Anomalia, 19-vjeç dhe nuk e di nëse është femër apo mashkull

[kuklla]

Sipas mjekut të QSUT-së, Petrit Hoxha, pacienti ka lindur me 2 sekse dhe prindërit e kanë sjellë për herë të parë 19-vjeç në spital


Ka mbushur 19-vjeç, por ende nuk e di nëse është femër apo mashkull. Madje kjo anomali po i shkakton stres dhe depresion dhe rrezikon t’i shkaktojë probleme serioze mendore. Tashmë po vuan fatkeqësinë që natyra e krijoi me të dyja sekset, por edhe neglizhencën e prindërve, të cilët janë kujtuar për ta dërguar tek mjeku specialist pas 19 vjetësh. Megjithëse në certifikatë i shënohet emri dhe seksi femër, paraqitja fizike tregon krejtësisht të kundërtën pasi duket si djalë. Kështu, Adelina nga Vlora gëzon këtë emër në certifikatë, por të gjithë e thërrasin Adi, për shkak të pamjes fizike prej djali. Dëshiron të jetë si gjithë të tjerët, djalë dhe për ta realizuar këtë mjekët deklarojnë se nga pikëpamja shkencore nuk e kanë të vështirë, por problemi tashmë qëndron tek ligji. Sipas doktor Petrit Hoxhës, personi në fjalë duhet të shkojë në gjykatë dhe të ndryshojë emrin dhe seksin, në të kundërt, nuk mund të bëjnë asnjë ndërhyrje kirurgjikale. Duke dënuar në maksimum neglizhencën e prindërve, por edhe të infermiereve, të cilët nuk kanë rekomanduar dërgimin e tij tek mjeku specialist që kur ka lindur, Petrit Hoxha thekson se shpesh mjekët gjenden përball këtyre situatave të vështira. “Nuk është aspak e lehtë për mjekët që ky person që ka jetuar prej 19 vjetësh me emrin Adelina ta kthejmë në Adi. Kjo nuk është aspak e lehtë as për përsonin në fjalë”,- thekson doktor, Petrit Hoxha duke shtuar se nuk arrin ta kuptoj injorancën e prindërve, që arrijnë të neglizhojnë deri në këtë pikë, duke e sjellë në moshën 19-vjeçarë në spital.

Historia

Tani që është rritur po e kupton vërtetë problemin që ka. Tek e shikon, duket që ka marrë tiparet e një djali adoleshent dhe askujt nuk mund t’i shkojë nëpër mend se me çfarë anomalie e ka krijuar natyra. “Kanë filluar t’i dalin mustaqet dhe zëri ka filluar t’i trashet ç’ka tregon se nga pamjen fizike e ka si mashkull, por në fakt, që kur ka lindur në certifikatë është njohur si femër, për shkak të anomalisë së lindur”,- pohon Petrit Hoxha. Personi në fjalë, sipas tij, ka lindur me 2 sekse dhe infermierja që ka qenë e pranishme ka vendosur ta cilësojë femër dhe nuk ka marrë mundimin që të rekomandojë prindërit tek mjeku specialit, në mënyrë që këtë anomali ta rregullonin që në muajt e parë të jetës dhe jo tani që është 19-vjeç. Kështu, Adelina, ose Adi, siç e thërrasin tani, po vuan neglizhencën e prindërve dhe të mjekëve, të cilët po i shkaktojnë pasoja të papërballueshme. Madje stresi dhe depresioni po arrin kulmin nga frika e paragjykimeve, sa mjekët kanë frikë se kjo mund ta dërgojnë edhe në vendime ekstreme. Infermieret tregojnë se gjatë ditës nuk rri kurrë në dhomë sepse ka turp, për faktin se ato janë në dijeni të defektit që ai ka. “Nuk rri në dhomë gjatë gjithë ditës. Mundohet të bëjë të pamundurën që të mos e shohë askush nga ne, që e dimë anomalinë që ka”,- thotë njëra nga infermieret, duke shtuar se ky është një rast i rrallë që u është paraqitur në pavion me këtë anomali në këtë moshë.

Problemi

Mjekët, pas një ndërhyrje kirurgjikale mund ta shpëtojnë nga anomalia e lindur pasi mund ta kthejnë atë në djalë, pikërisht ashtu siç ka edhe pamjen fizike, por kjo sipas tyre mund të arrihet vetëm pasi të jenë në rregull me ligjin. Sipas doktor Petrit Hoxhës, personit në fjalë, që t’i lihet vetëm organi mashkullor, siç ka edhe ai dëshirë, duhet të ndryshojë emrin dhe seksin edhe në certifikatë. “Ky person duhet të shkojë në gjykatë, të ndryshojë emrin dhe seksin, nga ai femëror në mashkullor, pastaj ne, me anë të një ndërhyrje kirurgjikale mund t’i lëmë organin mashkullor”,- pohon Hoxha, duke shtuar se në të kundërt, nuk kanë asnjë të drejtë të realizojnë operacionin. Ndërkohë doktori pohon se pasi iu bënë të ditura këto procedura, personi i lindur me anomali u largua nga spitali shumë pesimist dhe nuk dihet nëse do të kthehet më.

Hoxha: Ja pasojat e neglizhencës së fëmijëve me seks të papërcaktuar

Anomalitë e diferencimit të seksit nuk kanë të bëjnë thjesht me shqetësimin estetik, por edhe me shumë pasoja të tjera që mund të shkojnë deri në humbje të jetës. “Cilido fëmijë që në lindje shfaq këto dukuri, duhet të merret menjëherë në mjekim, jo sepse na shqetëson estetika, por sepse realizimi jo i plotë i këtyre fenomeneve na bën të mendojmë që disa funksione të rëndësishme jetësore nuk zhvillohen mirë”, - thotë Petrit Hoxha. Sipas tij, një ndër shkaqet e anomalive të diferencimit të seksit është pikërisht anomalia në prodhimin e kortizonit dhe për një organizëm që mungon kortizoni, shton ai, do të thotë që nuk është në gjendje të mbajë tensionin e gjakut në gjendje normale, nuk është në gjendje të mbajë kripën, pastaj fillojnë të vjellat dhe barku te fëmijët, duke realizuar përfundime shumë dramatike për shëndetin e fëmijëve. Ndërsa problem tjetër, thekson Petrit Hoxha, është fakti se fëmijë të lindur me anomali, me anë të mjekimit, duhet t’i përcaktohet patjetër seksi. “Kjo duhet të arrihet që në javën e parë të jetës, pasi nëse ne nuk e kemi përcaktuar seksin në mënyrë shkencore, atëherë individi mund të rritet edhe si vajzë, pasi pamjen organeve gjenitale e ka femërore dhe realisht është djalë ose mund të rritet si djalë, pasi pamjen e jashtme gjenitale e ka djalë, por realisht është vajzë”-, shpjegon ai, duke thekuar se kjo do të kishte shumë pasoja deri në fund të jetës për atë fëmijë.

Hoxha: Prindër, mos neglizhoni! Anomalitë korrigjohen

Nëse fati i dënoi të lindin me anomali të diferencimit të seksit, kjo nuk do të thotë që kjo do t’i ndjekë gjithë jetën. Shefi i Shërbimit të Diabetologjisë në Pediatri, Petrit Hoxha, theksoi që mjafton të mos neglizhohet dhe pikërisht në dy javët e para që lindin këta fëmijë dhe çështja do të ishte e zgjidhur. “Nëse e marrim fëmijën që bebe, atëherë ne fillojmë menjëherë studimin e rastit, pasi, së pari, mbrojmë jetën e tij, duke kuptuar se cilat funksione nuk janë adekuate, cilat hormone nuk prodhohen dhe bëjë ndërhyrjen e menjëhershme për ta zëvendësuar në mënyrë që fëmija të mos rëndohet më tej”,- shpjegon ai. Por ajo çka është më e rëndësishme, është fakti që duke bërë ndërhyrje kirurgjikale në kohë, fëmija ka shanse që, sipas strukturës gjenetike dhe funksionale, të rritet në drejtimin e duhur. “Janë shumë të vështira si operacione, por fatmirësisht edhe në vendin tonë vitet e fundit kanë filluar të realizohen”, - theksoi Hoxha.

Anomalitë, përshtatje e seksit me mënyrën se si janë rritur

Faji është edhe i mjekëve që merren me të porsalindurit dhe nuk vërejnë anomalitë e diferencimit të seksual. Sipas Petrit Hoxhës, duhet të insistohet që mjeku i cili merret me të porsalindurin, duhet të jetë i vëmendshëm dhe ta adresojë prindin te specialisti. “Nëse ky fëmijë fatkeq do të ishte diagnostikuar që në moshë të vogël, do të ishte mjekuar dhe nuk do të kishte marrë këtë zhvillim”,- thotë ai. Ndërkohë, Hoxha theksoi se në vendin tonë fatkeqësisht këto fenomene në shumë raste janë parë si tabu, duke i penguar prindërit t’i drejtohen personelit mjekësor për faj të opinionit të njerëzve. “Përvoja në vendin tonë tregon që këto tema janë tabu dhe njerëzit nuk vijnë në momentin e duhur, por vijnë vonë në moshën e pubertetit kur një vajzë e ashtuquajtur vajzë nuk po prodhon zhvillimin e gjoksit apo ciklin menstrual apo një djalë i ashtuquajtur djalë nuk ka zhvillimin adekuat të moshës së pubertetit”, - thotë Hoxha, duke shtuar se kur i mjekojnë gjejnë që anomalitë hormonale dhe gjenetike janë të shumëllojshme dhe pastaj janë të detyruar të bëjnë përshtatjen e seksit në përputhje me mënyrën se si është rritur.

mare nga shekulli

[anna]

kjo anomali ka ndodhur edhe ketu ne france. nje djale ( apo vajze ? ) i quajtur erwan ka lindur gjysem vajze gjysem djale. organet riprodhuese mashkullore jane zhvilluar ne brendesi te trupit dhe ai apo ajo ne paraqitje te jashteme ishte femer. kordat zanore leshojne tinguj te trashe si gjithe meshkujt.

eshte me te vertete diçka shume e dhimbshme per ata qe jane e prekur nga kjo anomali sepse nuk arrijne dot te percaktojne vetes se tyre nje identitet.


per mendimin tim nuk mundesh dot t ja hedhesh fajin nje mjeku sepse femija kur lind me organ femer psh , dhe me vone organet mashkullore fillojn e zhvillohen ne brendesi te trupit pa dhene asnje shenje te dukshme atehere asnje njeri nuk arrin dot ta percaktoje se eshte femer apo mashkull. femija lindi femer dhe eshte ritur me mendimin se eshte femer dhe vazhdon te rittet me kete mendim deri sa nje anomali *te vihet re nga vete personi ose nga te afermit

[ReniX]

epo cfare nuk degjon

[Nerti]

uau kisha degjuar historira te tilla por si besoja.
tani ekzistokan edhe ne shqiperi.
sa keq me vjen.
turp per ata prinder qe e kane lene deri ne kete pike!!!!
do doja shume ta ndihmoja kete person...

[anna]

nuk mund te thuash turp per ata prinder qe e kane lene femijen e tyre deri ne kete pike sepse prindi nuk do asnjehere qe femija i tij te vuaje . jo informimi i prindit nga ana e mjekeve ka te beje qe prindi e ka neglizhuar , mund te them , kete anomali sepse nuk kane qene ne djeni. nese prindi do te ish ne dijeni qe kur femija erdhi ne jete atehere do te isha e sigurt se keta prinder do te benin diçka qe femija e tyre mos te vuaje ne te ardheme . jam e sigurt se me kete19 vjeçar qe vuan per te pasur nje identitet preçiz vuajne dhe prinderit e tij. nuk mundemi te gjykojme asnje sepse asnje fakt i sakte nuk na jepet. nuk e di nese dikush tjter eshte me te njejtin mendim si une . *

[carolina]

Ketu ne greqi,ka pasur raste te tilla,por njeri eshte me i dhimbshmi....
Kishte lindur me anomali,me organet mashkullore thuajse te padukshme....
Mjeket informuan prinderit dhe vendosen qe ta bejne operacion..
Operacioni nuk shkoi mire dhe nga thuajse u ben te padukshme per arsye te djegjes gjate operimit.....
Keshtu qe vendosen kur te behej 2 vjec do ti behej nje operim i ri,i cili do ta shnderronte ne femer....
Keshtu u rrit Jorgoja,qe ju kthye emri ne Xhorxhina,...Vitet kalonin dhe ne fotografi shihje nje femije me fustan,nje femije me floket bishtaleca.....
Kur te gjitha vajzat e moshes se tij luanin me kukulla,Xhorxhina luante me makina,me arme,dhe lojra te tjera tecilat preferohen nga djemte...Mardhenie kryente me djem,ashtu si dhe shoqet e saj....
Ngaqe nuk mund te shihte me veten ne ate menyre,sepse brenda e dinte qe ishte djale,filloi dhe kaloi ne nje depresion...u shtrua per nje kohe ne spital...Kur u kthye ne shtepi fajesonte prinderit e tij per kete gje,deri sa arriti ne nje gjendje qe te ushtronte dhune mbi ta.
Fundi nuk vonoi kur e gjeten te vdekur ne banjen e shtepise me damaret e prere,dhe me gjak kishte shkruar ne murin e saj :
Perse sme late te jetoja?

KETU PO QE I HIDHET FAJI MJEKEVE....

[anna]

po jam e te njejtit mendim me ty carolina

[flori_xhi]

epo cti besh
se la vie!

[anna]

Me qe jemi akoma me anomalite po ju tregoj dhe nje anomali tjeter.
Ne INDI nje vajze e vogel 2 vjeçe ka lindur me 4 duar dhe 4 kembe . Kesaj vajze i eshte vene emri i nje perendeshe indiane e cila quhet LAKSHMI *nga shumica e kembeve dhe e kraheve. Femijes i jane zhvilluar 2 kolona vertebrale e cila eshte bere shkaku i kraheve dhe i kembeve qe i kane dale me teper se normalja. Ky femije do te operohet nga mjeket me te njohur te indise , dhe ky operacjon do te behet falas per shkak se prinderit e saj jane shume te varfer. Shancet per mbijetesen e saj jane ne 70%-80%.
Vajza shihet si nje perendeshe nga banoret e tjere dhe disa prej tyre kane dashur te abuzojne me kete vajze per te nxjerre leke duke i bere foto. por familja e saj eshte detyruar ta fshehe ate pasi nje cirke u eshte prezantuar per tu shitur vajzen.

[anna]

[img=:n89c4z01]