Përse nuk duhet të flesh me kafshët

[Erinaa]

Shumica e amerikanëve mbajnë kafshë në shtëpi dhe më shumë se gjysma e këtyre maceve ose qenve, kanë të drejtë legjitime të flenë në krevatin e padronëve të tyre, thonë profesorë të Universitetit të Kalifornisë

Përse nuk duhet të flesh me kafshët

Kërkimet e ndryshme mjekësore kanë thënë prej kohësh se kontakti me kafshët shtëpiake ndihmon shumë të sëmurët fizikë dhe mendorë. Por tani, shkencëtarët veterinerë thonë se të flesh me kafshën që mban në shtëpi rrit ndjeshëm rrezikun e marrjes së parazitëve ose sëmundjeve të ndryshme.

Çfarë bën pronari i një kafshe shtëpiake?

Shumica e amerikanëve mbajnë kafshë në shtëpi dhe më shumë se gjysma e këtyre maceve ose qenve, kanë të drejtë legjitime të flenë në krevatin e padronëve të tyre, thonë profesorë të Universitetit të Kalifornisë dhe Ben Sun, kryeveteriner i Departamentit të Shëndetit të Kalifornisë, në një studim të publikuar këtë muaj në Qendrën e Kontrollit të Sëmundjeve dhe Parandalimit të Përhapjes së Sëmundjeve Ngjitëse (CDC).

Ky studim thotë se kafshët duhet me doemos të flenë në krevatin e tyre personal. "Dëshironin të tërhiqnin vëmendjen e njerëzve, pasi fjetja së bashku me kafshët shtëpiake tashmë është bërë diçka normale pavarësisht se ky ves shoqërohet me rreziqe shumë të mëdha edhe në rastet kur nuk është shumë i shpeshtë", thotë Chomel për AOL News. "Në rastet kur ndodh, veçanërisht kur kafshët flejnë me fëmijët apo me persona me imunitet të dobët, mund të jetë shumë e rrezikshme".

Autorët e studimit, të gjithë ekspertë të zoonozave, të cilat janë sëmundje ose infeksione të transmetuara nga kafshët tek njeriu, raportuan që: "Rreziku i transmetimit të agjentëve zoonotikë nga kontakti i afërt ndërmjet kafshëve dhe padronëve të tyre gjatë gjumit, me anë të puthjes apo lëpirjes është real dhe madje është dokumentuar edhe për infeksione kërcënuese për jetën si sëmundjet epidemike, parazitëve të brendshëm dhe shumë sëmundje të tjera të rrezikshme. Sa nga ju që keni kafshë në shtëpi mund të pranoni se nuk keni fjetur kurrë me miqtë tuaj me katër këmbë? Sipas studimit shumë pak.

Ndër pronarët e kafshëve, 53 përqind e tyre e konsiderojnë qenin si një pjesëtar të mirëfilltë të familjes dhe 56 përqind e këtyre pronarëve të qenve pranojnë se kanë fjetur shpesh me ta, raporton studimi. Këtu nuk po flitet për këlyshë të porsalindur apo për cihuahua. Po, është e vërtetë që studimi thotë se shumica e njerëzve mbajnë qenër të vegjël, por rreth 41 përqind e tyre janë qenër me madhësi mesatare dhe një ndër tre janë të mëdhenj. Për më tepër, femrat duket se janë më shumë tolerante me miqtë e tyre të vegjël, duke i lejuar më shpesh që të flenë në krevat bashkë me to...

[MAJDI]

GJeja e par qe te shkon ne mendje do te zeri ndonje semundje