Lindi foshnjë e vdekur dhe e ngjallën me ndihmën e teknologjisë

**labja** · 07-03-2011, 01:46 PM

Lajmi që po lexoni, duket se vjen nga e ardhmja e largët. Një foshnje vajzë, lindi e vdekur, por në saj të teknologjisë së ngrirjes, arriti të mbijetojë …
Ella Anderson lindi e vdekur, por mjekët e saj arritën të bëjnë një mrekulli dhe ta sjellin në jetë. Foshnja u vendos për tre ditë me rradhë në një frigorifer të posacëm dhe 25 minuta pas lindjes, filloi ti rrahë zemra.
Në këtë mënyrë mjekët e spitalit Addenbrooke në Cambridge arritën të ulin metabolizmën e trurit dhe si rezultat ai filloi të punonte sërisht gradualisht.
Ella ishte e mbështjellë me një batanije të posacme e cila përmbante ujë të ftohtë dhe temperatura e trupit të saj valonte nga 37 deri në 33.5 gradë Celcius. Pas 72 orësh mjekët deklaruan se ishin optimistë dhe 11 ditë më pas i dhanë Ellës fletën e daljes nga spitali. 9 muaj më pas mjekët duken të impresionuar nga përmirësimi i shëndetit të vajzës dhe bëjnë fjalë për një mrekulli shkencore.

Mezi prisja ta përqafoja ngrohtë
Prindërit e foshnjes nuk u besonin syve. “Kur shkuam ta vizitonim në spital, e pamë të mbyllur në një frigorifer prej xhami plot me kabllo.E përkëdhelëm në kokë.Ishte shumë e ftohtë. Në fillim mjekët nuk ishin optimistë. Na thanë se edhe nëse jeton, do të ketë të meta mendore sepse truri nuk furnizohej mirë me oksigjen. Për fat të mirë e gjitha kjo zgjati vetëm pak ditë dhe truri i Ellës tani funksionon pothuajse 100%.”, thotë babai, Jason Anderson.
Nga ana tjetër, mamaja deklaron shumë e lumtur: “Mezi prisja ta shtrëngoja për here të parë dhe ti jepja një përqafim të ngrohtë. Nuk e dimë se cfarë mund të ndodhi më vonë, por shëndeti i saj sa vjen e përmirësohet”.

Kryemjeku i teknikës së përdorur Dr. Topun Austin, thotë se është shumë e vështirë të mbijetoje një foshnjë e cila vuan nga mungesa e oksigjenit, pasi difekti që mund të ketë pësuar truri, mund të jetë i madh.Vetëm 1 në 9 foshnje arrijnë të mbijetojnë nga dicka e tillë. Kjo teknikë zbatohet në shumë pak spitale në të gjithë Anglinë dhe është e domosdoshme që të zbatohet në të gjitha spitalet e vendit sa më shpejt të jetë e mundur.
Prindërit e Ellës kanë formuar një faqe në Facebook me anën e të cilës, shpresojnë të mbledhin paratë e nevojshme për të blerë frigoriferë të posacëm për foshnja me probleme të tilla. Më tepër se 1000 foshnje në vit vdesin ose vuajnë nga mungesa e oksigjenit në Angli, ndërsa ato që arrijnë të mbijetojnë, kanë probleme të mëtejshme shëndetësore.