Mbrojtje e rreptë e privatësisë në Bashkimin Evropian

[gjendar]

Bruksel, 22 Mars
Faqet për rrjete sociale si Facebook dhe shërbimet e kërkimit si Google së shpejti do të mund të bëhen objekt i padive gjyqësore nëse nuk do t’u përmbahen rregullave të reja të Bashkimit Europian lidhur me mbrojtjen e privatësisë.
Viviane Reding, komisionere për jurisprudencë në Komisionin Europian, propozon freskimin e ligjeve të vjetra 16 vjet për mbrojtjen e privatësisë në Bashkimin Europian në disa muajt e ardhshëm në mënyrë që të vendosen më shumë kufizime lidhur me mënyrën se si shfrytëzohen informatat personale. Kjo më së shumti do të prekë sajtet si Facebook, Google dhe Yahoo, për shkak të brengosjes në rritje për atë se si shfrytëzohen të dhënat të cilat i mbledhin për shfrytëzuesit e tyre. Reding kërkon që t’u mundësohet shfrytëzuesve tërheqja e të gjitha të dhënave të cilat për ta i kanë mbledhur sajtet, duke e quajtur këtë “të drejtë për të qenë i harruar”, dhe që kompanitë të ofrojnë më shumë informata lidhur me atë se cilat të dhëna i mbledhin dhe për çfarë qëllimi.
Pasi që një numër i madh i shërbimeve të popullarizuara janë të vendosura në serverët të cilët gjenden jashtë Bashkimit Europian, theksohet që secila kompani e cila punon në tregun e Bashkimit Europian ose cilido prodhim interneti që ka cak konsumatorët brenda Bashkimit Europian duhet të respektojë ligjet e Bashkimit Europian. Për të zbatuar këto ligje, trupat nacionale të ngarkuara për mbrojtjen e privatësisë do të duhej të kishin mundësinë e hetimit dhe ndërmarrjes së hapave ligjorë kundër kompanive të cilat kanë të dhënat dhe janë të vendosura jashtë Bashkimit Europian.

[vaaldr1n]

per mbrojtje mir paskan bo, po se di pse Facebook-u kto kohet e fundit ka nisur te luaj pak ? Shkruaj dicka ne Wall dhe nuk del fare, i shoh mesazhet, njoftimet qe i kam, klikoj dhe i shoh kur dal ne Kryefaqe prap me dalin qe kam po ato mesazhe qe sapo i kam pare dhe po ato njoftime qe sapo i kam pare nuk e di pse, por nuk eshte sikur me pare Facebook-u te un... nuk e di A po ju ndodh edhe ju kjo apo vetem mua

[gjendar]

Deri me tani mua nuk me ka ndodh iceman ,edhe ashtu hy shume rrall