Restoranti i shqiptarit, më i miri në botë!

**Erinaa** · 19-04-2011, 03:16 PM

Noma në Danimarkë është sërish restoranti më i mirë në botë. Vlerësimin pronarit shqiptar të tij, Rene Rexhepi, ia jep sërish revista britanike “Restaurant”, që shpall 50 më të mirët e botës.

“Ka qenë një vit i madhërishëm për Nomën dhe kryekuzhinieri i saj, Rene Rexhepi është bërë sinonim i ‘gjeneratës së re’ të kuzhinës globale: një parahyrje për darkë interesante”, ka thënë një zëdhënës i Restaurant Magazine.

“Nuk dua të jem njeri i një suksesi të vetëm. Nuk është keq kështu”, ka thënë Rexhepi pak ditë para se restoranti i tij të ri-konfirmohej për më të mirin në botë.

Për Rene Rexhepin thuhet se është gjellëbërës i talentuar i cili di të përgatisë “çudira të vërteta” duke bërë ushqime nga bimët e egra, lulet dhe gjethet me shije të hidhur të cilat serviren me fryte të freskëta deti.

Babai i Rexhepit është shqiptar nga Maqedonia, kurse nëna e tij është daneze. Në këtë prezantim për TED, Rexhepi shpjegon suksesin me restorantin në Kopenhagë