Sony Ericsson lanson telefonin e ri në Windows Phone 7

[vaaldr1n]

Pjesa më e madhe e telefonave të mençur të Sony Ericsson që janë lansuar së fundmi, bazohen në sistemin operativ të kompanisë Google, atë Android.

Në anën tjetër, prodhuesi i këtyre telefonave, kompania Sony Ericsson ka paralajmëruar se gjatë këtij viti në treg do të paraqiten edhe shumë modele të reja të telefonave të mençur nga i njëjti prodhues dhe me këtë sistem operativ.

Mirëpo, në disa fotografi të cilat janë paraqitur sot në internet, shihet një telefon i mençur i Sony Ericsson i cili duket se vjen me sistemin operativ Windows Phone 7, ndërsa sipas këtij imazhi mund të thuhet se ky prodhues nuk do të kufizohet vetëm në telefonat që bazohen në Android.

Në fotografinë e cila ka rrjedhur në internet, shihet se modeli i ri i telefonit të Sony Ericsson posedon tastierë rrëshqitëse QWERTY, si dhe sistemin operativ Windows Phone 7, ndërsa fatkeqësisht ende nuk dihet asgjë për specifikat tjera të këtij telefoni.