I sëmuri mendor tenton të vrasë 5 veta: Bënin zhurmë.

[Altin111]

Prag masakre në Korçë. U drejton kallashnikovin dasmorëve. Për fat i bllokohet arma

Një i sëmurë mendor tenton të kthejë në tragjedi një festë familjare të disa bashkëfshatarëve të vet. Ngjarja ka ndodhur të dielën në fshatin Plasë të Korçës, kur një 39-vjeçar ka dalë në ballkon për të qëlluar me automatik një grup personash, të cilët ndodheshin afër shtëpisë së tij. "Nuk duroja dot zhurmat", ka thënë për policinë Marjo Lëngu, i cili është prangosur nga ana e uniformave blu të Korçës.

Një grup njerëzish kanë qenë duke festuar dhe nga lokali përballë me shtëpinë e tij dëgjohej muzikë. Kjo ka bërë që 39-vjeçari me probleme mendore të tentojë dhe vrasjen e personave që ndodheshin jashtë lokalit, jo shumë larg nga banesa. Sipas policisë, do të ishin shënuar të paktën pesë viktima, në rast se ai do të kishte mundur të shkrepte armën automatike.

Marjo Lëngu është arrestuar pas denoncimit të një të afërmi, i cili ka parë skenën e rëndë. Nën akuzën e kanosjes serioze për vrasje dhe armëmbajtjes pa leje, ai është vënë në pranga vetëm dje në orët e para të mëngjesit. Sipas policisë, Marjo Lëngu ka dalë në ballkonin e shtëpisë, duke tentuar të qëllojë me armë automatike disa persona që ndodheshin afër banesës së tij. Burimet policore thonë se kanë qenë dritat e një automjeti dhe bllokimi i fishekut në fole që kanë shmangur një tragjedi me disa viktima, kur 39-vjeçari iu ka drejtuar armën bashkëfshatarëve të tij. Sipas denoncuesit, emri i të cilit nuk bëhet i ditur, Marjo Lëngu, për shkak të gjendjes depresive ka konsumuar veprën penale të kanosjes serioze për vrasje. Kjo konfirmohet edhe nga ana e policisë, e cila thekson se arrestimi është bërë jo vetëm për shkak të veprës penale që ka konsumuar, por edhe si pasojë e rrezikshmërisë së lartë shoqërore që paraqet ky person.

Nga ana e grupit hetimor bëhet e ditur se ai vuan nga depresioni ndërsa në momentin e ngjarjes ka qenë nën efektin e pijeve alkoolike. Ai ka tentuar të qëllojë me armë automatike pesë persona poshtë banesës së vet, ndërsa fatmirësisht çdo gjë është ndalur kur në sy i ka rënë drita e një makine që ndodhej përballë. Në këtë moment, ai ka dashur të shkrepë armën automatike, por fisheku i është bllokuar. Grupi hetimor ka ushtruar edhe kontroll në banesën e 39-vjeçarit nga fshati Plasë, i cili paraqet rrezikshmëri edhe për familjen, për shkak të përsëritjes së veprave të dhunshme në gjendjen e rëndimit psikik. Nga kontrolli në banesë sipas grupit hetimor janë gjetur një armë automatike si dhe dy krehëra me fishekë. Arrestimi i 39-vjeçarit është bërë në orën 11:00 të mëngjesit të djeshëm në banesën e tij në fshat. Pasi ka tentuar pa rezultat të bëjë rezistencë dhe t‘i largohet policisë, Lëngu ka pranuar edhe akuzën ndaj tij. Ai mësohet se ka thënë se e shqetësonte muzika e lartë, por edhe zërat që vinin nga lokali afër shtëpisë. "M‘u ngritën nervat. Nuk duroja dot më", është shprehur Marjo Lëngu. Sipas policisë, ai nuk e ka pranuar fillimisht akuzën, me idenë se ngjarja nuk ka pasur dëshmitarë. Por është çuditur kur ka mësuar se është denoncuar nga një prej të afërmve të tij, nga frika e një tragjedie të mundshme.

[ReniX]

duhet ruajt nga keta