315 të vdekur nga pakujdesia e shoferëve

[Altin111]

09/11/2007 Instituti i Shëndetit Publik publikon raportin e aksidenteve rrugore në Shqipëri. Alarm për masat që duhen

OBSH: Brenda 5 vitesh aksidentet do të rriten me 60 për qind. Përgjegjës meshkujt deri 25 vjeç

Vendi ynë shënon rreth 315 të vdekur në vit, ndërsa kryeqyteti shënon numrin më të madh të tyre. Instituti i Shëndetit Publik bëri të ditur dje se “traumat e trafikut kanë përgjithësisht peshën kryesore në aksidente”. Statistikat tregojnë së rreth 5 mijë persona kanë humbur jetën si pasojë e dëmtimeve të rënda, ndërsa rreth 6 mijë të tjerë janë plagosur. Ndaj dhe është kërkuar që ISHP-ja, si pjesë përbërëse e strukturave të shëndetësisë, përmes strategjive të caktuara synon në sensibilizimin e komunitetit, të realizojë mbrojtjen konkrete. Përfaqësues të këtij institucioni theksojnë se orientimi drejt mënyrave më efikase të trafikut, rritja e cilësisë së transportit publik, krijimi i hapësirave për të lëvizur në këmbë e me mjete ekologjikisht të pastra, jo vetëm që do të rrisin sigurinë rrugore, por do të kenë edhe impakte pozitive në cilësinë e ajrit e në treguesit global të shëndetit.

Statistikat

Sipas të dhënave të marra prej INSTATI-t nga viti 1991 e në vazhdim kanë ndodhur rreth 10 mijë aksidente. Kjo për shkak se pjesa më e madhe e shoferëve preferojnë të ecin shpejt dhe trafiku i rënduar ka bërë që rreth 12 mijë persona të jenë pre e këtyre aksidenteve rrugore, prej tyre rreth 5 mijë rezultojnë të kenë humbur jetën. Kjo për faktin se nga goditjet kanë marrë plagë të rënda, kurse 6 mijë të tjerë kanë shpëtuar. Pritet që në vitin 2020 numri i aksidenteve të rritet me 60 për qind. Në botë aktualisht çdo ditë vdesin afërsisht 16 mijë njerëz, ku vdekjet nga aksidentet rrugore llogariten në 25%. Pra, vendi ynë renditet në shtetet me numër më të madh të aksidenteve rrugore. Ndaj ISHP-ja kërkon sensibilizim të komunitetit duke rritur sigurinë rrugore.

Shkaku

Shkaku kryesor që në vendin tonë ndodhin shumë aksidente është trafiku tejet i ngarkuar. Ndërkohë që shoferët, pavarësisht se e dinë këtë gjë shtojnë shpejtësinë, duke shkaktuar më pas një sërë aksidentesh. Sipas ISHP-së, “mbizotërojnë shoferët meshkuj me moshë nga 26-45 vjeç, të ndjekur nga ata me moshë nga 18-25 vjeç”, që kanë përgjegjësinë më të madhe në aksidentet rrugore, fakt që korrespondon edhe me raportin e OBSH-së. Shumica e aksidenteve rrugore në Tiranë ndodhin brenda qytetit, nga automjetet e tipit veturë dhe kryesisht nga ora 12-20.00. Përveç moshës së re të drejtuesve që në disa raste është nën atë të lejuar, shkak kryesor i ndodhjes së aksidenteve është shpejtësia tej normave të parashikuara në Kodin Rrugor dhe pakujdesia e këmbësorëve. Sipas shkakut, aksidentet klasifikohen: a. shpejtësi 24%; b. të ndryshme 19%; c. pakujdesia e këmbësorit 21%; d. pakujdesia e biçiklistit 4%; e. larguar nga vendngjarja 10%; f. humbje kontrolli 18%; g. defekt teknik 2%; h. konsumim alkooli 3%

Meshkujt

Mosha 18-25 vjeç zënë numrin më të madh të aksidenteve të rënda në Shqipëri dhe në botë

Të vdekur

315 persona në një vit kanë humbur jetën në Shqipëri si pasojë e një aksidenti rrugor

Këmbësorët

Kalimi i parregullt i rrugës prej personave është përgjegjës për 19% të aksidenteve në vend

Tirana

Kryeqyteti shënon numrin me të madh të aksidenteve rrugore. Ndërsa ora 12-20 shënon pikun e tyre

Pritet që në vitin 2020 numri i aksidenteve të rritet me 60 për qind. Në botë aktualisht çdo ditë vdesin afërsisht 16 mijë njerëz, ku vdekjet nga aksidentet rrugore llogariten në 25%. Pra, vendi ynë renditet në shtetet me numër më të madh të aksidenteve rrugore. Ndaj ISHP-ja kërkon sensibilizim të komunitetit duke rritur sigurinë rrugore.

[anna]

po normal qe ka kaq shume aksidente rrugore ne shqiperi sepse ligjet mungojne. edhe ne tirane qe ka semafore jane vetem per bukuri sepse dritat nuk u punojne. pale dhe kembesoret qe ecin vend e pa vend. ne asnje vend te botes nuk kalohet autostrada qe te kalosh nga e majta ne te djathte vetem ne shqiperi ndodh kjo. ne shqiperi nuk respektohet venia e ripit te sigurise , nuk respektohet limiti i shpejtesise, dhe mbi te gjitha kur kryqezohen naten me automobiliste te tjere nuk i fikin dritat e gjata por te verbojne. shqiptari shyqyr qe ka nje makine ne shqiperi dhe hajt sikur i ka hyp gomarit. me falni per kete lloj te foluri ndoshta mund te jem pak e ashper por eshte diçka reale