here. (është vëndi im, u linda këtu dhe do të vdes këtu) kjo ishte një fjali e thën në këtë video – montazh nga Dëshmori i Kombit Bekim Berisha me pseudonimin Abeja

Aktiviteti vazhdoi me dy vjersha kushtuar Pavarsisë së Kosovës dhe Dëshmorëve që flijuan veten për këtë dit të bardhë, 17 Shkurt 2008

Ja, më në fund erdhi dhe çasti i provës,
si një trup i vetem u ngritem bashkë,
ne, që pa hile e deshëm Kosovën
dhe UCK-në, dalëzotësen e saj.

Ne thyem një armik të egër,
ndaj me të drejtë jemi krenarëë
për atë që bëmë me vete botën
dhe për lavdinë që pas e lamë.

Më 17 Shkurt 2008
Zura buzëqeshjen e Kosovës
Siç zë fotografi tabllotë...
Për fotografi artistike

Më 17 Shkurt 2008
Më zuri Deti i Dhëmbjes
Për ata Ata që ëndërruan
Luftuan dhe ranë, e s'e pritën, E s'e panë

NEW BORN
O Zot sa Zi më zë
Si na zë Zija natën në mal
Neve të gjallëve. O Zot. Si pa ata?-

NEW BORN
Më 17 Shkurt 2008
Ndodhi përjetësia
Për artin e flijimit
Siç ndodh lindja e një ylli
Zot Yni dhe NEW BORN

Në vijim fjalën e morën veteranët, të cilët përshkruan, situatat e vështira që kishin kaluar në luftën e përgjakshme kundër okupatorit sërb.

Z. Dilaver Goxhaj, foli rreth krijimit dhe organizimit të UÇK-së, duke ndaluar më gjërsisht në strategjinë dhe taktikat e përdoruara nga UÇK-ja, duke krijuar para dëgjuesve një panoramë të qartë mbi UÇk-në, e cila ka qënë një ushtri e rregullt vullnetare, guerile.
z. Adem Shehu, u përqëndrua kryesisht në veprimet luftarake të asaj brigade, e cila pati zhvilluar aktivitetin e sajë luftarak në Malësinë e Gollakut.
Pas kësaj rezumeje të shkurtër nga të ftuarit, vijuan pyetjet pa fund nga pjesmarrsit në aktivitet, nxënës dhe mësues, ku pas përgjijgeve të të ftuarve pati shpesh herë edhe ovacione .
Mes shum pyetjeve:

Pyetjes Cila ka qën situata më e vështir për ju gjat luftës në radhët e UÇK-së, drejtuar z. Adem Shehu, z.Adem SHehu u përgjigj.

Duhej të çanim rrethimin, kishim 12 ushtarë të plagosur rëndë që duhej ti çonim në spital, përpara se të niseshim, u them djemve dhe vajzave të brigadës , që të shkojm përpara, mund edhe të biem në dor të armikut, mendohuni përpara se të nisemi, ata mu përgjigjën; - vazhdojmë rrugën zoti komandant , kemi bër gati granatat e dorës, në rast rreziku do vrasim veten me granatë dhe në dorë të armikut nuk biem. Në brigadë pjestar ishte dhe një mësues fizike, me mësuesin ishin dhe shum nxënës të tijë. Djem dhe vajza në moshën 17 – 18 vjeçare, i sygjerova që të ktheheshin pran familjeve, të largoheshin nga lufta pasi ata ishin shum të rinj, por nuk pranuan ata thanë; - kemi ardhur me mësuesin do luftojmë përkrah tij, dhe do vdesin po qe nevoja për tokën ton., lirinë e popullit tonë

Pyetjes Çfar ju lidh me Heroin e popullit tone Xheladin Beqiraj me pseudonimin Karadaku dhe me origjin nga Kosova, I cili ra dëshmor në luftën nacional çlirimtare të Shqipërisë? Drejtuar Z.Dilaver Goxhaj , z. Dilaver u përgjigj

Në 25 korrik të vitit 1999, një muaj pasi kish mbaruar lufta në Kosovë, isha i ftuar nga komuna e Vitisë të merrja pjesë në mitingun madhështor që ajo organizonte në fshatin Tërpezë të krahinës së Karadakut, me rastin e kthimit në Atdhe pas 54 vjetësh të patriotit të madh Hysen Tërpezës. Unë mbrita me vonesë në miting, kishin folur dy-tre persona. Me të mbritur në tribunë, menjëherë njoftuan publikun se do t’i përshëndeste koloneli nga Shqipëria, ku ishte mbledhur gjithë krahina, mbi 15 mijë njerëz, ndoshta edhe më shumë. Ishte mitingu i parë i pasluftës. Ishte dhe hera e parë që une ftohesha të flisja në një grumbullim të tillë. Nuk dija ç’të flisja, isha i papergatitur, pasi atë ditë më njoftuan se do të isha i vetëm si përfaqësues i Ministrisë së Mbrojtjes së Kosovës. Mirëpo prezantuesi foli fjalë shumë të larta për mua dhe më vuri në pozitë të vështirë. Që të zhvleftësoja sado pak ato lavdërime që u thanë për mua, menjëherë më shkoi mendja që unë ndodhesha në krahinën e Xheladin Beqirit dhe vendosa të flisja për të, dhe, midis të tjerash, thashë: “Faleminderit parafolësit që tha ato fjalë aq të mira për mua, por unë nuk kam bërë ndonjë gjë të veçantë, vetëm se i kam kthyer borxhin një djalit të krahinës tuaj. Ai është Xheladin Beqiri, i cili në kohën e regjimit të Zogut qe larguar nga Kosova për të mos e arrestuar serbët për një vrasje të një xhandari që e kish rrahur. Pat ardhur në Labërinë timë, në Kurvelesh. Kur filloi lufta jonë nacionalçlirimtare ai ishte ndër të parët që u rreshtua në radhët e çetës së Kurveleshit, çeta e dytë në Shqipëri, pas asaj të Pezës, bashkë me babanë tim. Në luftën për mbrojtjen e Kongresit të Përmetit ai u vra bashkë me një nga dajot e mi që ishin partizanë të Brigadës së Parë Sulmuese Shqiptare. Është i pari Hero i Popullit i shpalluar në Shqipëri pas asaj lufte.

Në përfundim të pyetje-përgjigjeve, në shenj falenderimi, rrespekti dhe nderimi për kontributin e tyre në luftën për çlirimin e Kosovës, dy zotërinjve iu dha nga një dhurat
simbolike, nga ana e grupit të senatit të shkollës

Gëzuar pervjetori i tretë i pavaresisë së Kosovës“!
Rroftë populli shqiptar! Rroftë Bashkimi Kombetar!
Gëzuar,gëzuar e urime ju,Përvjetori i shtetësisë.Ëndërr e kahmotshme e Dardanisë, E motrës sate Kosovë.gjysma e trollit të Shqiperisë.Një urim si ky historik,gjeti shumë nëna më lot në sy,Për djemët e tyre qe ranë martir,Të tokës se vet,të trullit Ilir.
Aktiviteti u organizua nga:
1- Klasa 41 Hoteleri – Turizëm, me mësuese kujdestare Rajmonda Përmeti
2- Senati i Shkollë - me kordinatore mësuese Miranda Hysa
3- Drejtoria e Shkollës, me drejtor z.Shefki Skarra, nëndrejtoreshë znj.Arbana Berisha


Materiali u përpilua nga mësuese Rajmonda Përmeti

[Mona]

Kanali televiziv ABC me dat 17 Shkurt transmetoi një emision prej 40 minutash , ku flitet për shtetas të Republikës së Shqipërisë, të cilët luftuan dhe derdhën gjakun për lirinë e Kosovës

[Erinaa]

Mona ke pershendetje me te sinqerta nga un me pelqu shum ky shkrim..

[gjendar]

Faliminderi qe na solle kete shkrim fantastik Mona

Lus Zotin qe sa me shpejt te jemi njeri Shqiperi e madhe

[Mona]

Më vjen mirë që ju ka pëlqyer materiali,
Në këtë aktivitet që u zhvillua në shkollën ku un punoj, pa e ekzagjeruar nuk ngeli pjesmarrës pa derdhur lot, gjat tregimeve që bën ish luftëtarët, ishte një ndër aktivitetet më të arrira të shkollës, nxënësit ishin të etur për të mar vesh sa më shum, nuk u lan radh mësuesve për të bër pyetje,
një nga pyetjet që na shkaktoi pak të qeshura ishte A kishit probleme me komunikimin, duke pas parasysh dialektin, pasi njëri ishte Tirans e tjetri Gjirokastrit
Gjirokastriti u përgjigj, kur arrita në fillim , njëri më pyeti I ka(h)it je? dhe gjirokastriti kishte menduar, po ky mendon se din emrin e babës tim!, e kishte marr pyetjen si I filanit je?
ndërsa tiransi tha, nuk pata probleme se kisha përkthyes shqip-shqip në brigadë
Ju falenderoj për vlersimin, me rrespekt Monda

[Nerti]

shume interesant ky materiali...faleminderit mona...