Bie nga kati i tetë, shpëton mrekullisht 20-vjeçarja

**lovee** · 13-03-2011, 12:49 PM

Tiranë 13 mars- Një 20-vjeçare ka shpëtuar mrekullisht ndonëse ka rënë nga kati i tetë i një ndërtese pranë rrugës së Elbasanit në Tiranë.

Ngjarja ka ndodhur mbrëmë rreth orës 21:00, kur vajza ka tentuar të marrë ashensorin në katin e tetë, por për fat të keq ka përfunduar në hapësirën lënë bosh nga ndërtuesit, e për pasojë ka rënë në bodrumin e ndërtesës.

Vajza është dërguar urgjentisht në spital dhe ndodhet jashtë rrezikut për jetën.

Nuk është hera e parë që në kryeqytet ndodhin ngjarje të tilla, për shkak të papërgjegjësisë së ndërtuesve. Edhe pse përfundojnë objektet e tyre, ata lënë shpesh mangësi të tilla, të cilat më pas harrohen, duke u bërë shkak për ngjarje të rënda.

**labja** · 13-03-2011, 01:00 PM

Një 22-vjeçar nga New York ka arritur të mbijetojë, megjithëse ka rënë nga kati i 40-të. Por fati i tij duket se ishte fakti që përfundoi mbi një makinë të parkuar në rrugë. Dëshmitarët dhe policia thanë se Thomas Magill, ra mbi makinë nga kati i lartë i një grataçele dhe ka thyer të dyja këmbët, ndërsa ende ka jetën në rrezik, pasi është në gjendje kritike. Nga ana tjetër, policia po zhvillon hetime për shkaqet e hedhjes së burrit nga kulla. Ky nuk është njujorkezi i parë që i mbijeton rënies nga grataçela. Në dhjetor 2007, pastruesi i xhamave, Alsides Moreno, ra nga çatia e ndërtesës 47 katëshe. Si përfundim, megjithë dëmtimet e pësuara, mjekët thanë se ai mund të ecte përsëri.